ହାଇଦ୍ରାବାଦ: ଅଲ୍ଲୁ ଅର୍ଜୁନ ଓ ରଶ୍ମିକା ମନ୍ଦାନାଙ୍କ ଫିଲ୍ମ 'ପୁଷ୍ପା ୨ -ଦ ରୁଲ' ବକ୍ସ ଅଫିସରେ ରେକର୍ଡ ଭାଙ୍ଗୁଛି। 'ପୁଷ୍ପା ୨' ହିନ୍ଦୀ ବକ୍ସ ଅଫିସରେ ଧମାକା ସୃଷ୍ଟି କରିଛି। ଏହା କ୍ରମାଗତ ଭାବରେ ହିନ୍ଦୀ ସିନେମାରେ ନୂଆ ରେକର୍ଡ ସ୍ଥାପନ କରୁଛି । ମଙ୍ଗଳବାର ଦିନ ଫିଲ୍ମର ସଂଗ୍ରହରେ ଆଉ ଏକ ରେକର୍ଡ ଭାଙ୍ଗିଥିବା ଦେଖିବାକୁ ମିଳିଥିଲା । ଏଥିସହ ଫିଲ୍ମ ସମସ୍ତ ଭାଷାରେ ଭାରତରେ 600 କୋଟିରୁ ଅଧିକ ଆୟ କରିଛି । କେବଳ ଏତିକି ନୁହେଁ 'ପୁଷ୍ପା ୨' ବିଶ୍ୱ ବକ୍ସ ଅଫିସରେ 900 କୋଟି କ୍ଲବରେ ସାମିଲ ହୋଇଛି ।
'ପୁଷ୍ପା 2' ହିନ୍ଦୀରେ କରିଛି ରେକର୍ଡ
ପ୍ରାରମ୍ଭିକ ଆକଳନ ଅନୁଯାୟୀ, 'ପୁଷ୍ପା 2' ଏହାର ପ୍ରଥମ ମଙ୍ଗଳବାର ଅର୍ଥାତ୍ ରିଲିଜ୍ ହେବାର ଷଷ୍ଠ ଦିନରେ ହିନ୍ଦୀରେ 38 କୋଟି ଆୟ କରିଛି, 6 ଦିନରେ ମୋଟ ହିନ୍ଦୀ ନେଟ କଲେକ୍ସନ 370 କୋଟିରୁ ଅଧିକ କରିଛି। ଏହା ସହିତ ଶାହାରୁଖ ଖାନଙ୍କ ଫିଲ୍ମ 'ଜବାନ', ଯାହାର ଆୟ 351 କୋଟି ଟଙ୍କା ଥିଲା । ଜବାନ କୁ ପଛରେ ପକାଇ ହିନ୍ଦୀରେ 'ପୁଷ୍ପା 2' ପ୍ରଥମ ସପ୍ତାହରେ ସର୍ବାଧିକ ଆୟକାରୀ ଫିଲ୍ମ ହୋଇପାରିଛି । ଏହି ଜନ ଆକ୍ସନ୍ ଫିଲ୍ମ ଖୁବଶୀଘ୍ର ହିନ୍ଦୀରେ ଆମୀର ଖାନଙ୍କ 'ଦଙ୍ଗଲ'ର ବ୍ୟବସାୟକୁ ଅତିକ୍ରମ କରିବ ବୋଲି ଆଶା କରାଯାଉଛି ଏବଂ ତା’ପରେ ଏହା 500 କୋଟି କ୍ଲବରେ ସାମିଲ ହେବ। ଏହା ପରେ 'ପୁଷ୍ପା 2' 'ସ୍ତ୍ରୀ 2' (585 କୋଟି ଟଙ୍କା) ର ରେକର୍ଡ ଭାଙ୍ଗିବାକୁ ଲକ୍ଷ୍ୟ ରଖିବ ।
'ପୁଷ୍ପା ୨' ବକ୍ସ ଅଫିସ୍ କଲେକ୍ସନ
'ପୁଷ୍ପା ୨' କେବଳ ହିନ୍ଦୀରେ ନୁହେଁ ଭାରତର ସମସ୍ତ ଭାଷାରେ ମଧ୍ୟ ଭଲ ରୋଜଗାର କରିଛି। ମଙ୍ଗଳବାର ଦିନ ଏହି ଫିଲ୍ମ 50 କୋଟି ଟଙ୍କା ଅତିକ୍ରମ କରିଛି। ସାକନିକଙ୍କ ରିପୋର୍ଟ ଅନୁଯାୟୀ, 'ପୁଷ୍ପା ୨' ସମସ୍ତ ଭାଷାରେ ଭାରତୀୟ ବକ୍ସ ଅଫିସରେ 52.50 କୋଟି ଟଙ୍କା ଆୟ କରିଛି। ଫଳରେ ଫିଲ୍ମ 6ଦିନ ମଧ୍ୟରେ ମୋଟ 645.95 କୋଟି ଆୟ କରିଛି ।
- ପ୍ରିଭ୍ୟୁ ଶୋ- 10.65 କୋଟି
- ପ୍ରଥମ ଦିନ - 164.25 କୋଟି
- ଦ୍ୱିତୀୟ ଦିନ- 2 93.8 କୋଟି
- ତୃତୀୟ ଦିନ- 119.25 କୋଟି
- ଚତୁର୍ଥ ଦିନ- 141.5 କୋଟି
- ପଞ୍ଚମ ଦିନ- 64.45 କୋଟି
- ଷଷ୍ଠ ଦିନ- 52.50 କୋଟି
ମୋଟ କଲେକ୍ସନ- 645.95 କୋଟି
ଏହା ମଧ୍ୟ ପଢନ୍ତୁ:'ପୁଷ୍ପା 2' ହିନ୍ଦୀ ଡବିଂ; ପାଟିରେ କପଡ଼ା ଦେଇ ଅଲ୍ଲୁ ଅର୍ଜୁନଙ୍କ ସ୍ୱର ବନିଲେ ଏହି ବଲିଉଡ ତାରକା
'ପୁଷ୍ପା ୨' ବିଶ୍ୱବ୍ୟାପୀ କଲେକ୍ସନ
ସୁକୁମାରଙ୍କ ନିର୍ଦ୍ଦେଶିତ ଚଳଚ୍ଚିତ୍ର 'ପୁଷ୍ପା 2' ସାରା ବିଶ୍ୱରେ 900 କୋଟି ଟଙ୍କା ପାର୍ କରିଛି । ଏହା ବିଶ୍ୱବ୍ୟାପୀ 922 କୋଟି ଟଙ୍କା ବ୍ୟବସାୟ କରିଛି । ଏହା ସହ 'ପୁଷ୍ପା 2' ଭାରତୀୟ ସିନେମାରେ ଏକ ରେକର୍ଡ ଭାଙ୍ଗିଛି ଏବଂ 900 କୋଟି ଟଙ୍କାର ଅତିକ୍ରମ କରିବାରେ ଦ୍ରୁତଗାମି ଚଳଚ୍ଚିତ୍ର ହୋଇପାରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
