ହାଇଦ୍ରାବାଦ: ସାଉଥ ସୁପରଷ୍ଟାର ମୋହନଲାଲ ବର୍ତ୍ତମାନ ନିର୍ଦ୍ଦେଶକ ଭାବେ ଡେବ୍ୟୁ କରିବାକୁ ଯାଉଛନ୍ତି । ଫିଲ୍ମଟି ଚଳିତ ମାସରେ ରିିଲିଜ ହେବାକୁ ଥିବା ବେଳେ ଏବେ ଏହାର ଟ୍ରେଲର ରିଲିଜ ହୋଇଛି । ଏହି ସମୟରେ ବଲିଉଡ ଅଭିନେତା ଅକ୍ଷୟ କୁମାର ମୋହନଲାଲଙ୍କ ଫିଲ୍ମର ଟ୍ରେଲର ଲଞ୍ଚ କରିଛନ୍ତି । ତେବେ ଉଭୟ ସୁପରଷ୍ଟାର ଏକାଠି ନଜର ଆସିଥିବା ବେଳେ ଉଭୟଙ୍କ ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
Akshay Kumar reached for #Mohanlal upcoming movie lauch promotion in uniform
— AB (@ABHllI) December 11, 2024
What is cooking?
Probably
Ad shooting?
Announcement of #Tiranga or #RowdyRathore #Sooryavanshi?
Or from sets of #BhoothBangla which is currently going on?pic.twitter.com/2fmaLIiJcw
ଏହି ଫିଲ୍ମ ସହ ନିର୍ଦ୍ଦେଶକ ଭାବେ ଡେବ୍ୟୁ କରିବେ ମୋହନଲାଲ
'ବାରୋସ' ସହ ମୋହନଲାଲ ନିର୍ଦ୍ଦେଶନାରେ ଡେବ୍ୟୁ କରିବେ । 2019ରେ ଏହି ଫିଲ୍ମ ଘୋଷଣା କରିଥିବା ବେଳେ କିଛି କାରଣବଶତଃ ରିଲିଜ ହୋଇପାରିନଥିଲା । କିନ୍ତୁ ବର୍ତ୍ତମାନ ଫିଲ୍ମ ପରଦାକୁ ଆସିବାକୁ ଯାଉଛି । ତେବେ ଫିଲ୍ମ ପରଦାକୁ ଆସିବା ପୂର୍ବରୁ ଟ୍ରେଲର ଲଞ୍ଚ ହୋଇଛି । ଏହି ଫିଲ୍ମ ବିଭିନ୍ନ ଭାଷାରେ ଆସିବାକୁ ଥିବା ବେଳେ ହିନ୍ଦୀ ଟ୍ରେଲର ଲଞ୍ଚ କରିଛନ୍ତି ଅକ୍ଷୟ କୁମାର ।
ଟ୍ରେଲର ଲଞ୍ଚ କଲେ ଅକ୍ଷୟ କୁମାର
ମୁମ୍ବାଇରେ ଆୟୋଜିତ ଏକ କାର୍ଯ୍ୟକ୍ରମରେ 'ବାରୋସ'ର ହିନ୍ଦୀ ଟ୍ରେଲର ଲଞ୍ଚ କରିଥିଲେ ଅକ୍ଷୟ କୁମାର । ଟ୍ରେଲର ଲଞ୍ଚ ସମାରୋହରେ ଅକ୍ଷୟ କୁମାର ଏବଂ ମୋହନଲାଲଙ୍କ ଗୋଟିଏ ଫ୍ରେମରେ ନଜର ଆସିଥିବା ବେଳେ ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ସମୟରେ ମୋହନଲାଲ ଅକ୍ଷୟ କୁମାରଙ୍କୁ ହଗ୍ କରି ସ୍ୱାଗତ କରିବା ସହ କ୍ୟାମେରା ଆଗରେ ପୋଜ ଦେଇଥିଲେ । ଅକ୍ଷୟ କୁମାରଙ୍କୁ ହ୍ୱାଇଟ ସାର୍ଟ, ଖାକି ପ୍ୟାଣ୍ଟରେ ଦେଖିବାକୁ ମିଳିଥିବା ବେଳେ ମୋମହନଲାଲଙ୍କୁ ହ୍ୱାଇଟ ସାର୍ଟ ସହ ବ୍ଲେଜରର ଦେଖିବାକୁ ମିଲିଥିଲା । ଏହି ସମୟରେ ଅକ୍ଷୟ କୁମାର ଫିଲ୍ମକୁ ନେଇ କହିଛନ୍ତି, ''ପିଲାମାନଙ୍କୁ ଧ୍ୟାନରେ ରଖି ଭାରତରେ ବହୁତ କମ୍ ଚଳଚ୍ଚିତ୍ର ନିର୍ମାଣ କରାଯାଇଛି । କିନ୍ତୁ ମୁଁ ନିଶ୍ଚିତ ଯେ ବାରୋସ୍ ଥିଏଟରରେ ଏହା ଏକ ବଡ଼ ଅନୁଭୂତି ହେବ । ମୁଁ ଦେଖୁଛି ଏହି ଚଳଚ୍ଚିତ୍ରର ପ୍ରତିକ୍ରିୟାରେ ଅନେକ ପିଲା ବହୁତ ଖୁସି ହେବେ । ''
