ହାଇଦ୍ରାବାଦ: ଓସ୍କାର-ମନୋନୀତ ଚଳଚ୍ଚିତ୍ର 'ଟୁ କିଲ ଏ ଟାଇଗର'ର ଅଂଶ ହେଲେ ଗ୍ଲୋବାଲ ଅଭିନେତ୍ରୀ ପ୍ରିୟଙ୍କା ଚୋପ୍ରା । ସୋସିଆଲ ମିଡିଆରେ ଅଭିନେତ୍ରୀ ଏହି ସୂଚନା ଦେବା ସହ ଏହି ଫିଲ୍ମର ଏକ ଅଂଶ ହୋଇଥିବା ନେଇ ଖୁସିବ୍ୟକ୍ତ କରିଛନ୍ତି । କହିରଖୁଛୁ କି, ଏଥର ଓସ୍କାର ଦୌଡ଼ରେ ଏକ ଭାରତୀୟ ଫିଲ୍ମ ସାମିଲ ହୋଇଛି । ନିର୍ଦ୍ଦେଶକ ନିଶା ପାହୁଜାଙ୍କ ନିର୍ଦ୍ଦେଶିତ ଫିଲ୍ମ 'To Kill A Tiger' ଶ୍ରେଷ୍ଠ ଡକ୍ୟୁମେଣ୍ଟାରୀ ଫିଚର ଫିଲ୍ମ ବର୍ଗରେ ମନୋନୀତ ହୋଇ ସଫଳତା ହାସଲ କରିଛି ।
ଅଭିନେତ୍ରୀ ଏହି ସୂଚନା ନିଜ ଇନଷ୍ଟାଗ୍ରାମରେ ସେୟାର କରି ଖୁସିବ୍ୟକ୍ତ କରିଛନ୍ତି। ପ୍ରିୟଙ୍କା କହିଛନ୍ତି ଯେ ସେ ବର୍ତ୍ତମାନ ଓସ୍କାର ମନୋନୀତ ଚଳଚ୍ଚିତ୍ର 'ଟୁ କିଲ ଏ ଟାଇଗର'ର ଏକ କାର୍ଯ୍ୟନିର୍ବାହୀ ନିର୍ମାତା ଭାବରେ ଯୋଗ ଦେଇଛନ୍ତି । ଏହି ଖବର ଦେବା ସହ ଅଭିନେତ୍ରୀ ଖୁସିବ୍ୟକ୍ତ ମଧ୍ୟ କରିଛନ୍ତି । ସେ ଲେଖିଛନ୍ତି, "ମୁଁ ଘୋଷଣା କରି ଅତ୍ୟନ୍ତ ଗର୍ବିତ ଅନୁଭବ କରୁଛି ଯେ ବର୍ତ୍ତମାନ ମୁଁ ଓସ୍କାର ମନୋନୀତ ଚଳଚ୍ଚିତ୍ର 'ଟୁ କିଲ ଏ ଟାଇଗର'ର ଏକ ଅଂଶ ଅଟେ । ନେଟଫ୍ଲିକ୍ସ ଏହି ଚଳଚ୍ଚିତ୍ରକୁ କିଣିଛି ।"
ପ୍ରିୟଙ୍କା ଆହୁରି ଲେଖିଛନ୍ତି, "ଏହାର କାହାଣୀ ପ୍ରକୃତରେ ହୃଦୟସ୍ପର୍ଶୀ ଅଟେ । ମୁଁ ମଧ୍ୟ ଝାଡଖଣ୍ଡରେ ଜନ୍ମଗ୍ରହଣ କରିଛି । ଯେତେବେଳେ ମୁଁ 2022 ମସିହାରେ ପ୍ରଥମ ଥର ପାଇଁ ଏହି ଚଳଚ୍ଚିତ୍ର ଦେଖିଲି, ସେତେବେଳେ ମୁଁ ସଙ୍ଗେ ସଙ୍ଗେ ଏହାର କାହାଣୀ ଦ୍ୱାରା ଆକର୍ଷିତ ହୋଇଥିଲି, ଯାହା ଜଣେ ଝିଅର ନ୍ୟାୟକୁ ନ୍ୟାୟ ଦେବା ପାଇଁ ଜଣେ ପିତାଙ୍କ ସାହସିକ ସଂଗ୍ରାମର ଚିତ୍ରଣ କରିଛି ।" ଏପରି ପରିସ୍ଥିତିରେ, ଗୋଟିଏ ଝିଅ ଏବଂ ପିତାଙ୍କ କାହାଣୀକୁ ଦେଖି ମୁଁ ଅପେକ୍ଷା କରିପାରୁନାହିଁ ।"
