ହାଇଦ୍ରାବାଦ: ଅପେକ୍ଷାର ହେଲା ଅନ୍ତ । ସଲମାନ ଖାନଙ୍କ ଶୋ' 'ବିଗ୍ ବସ୍ ୧୮' ଶେଷ ହୋଇଛି । ଶୋ' କୁ ମିଳିଛି ତାର ବିଜେତା । ବିଗ୍ ବସ୍ ୧୮ର ବିଷୟବସ୍ତୁ ଥିଲା 'ଟାଇମ କା ତାଣ୍ଡବ'। ଏହି ସିଜିନ୍ ୬ ଅକ୍ଟୋବର ୨୦୨୪ରେ ଆରମ୍ଭ ହୋଇଥିଲା ଏବଂ ୧୯ ଜାନୁଆରୀ ୨୦୨୫ରେ ଗ୍ରାଣ୍ଡ ଫିନାଲେ ସହିତ ଶେଷ ହୋଇଥିଲା । ୧୫ ସପ୍ତାହ ଧରି ଚାଲିବା ପରେ, ଶୋ’ର ବିଜେତା ଘୋଷଣା କରାଯାଇଛି । ପ୍ରତି ସିଜନ ପରି, ଏଥର ମଧ୍ୟ ସଲମାନ ଖାନ ପୁରସ୍କାର ରାଶି ସହିତ ଟ୍ରଫି (ବିଗ ବସ୍ 18 ବିଜେତା) ଜଣେ ସଦସ୍ୟଙ୍କୁ ପ୍ରଦାନ କରିଛନ୍ତି । କରଣବୀର ମେହେରା 'ବିଗ ବସ୍ 18' ଟ୍ରଫି ନିଜ ନାଁରେ କରିଛନ୍ତି । ଟ୍ରଫି ସହିତ, ଅଭିନେତାଙ୍କୁ ଲକ୍ଷ ଲକ୍ଷ ଟଙ୍କାର ପୁରସ୍କାର ରାଶି ମଧ୍ୟ ମିଳିଛି ।
'ବିଗ୍ ବସ୍ 18'ର ବିଜେତା ହେଲେ କରଣ ବୀର ମେହରା
ଗତ କିଛି ଦିନ ଧରି କରଣ ବୀର ମେହେରା ଭୋଟିଂ ଟ୍ରେଣ୍ଡରେ ଆଗରେ ଥିଲେ । ତଥାପି, ଭିଭାନ ଡିସେନା ତାଙ୍କୁ ଭୋଟ ଦୃଷ୍ଟିରୁ କଡ଼ା ପ୍ରତିଯୋଗିତା ମଧ୍ୟ ଦେଇଥିଲେ । କିନ୍ତୁ ଟ୍ରଫି ଜିତିପାରିଲେ ନାହିଁ । ଏହି ସମୟରେ, କରଣଙ୍କ ପରିବାର ଏବଂ ପ୍ରଶଂସକମାନେ ତାଙ୍କ ବିଜୟର ଉତ୍ସବ ପାଳନ କରୁଛନ୍ତି । ଏହି ଶୋ’ରେ ଭିଭାନ ଡିସେନା ପ୍ରଥମ ରନର୍ସ ଅପ୍ ହୋଇଥିଲେ, ଯେତେବେଳେ ରଜତ ଦଲାଲ ତୃତୀୟ, ଅଭିନାଶ ମିଶ୍ର ଚତୁର୍ଥ ଏବଂ ଚୁମ୍ ଦରାଙ୍ଗ ପଞ୍ଚମ ସ୍ଥାନ ହାସଲ କରିଛନ୍ତି ।
ବିଗ୍ ବସ୍ ୧୮ରେ ଯାତ୍ରା କିପରି ଥିଲା?
କରଣବୀର ମେହେରାଙ୍କୁ ଅନେକ ଲୋକପ୍ରିୟ ଟିଭି ଧାରାବାହିକରେ ଦେଖିବାକୁ ମିଳିଛି । ଏବେ ତାଙ୍କ ସଫଳତାରେ ବିଗ୍ ବସ୍ 18 ଟ୍ରଫି ମଧ୍ୟ ଯୋଡି ହୋଇଛି । ବିଗ ବସ ଘରେ ତାଙ୍କର ଅନେକ ଘରଲୋକଙ୍କ ସହ ଝଗଡ଼ା ହୋଇଥିଲା କିନ୍ତୁ ଚୁମ୍ ଦରାଙ୍ଗଙ୍କ ସହ ସମ୍ପର୍କ ଦୃଢ଼ ଥିଲା । ଶୋ’ରେ କରଣବୀର ମେହେରା ଏବଂ ଚୁମ୍ ଦରାଙ୍ଗଙ୍କ କେମେଷ୍ଟ୍ରିକୁ ମଧ୍ୟ ଲୋକମାନେ ପସନ୍ଦ କରିଥିଲେ । ଯଦିଓ ଦୁହେଁ ସବୁବେଳେ ଏହି ସମ୍ପର୍କକୁ ବନ୍ଧୁତା ବୋଲି କହୁଥିଲେ।
କରଣଙ୍କୁ ଟ୍ରଫି ସହ ମିଳିଲା ଏତିକି ପୁରସ୍କାର ରାଶି
ସଲମାନ ଖାନଙ୍କ ଶୋ' 'ବିଗ୍ ବସ୍ ସିଜିନ୍ ୧୮'ର ଟ୍ରଫି ଦାତେଇଛନ୍ତୁ କରଣ ବୀର ମେହେରା । ଶୋ’ର ଟ୍ରଫି ସହ, କରଣ ପୁରସ୍କାର ସ୍ୱରୂପ 50 ଲକ୍ଷ ଟଙ୍କାର ବିପୁଳ ପରିମାଣ ମଧ୍ୟ ଜିତିଛନ୍ତି । ଶୋ’ରେ ରନର୍ସ ଅପ୍ ହୋଇଥିବା ଭିଭିଆନ୍ ଡିସେନା ମଧ୍ୟ ଅନେକ ସ୍ୱତନ୍ତ୍ର ପୁରସ୍କାର ପାଇଛନ୍ତି ।