ଏହି କାର୍ଯ୍ୟକ୍ରମରେ ମୋହନଲାଲ ଅକ୍ଷୟ କୁମାରଙ୍କ ଅଭିନୀତ ହିନ୍ଦୀ ରିମେକ୍ ହିଟ୍ ବିଷୟରେ ମଧ୍ୟ କହିଛନ୍ତି । ସେ କହିଛନ୍ତି "ସେ ସଂପୂର୍ଣ୍ଣ ଅଲଗା । ତାଙ୍କ ଅଭିନୟ, ଚରିତ୍ର, ଏପରିକି ତାଙ୍କ ଶରୀର ଭାଷା ମଧ୍ୟ ଭିନ୍ନ ଅଟେ । ମୁଁ ଅକ୍ଷୟଙ୍କ ଅଧିକାଂଶ ଚଳଚ୍ଚିତ୍ର ଦେଖିଛି, ଯାହା ପ୍ରିୟଦର୍ଶନଙ୍କ ଦ୍ୱାରା ପୁନଃ ନିର୍ମାଣ କରାଯାଇଛି । ଅକ୍ଷୟ କୁମାର ଏକ 100 % ବୃତ୍ତିଗତ ଅଭିନେତା ।''
Akshay Kumar should maintain this Physique 🔥
— TA 💫 (@Tirlovesha) December 11, 2024
Priyadarshan will use this Phisique for Bhooth Bangla.#AkshayKumar #Mohanlal pic.twitter.com/PIieNDIKr3
ଏହା ମଧ୍ୟ ପଢନ୍ତୁ: ଟଲିଉଡରେ ଡେବ୍ୟୁ କରିବେ ଖିଲାଡି କୁମାର, ପ୍ରଭାସଙ୍କ ସହ ଏହି ଫିଲ୍ମରେ ଆସିବେ ନଜର
କହିରଖୁଛୁ କି, ଅକ୍ଷୟ କୁମାରଙ୍କ ଫିଲ୍ମ 'ଖଟାମିଠା' ମୋହନଲାଲଙ୍କ ଫିଲ୍ମ 'ଭେଲାନାକୁଲୁଡେ ନାଡୁ'ର ହିନ୍ଦୀ ରିମେକ ଅଟେ । 'ଭେଲାନାକୁଲୁଡେ ନାଡୁ' ଫିଲ୍ମରେ ଅଭିନେତା ମୋହନଲାଲ ଏବଂ ଶୋବାନା ପ୍ରମୁଖ ମୁଖ୍ୟ ଭୂମିକାରେ ଅଭିନୟ କରିଥିଲେ ଏବଂ ଏହି ଚଳଚ୍ଚିତ୍ରଟି ପ୍ରିୟଦର୍ଶନଙ୍କ ଦ୍ୱାରା ନିର୍ଦ୍ଦେଶିତ ହୋଇଥିଲା । 1988 ମସିହାରେ ଏହା ରିଲିଜ୍ ହୋଇଥିଲା ଏବଂ ଦର୍ଶକଙ୍କଠାରୁ ବହୁତ ପ୍ରଶଂସା ପାଇଥିଲା । ଏହା ପରେ ପ୍ରିୟଦର୍ଶନ ଅକ୍ଷୟ କୁମାରଙ୍କ ସହ ବଲିଉଡରେ ଏହି ଫିଲ୍ମର ରିମେକ୍ କରିଥିଲେ ଏବଂ ଏହାର ରିମେକ୍ ନାମ ହେଲା 'ଖଟା ମିଟା' 2010 ମସିହାରେ ମୁକ୍ତିଲାଭ କରିଥିଲା ।
I’ll forever remember this dance with you @Mohanlal Sir. Absolutely memorable moment 😊🙏 pic.twitter.com/GzIwcBbQ5H
— Akshay Kumar (@akshaykumar) February 10, 2023
ଏହି ଦିନ ପରଦାକୁ ଆସିବ 'ବାରୋସ'
'ବାରୋସ' ଡିସେମ୍ୱର 25ରେ 3Dରେ ରିଲିଜ ହେବ । ଏହି ଫିଲ୍ମ ଉପନ୍ୟାସ 'ବାରୋସ: ଗର୍ଜିୟନ ଅଫ ଡି ଗାମାଜ ଟ୍ରିଜର' ଉପରେ ଆଧାରିତ । ଏହି ଫିଲ୍ମର ସୁଟିଂ 2021ରେ ହୋଇଥିବା ବେଳେ ଏହାର ସୁଟିଂ କୋଟି, ଗୋଆ, ବେକକଙ୍କ ଏବଂ ଚେନ୍ନାଇ ଭଳି ସ୍ଥାନରେ ହୋଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
