ହାଇଦ୍ରାବାଦ: ବାପା ହେଲେ ବଲିଉଡ ଅଭିନେତା ବରୁଣ ଧୱନ । ଗତ ସୋମବାର, ଜୁନ ୩ରେ ବରୁଣ ଧୱନ ଏବଂ ନତାଶା ଡାଲାଲ ସେମାନଙ୍କର ପ୍ରଥମ ସନ୍ତାନର ପିତାମାତା ହୋଇଛନ୍ତି । ନତାଶା ଡାଲାଲ ଜଣେ ଶିଶୁ କନ୍ୟାଙ୍କୁ ଜନ୍ମ ଦେଇଛନ୍ତି । ବରୁଣଙ୍କ ବାପା ତଥା ବଲିଉଡ ନିର୍ଦ୍ଦେଶକ ଡେଭିଡ ଧୱନ ମୁମ୍ବାଇର ହିନ୍ଦୁଜା ଡାକ୍ତରଖାନାରୁ ବାହାରକୁ ଆସିବା ବେଳେ ଶିଶୁ କନ୍ୟା ଜନ୍ମ ଖବରର ସୂଚନା ଦେଇଥିଲେ । ତେବେ ଏନେଇ ଧୱନ ପରିବାରରେ ଖୁସିର ମାହୋଲ ରହିଥିବା ବେଳେ ଏହି ଖୁସି ଖହର ଶୁଣି ସେଲିବ୍ରିଟିଙ୍କ ଠାରୁ ଫ୍ୟାନ୍ସ ଏହି ଦମ୍ପତିଙ୍କୁ ଅଭିନନ୍ଦନ ଜଣାଇଛନ୍ତି ।
ଜୁନ ୩ ରେ ବରୁଣ ଧୱନ ଏବଂ ନତାଶା ଦଲାଲ ପ୍ରଥମ ଥର ପାଇଁ ପିତାମାତା ହୋଇଛନ୍ତି । ନତାଶା ମୁମ୍ବାଇର ହିନ୍ଦୁଜା ହସ୍ପିଟାଲରେ ଶିଶୁ କନ୍ୟାକୁ ଜନ୍ମ ଦେଇଛନ୍ତି । ଏହି ଖୁସି ଖବରର କିଛି ସମୟ ପରେ ଡାକ୍ତରଖାନା ବାହାରେ ଧୱନ-ଦଲାଲ ପରିବାରର କିଛି ଭିଡିଓ ସାମ୍ନାକୁ ଆସିଛି । ଏକ ଭିଡିଓରେ ସେ ତାଙ୍କ ବାପା ତଥା ଚଳଚ୍ଚିତ୍ର ନିର୍ମାତା ଡେଭିଡ ଧୱନଙ୍କ ସହ ନଜର ଆସିଛନ୍ତି । ଏହା ପରେ ବରୁଣଙ୍କ ଭାଉଜ ଏବଂ ମାଆଙ୍କୁ ହସ୍ପିଟାଲ ବାହାରେ ଦେଖିବାକୁ ମିଳିଥିଲା ।
ବିବାହର ୩ ବର୍ଷ ପରେ ପିତାମାତା ହେଲେ ନତାଶା-ବରୁଣ
ବରୁଣ ଧୱନ ଏବଂ ନତାଶା ଦଲାଲ ପିଲାଦିନର ବନ୍ଧୁ ଥିଲେ । ବଲିଉଡରେ କ୍ୟାରିୟର ଆରମ୍ଭ କରିବା ପୂର୍ବରୁ ମଧ୍ୟ ବରୁଣ ନତାଶାଙ୍କୁ ଡେଟ କରିଆସୁଥିଲେ । ନତାଶା ବୃତ୍ତିରେ ଜଣେ ଫ୍ୟାଶନ୍ ଡିଜାଇନର । ତେବେ ଦୀର୍ଘ ବର୍ଷର ଡେଟିଂ ପରେ ଉଭୟ ବିବାହ କରିବାକୁ ମନସ୍ଥ କଲେ । ନତାଶା ଏବଂ ବରୁଣ ୨୪ ଜାନୁୟାରୀ ୨୦୨୧ରେ ପରିବାର ଏବଂ ଘନିଷ୍ଠ ବନ୍ଧୁଙ୍କ ଉପସ୍ଥିତିରେ ବିବାହ କରିଥିଲେ । ବିବାହର ୩ ବର୍ଷ ପରେ ପ୍ରଥମ ସନ୍ତାନର ପିତାମାତା ହୋଇଛନ୍ତି ନତାଶା ଓ ବରୁଣ ।
ବରୁଣଙ୍କ ଆଗାମୀ ଫିଲ୍ମ
ବରୁଣଙ୍କ ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ ସେ ଆକ୍ସନ ଫିଲ୍ମ 'ବେବି ଜନ'ରେ ନଜର ଆସିବେ । ବରୁଣ ଧୱନ ଷ୍ଟାରର ଫିଲ୍ମର ଦମଦାର ଟିଜର ରିଲିଜ କରି ଫିଲ୍ମର ଟାଇଟଲ ଘୋଷଣା କରିଛନ୍ତି ନିର୍ମାତା । ବରୁଣ ଧୱନଙ୍କ ଏହି ଫିଲ୍ମ ନାଁ ପୂର୍ବରୁ 'VD 18' ରହିଥିଲା । ପରେ ଫିଲ୍ମର ଟାଇଟଲ ପରିବର୍ତ୍ତନ କରାଯାଇ 'ବବି ଜନ' ରଖାଯାଇଛି । ଏହି ଫିଲ୍ମରେ ବରୁଣଙ୍କ ସହ ପ୍ରଥମ ଥର ପାଇଁ ସାଉଥ ଲୋକପ୍ରିୟ ଅଭିନେତ୍ରୀ କୀର୍ତ୍ତି ସୁରେଶଙ୍କୁ ଦେଖିବାକୁ ମିଳିବ । ଅଟଲି ଏବଂ ମୁରାଦ ଖେତାନୀଙ୍କ ଦ୍ବାରା ଏହି ଫିଲ୍ମ ନିର୍ମିତ ହୋଇଛି । ସେହିପରି ବରୁଣ କରଣ ଜୋହର ଆଗାମୀ ଫିଲ୍ମ 'ସନ୍ନି ସଂସ୍କାରୀ କି ତୁଲସୀ କୁମାରୀ' ମଧ୍ୟ ନଜର ଆସିବେ । ଏଥିରେ ତାଙ୍କୁ ପୁଣି ଅଭିନେତ୍ରୀ ଜାହ୍ନବୀ କପୁରଙ୍କ ସହ ଦେଖିବାକୁ ମିଳିବ ।
ଏହା ମଧ୍ୟ ପଢନ୍ତୁ: ନତାଶାଙ୍କ 'ଗୋଦ ଭରାଇ'ର ଝଲକ ଦେଖାଇଲେ ମୀରା
ବ୍ୟୁରୋ ରିପୋର୍ଟ, ଇଟିଭି ଭାରତ