ଏହା ମଧ୍ୟ ପଢନ୍ତୁ: ଫ୍ୟାନ୍ସଙ୍କୁ ଶ୍ରେୟ ଦେଲେ ମୁନାୱାର ଫାରୁକି, ସ୍ବର୍ଗତା ମା'ଙ୍କୁ ମନେପକାଇ କହିଲେ ଏହି କଥା
ଏହି 6 ଜଣ ପ୍ରତିଯୋଗୀ ଶୋ'ର ଫାଇନାଲିଷ୍ଟ ହୋଇଥିଲେ
ଏଥର ସଲମାନ ଖାନଙ୍କ ଶୋ’ରେ ଶ୍ରେଷ୍ଠ ୫ ନୁହେଁ ବରଂ ଶ୍ରେଷ୍ଠ ୬ ପ୍ରତିଯୋଗୀ ନିଜ ସ୍ଥାନ ପାଇଥିଲେ । କରଣ ବୀର ମେହେରାଙ୍କ ବ୍ୟତୀତ, ତାଲିକାରେ ଭିଭିଆନ ଡିସେନା, ଅଭିନାଶ ମିଶ୍ର, ଚୁମ୍ ଦରାଙ୍ଗ, ଇଶା ସିଂ ଏବଂ ରଜତ ଦଲାଲଙ୍କ ନାମ ରହିଥିଲା । ତେବେ ସମସ୍ତଙ୍କୁ ପଛରେ ପକାଇ କରଣ ଏଥର ବିଜେତା ହୋଇ ସଫଳତା ହାସଲ କରିଛନ୍ତି ।
କରଣବୀର ମେହେରାଙ୍କ କ୍ୟାରିଅର
କରଣ ବୀର ମେହେରା ଗତ ୧୯ ବର୍ଷ ଧରି ଟିଭି ଇଣ୍ଡଷ୍ଟ୍ରିର ଏକ ଅଂଶ ଅଟନ୍ତି । ସେ ଫିଲ୍ମ ସହ ଟିଭି ଧାରାବାହିକରେ ମଧ୍ୟ କାମ କରିଛନ୍ତି । ସେ ୨୦୦୪ ମସିହାରେ ତାଙ୍କର ଟିଭି ଡେବ୍ୟୁ କରିଥିଲେ। ତଥାପି, ଖତରୋଁ କେ ଖିଲାଡ଼ିର ଗତ ସିଜିନ୍ ଜିତିବା ପରେ ତାଙ୍କୁ ପ୍ରକୃତ ପରିଚୟ ମିଳିଥିଲା । କରଣଙ୍କ ବ୍ୟକ୍ତିଗର ଜୀବନୀ ବିଷୟରେ କହିବାକୁ ଗଲେ, କରଣ ଦୁଇ ଦୁଇ ତ ବିବାହ କରିଥିଲେ ହେଁ ଏବେ ସେ ସିଙ୍ଗଲ ରହିଛନ୍ତି ।
ଦୁଇ ଥର ବିବାହ କରିଥିଲେ କରଣ
କରଣ ପ୍ରଥମେ ତାଙ୍କ ପିଲାଦିନର ବନ୍ଧୁ ଦେବିକା ମେହେରାଙ୍କୁ ବିବାହ କରିଥିଲେ । ୨୦୦୯ ମସିହାରେ କରଣ ଏବଂ ଦେବିକା ବିବାହ କରିଥିଲେ । ସେମାନଙ୍କ ସମ୍ପର୍କ କିଛି ବର୍ଷ ପର୍ଯ୍ୟନ୍ତ ଭଲ ଚାଲିଥିଲା । ପରେ ସେମାନଙ୍କ ସମ୍ପର୍କରେ ଫାଟ ଦେଖାଦେଲା । ୨୦୧୮ ମସିହାରେ କରଣ ଏବଂ ଦେବିକା ଅଲଗା ହେବାକୁ ନିଷ୍ପତ୍ତି ନେଇଥିଲେ । ଏହା ପରେ ଲକଡାଉନ୍ ସମୟରେ କରଣ ଦ୍ୱିତୀୟ ଥର ପାଇଁ ପ୍ରେମରେ ପଡ଼ିଥିଲେ । କରଣ ଟିଭି ଅଭିନେତ୍ରୀ ନିଧି ସେଠଙ୍କୁ ଦ୍ୱିତୀୟ ବିବାହ କରିଥିଲେ । କରଣ ଏବଂ ନିଧି ୨୦୨୧ ମସିହାରେ ବିବାହ କରିବାକୁ ନିଷ୍ପତ୍ତି ନେଇଥିଲେ । ତଥାପି, ସେମାନଙ୍କର ସମ୍ପର୍କ ମାତ୍ର ୨ ବର୍ଷ ମଧ୍ୟରେ ଶେଷ ହୋଇଗଲା । ନିଧି କରଣଙ୍କୁ ବିବାହ କରିବାର ନିଷ୍ପତ୍ତିକୁ ତାଙ୍କର ସବୁଠାରୁ ବଡ଼ ଭୁଲ ବୋଲି ମଧ୍ୟ କହିଥିଲେ । ଶୋ’ରେ ସଲମାନ ଖାନ କରଣଙ୍କ ଦୁଇଟି ଛାଡପତ୍ର ଉପରେ ମଧ୍ୟ କଟାକ୍ଷ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
