ହାଇଦ୍ରାବାଦ: ଦୀର୍ଘ ଦିନ ଧରି ଐଶ୍ୱର୍ଯ୍ୟା ରାୟ ଏବଂ ଅଭିଷେକ ବଚ୍ଚନଙ୍କ ଅଲଗା ହେବା ନେଇ ଚର୍ଚ୍ଚା ଜୋର ଧରିଥିଲା । ଉଭୟଙ୍କ ସମ୍ପର୍କରେ ଠିକ୍ ଚାଲିନଥିବା ବେଳେ ଛାଡ଼ପତ୍ର ଦେବେ ବୋଲି ଆଲୋଚନା ହେଉଥିଲା । ଏହି ଚର୍ଚ୍ଚା ମଧ୍ୟରେ ଉଭୟଙ୍କୁ ଏକାଠି ଦେଖିବାକୁ ମିଳିଛି । କେବଳ ଅଭିଷେକ ବଚ୍ଚନ ଓ ଐଶ୍ୱର୍ଯ୍ୟା ରାୟ ନୁହଁନ୍ତି ଅମିତାଭ ବଚ୍ଚନ ମଧ୍ୟ ଉଭୟଙ୍କ ସହ ନଜର ଆସିଛନ୍ତି । ଏହି ଭିଡିଓ ସାମ୍ନାକୁ ଆସିବା ପରେ ଛାଡପତ୍ର ଚର୍ଚ୍ଚାରେ ପୂର୍ଣ୍ଣଚ୍ଛେଦ ପକାଇବା ସହ ଦମ୍ପତିଙ୍କୁ ଛୁଟୁଛି ପ୍ରଶଂସାର ସୁଅ ।
ଏକାଠି ନଜର ଆସିଲେ ଐଶ୍ୱର୍ଯ୍ୟା-ଅଭିଷେକ
ଗୁରୁବାର ସନ୍ଧ୍ୟାରେ ଅଭିଷେକ ଏବଂ ଐଶ୍ୱର୍ଯ୍ୟା ଝିଅ ଆରାଧ୍ୟାଙ୍କ ବିଦ୍ୟାଳୟର ବାର୍ଷିକ କାର୍ଯ୍ୟକ୍ରମରେ ପହଞ୍ଚିଥିଲେ। ବିଗ୍ ବି ଉଭୟଙ୍କ ସହ ଦେଖିବାକୁ ମିଳିଥିଲା । ତିନିଜଣ ସେଠାରେ ପହଞ୍ଚିବା ମାତ୍ରେ ସେମାନେ ପାପାରାଜିଙ୍କ କ୍ୟାମେରାରେ କଏଦ ହୋଇଥିଲେ ଏବଂ ସେତେବେଳେ ସେହି ସମୟର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା। ଭିଡିଓରେ ଐଶ୍ୱର୍ଯ୍ୟା ବିଗ୍ ବିଙ୍କ ସହ କିଛି କଥା ହେଉଥିବା ନଜର ଆସିଛନ୍ତି। ଏଥିସହ ତାଙ୍କ ହାତ ଧରି ଶ୍ୱଶୁର ଅମିତାଭଙ୍କ ହାତ ଧରି ସାଙ୍ଗରେ ଯାଉଥିବା ନଜର ଆସିଛନ୍ତି । ଏଥିସହ ତିନିଜଣ ମିଶି ବିଦ୍ୟାଳୟରେ ଏଣ୍ଟ୍ରି କରିବାବେଳେ ଐଶ୍ୱର୍ଯ୍ୟାଙ୍କ ଦୁପଟ୍ଟାକୁ ଅଭିଷେକ ହାତରେ ଧରୁଥିବାର ନଜର ଆସିଛନ୍ତି। ବର୍ତ୍ତମାନ ତାଙ୍କ ଅନ୍ଦାଜକୁ ସୋସିଆଲ ମିଡିଆ ବ୍ୟବହାରକାରୀମାନେ ବହୁତ ପସନ୍ଦ କରିବା ସହ ଉଭୟଙ୍କ ଖୁବ ପ୍ରଶଂସା କରିଛନ୍ତି ।
ପୂର୍ବରୁ ବି ଅଭିଷେକ-ଐଶ୍ୱର୍ଯ୍ୟାଙ୍କୁ ଏକାଠି ଦେଖିବାକୁ ମିଳିଥିଲା