ସୂଚନା ଥାଉ କି, ଏହି ଫିଲ୍ମ ୧୦ ସେପ୍ଟେମ୍ବର ୨୦୨୨ରେ ଟରଣ୍ଟୋ ଅନ୍ତର୍ଜାତୀୟ ଫିଲ୍ମ ଫେଷ୍ଟିଭାଲରେ ପ୍ରଦର୍ଶିତ ହୋଇଥିଲା । ଏହା ପରେ ଜୁନ ୨୦୨୩ରେ, ଉତ୍ତର ଆମେରିକୀୟରେ ଆୟୋଜିତ ଲାଇଟହାଉସ ଅନ୍ତର୍ଜାତୀୟ ଫିଲ୍ମ ଫେଷ୍ଟିଭାଲରେ ପ୍ରଦର୍ଶିତ ହୋଇଥିଲା । ଟରଣ୍ଟୋ ଅନ୍ତର୍ଜାତୀୟ ଫିଲ୍ମ ଫେଷ୍ଟିଭାଲରେ ଏହି ଫିଲ୍ମ ଶ୍ରେଷ୍ଠ କାନାଡୀୟ ଫିଚର ଫିଲ୍ମ ପାଇଁ ଆମ୍ପ୍ଲିଫାଇ ଭଏସ ଆୱାର୍ଡ ଜିତିଥିଲା । ଏହିପରି ଏହି ଡକ୍ୟୁମେଣ୍ଟାରୀ ଫିଲ୍ମ ବିଶ୍ବର ବିଭିନ୍ନ ଚଳଚ୍ଚିତ୍ର ମହୋତ୍ସବରେ ୧୯ଟି ପୁରସ୍କାର ଜିତିସାରିଛି । ଏଥିମଧ୍ୟରେ TIFF, ପ୍ଲାମ ସ୍ପ୍ରିଙ୍ଗ୍ସ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ, ଡକ ଅଭିଭ ଏବଂ କାନାଡୀୟ ଚଳଚ୍ଚିତ୍ର ମହୋତ୍ସବ ଅନ୍ତର୍ଭୁକ୍ତ । ବର୍ତ୍ତମାନ ଏହା ଓସ୍କାର ପାଇଁ ମନୋନୀତ ହୋଇଛି ।
ଏହା ମଧ୍ୟ ପଢନ୍ତୁ: ଓସ୍କାର ଆୱାର୍ଡ ୨୦୨୪: ଶ୍ରେଷ୍ଠ ଫିଚର ଫିଲ୍ମ ବର୍ଗରେ ଏହି ଭାରତୀୟ ଡକ୍ୟୁମେଣ୍ଟାରୀ ଫିଲ୍ମ ମନୋନୀତ
'ଟୁ କିଲ୍ ଏ ଟାଇଗର'ର କାହାଣୀ ବିଷୟରେ କହିବାକୁ ଗଲେ, ଝାଡଖଣ୍ଡର ଏକ ଗାଁରେ ଘଟିଥିବା ୧୩ବର୍ଷୀୟ ନାବାଳିକାଙ୍କୁ ଦୁଷ୍କର୍ମ ଘଟଣା ଉପରେ ଆଧାରିତ । ଯେଉଁଠି ଜଣେ ପିତା ନିଜ ଝିଅକୁ ନ୍ୟାୟ ଦେବା ପାଇଁ ସମାଜ ସହ କିପରି ସଂଘର୍ଷ କରିଛି ତାହା ଏଥିରେ ଦର୍ଶାଯାଇଛି । ଏହି ଚଳଚ୍ଚିତ୍ରଟି କର୍ଣ୍ଣେଲିଆ ପ୍ରିନ୍ସିପ ଏବଂ ଡେଭିଡ ଓପେନହାଇମଙ୍କ ଦ୍ବାରା ନିର୍ମିତ ହୋଇଥିବା ବେଳେ ନିର୍ଦ୍ଦେଶକ ନିଶା ପାହୁଜାଙ୍କ ନିର୍ଦ୍ଦେଶନା ଦେଇଛନ୍ତି ।