ଏହା ପୂର୍ବରୁ ଏକ ପାର୍ଟିରେ ଅଭିଷେକ ବଚ୍ଚନ ତାଙ୍କ ପତ୍ନୀ ଐଶ୍ୱର୍ଯ୍ୟା ରାୟ ଏବଂ ଶାଶୁ ବୃନ୍ଦା ରାଜଙ୍କ ସହ ନଜର ଆସିଥିଲେ । ଏହି ସମୟରେ ପରିବାର ସେଲ୍ପି କ୍ଲିକ୍ କରୁଥିବା ଦେଖିବାକୁ ମିଳିଥିଲା । ଐଶ୍ୱର୍ଯ୍ୟା ଏବଂ ଅଭିଷେକ ବ୍ଲାକ ରଙ୍ଗର ଆଉଟଫିଟରେ ବେଶ ଖୁସିଥିବା ନଜର ଆସିଥିଲେ । ତେବେ ଅଭିଷେକ-ଐଶ୍ୱର୍ଯ୍ୟାଙ୍କ ଫଟୋ ସାମ୍ନାକୁ ଆସିବା ପରେ ବିବାହ ବିଚ୍ଛେଦ ଚର୍ଚ୍ଚାରେ ପୂର୍ଣ୍ଣଚ୍ଛେଦ ପଡିଥିଲା । ଏବେ ପୁଣି ଉଭୟଙ୍କ ଏକାଠି ଭିଡିଓ ସାମ୍ନାକୁ ଆସିବା ପରେ ଫ୍ୟାନ୍ସଙ୍କୁ ଆଶ୍ୱସ୍ତି ମିଳିଛି ।
ଏହା ମଧ୍ୟ ପଢନ୍ତୁ: ଦ୍ୱିତୀୟ ଥର ମା' ହେବେ କି ଐଶ୍ୱର୍ଯ୍ୟା? ବେବି ପ୍ଲାନିଂ ନେଇ ଏହା କହିଲେ ଅଭିଷେକ ବଚ୍ଚନ
କାହିଁକି ହୋଇଥିଲା ଐଶ୍ୱର୍ଯ୍ୟା ଏବଂ ଅଭିଷେକ ବିବାହ ବିଚ୍ଛେଦ ଚର୍ଚ୍ଚା
ସୂଚନା ଥାଉ କି, ଅଭିଷେକ ଏବଂ ଐଶ୍ୱର୍ଯ୍ୟା ୨୦ ଏପ୍ରିଲ ୨୦୦୭ରେ ବିବାହ କରିଥିଲେ । ଦୁହେଁ ଗୁରୁ, ଧୁମ୍ ୨ ଏବଂ ଅନ୍ୟାନ୍ୟ ଚଳଚ୍ଚିତ୍ରରେ ଏକାଠି କାମ କରିଛନ୍ତି । ନଭେମ୍ବର ୧୬, ୨୦୧୧ରେ ସେମାନେ ଝିଅ ଆରାଧ୍ୟାଙ୍କ ପିତାମାତା ହୋଇଥିଲେ । ମିଡିଆ ରିପୋର୍ଟ ଅନୁଯାୟୀ, ବଚ୍ଚନ ପରିବାର ଏବଂ ଐଶ୍ୱର୍ଯ୍ୟା ରାୟ ଏକତ୍ର ହାଇ-ପ୍ରୋଫାଇଲ୍ ଇଭେଣ୍ଟରେ ଯୋଗ ନଦେବା ଖବର ଅନେକ ହେଡଲାଇନ ସୃଷ୍ଟି କରିଥିଲା । ଅନନ୍ତ ଅମ୍ବାନୀ ଏବଂ ରାଧିକା ମର୍ଚ୍ଚାଣ୍ଟଙ୍କ ବିବାହ ଠାରୁ ଆରମ୍ଭ କରି ଅନେକ ଇଭେଣ୍ଟରେ ଉଭୟ ଅଭିଷେକ ଏବଂ ଐଶ୍ୱର୍ଯ୍ୟା ପୃଥକ ପୃଥକ ସ୍ପଷ୍ଟ ହେଉଥିବା ବେଳେ ଉଭୟଙ୍କ ବିଚ୍ଛେଦ ଚର୍ଚ୍ଚା ନେଇ ଆଲୋଚନା ଜୋର ଧରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
