ହାଇଦ୍ରାବାଦ: ବଲିଉଡ ଅଭିନେତା ଅଜୟ ଦେବଗନ ଚଳିତ ବର୍ଷ ପରଦାରେ ବ୍ୟାକ୍ ଟୁ ବ୍ୟାକ୍ ଚଳଚ୍ଚିତ୍ର ସହ ଲୋକଙ୍କୁ ମନୋରଞ୍ଜନ କରିବାକୁ ପ୍ରସ୍ତୁତ । ସେ 'ସୈତାନ' ସହ ବର୍ତ୍ତମାନ ପରଦାକୁ ଫେରିଥିବା ବେଳେ ଏହି ଫିଲ୍ମ ଦର୍ଶକଙ୍କୁ ଆକୃଷ୍ଟ କରିବାରେ ସଫଳ ହୋଇଛି । ଏହାରି ମଧ୍ୟରେ ବର୍ତ୍ତମାନ ଅଭିନେତା 'ଦେ ଦେ ପ୍ୟାର ଦେ' ର ସିକ୍ୱେଲରେ ମଧ୍ୟ ନଜର ଆସିବେ । ବର୍ତ୍ତମାନ ଏହି ଫିଲ୍ମର ଘୋଷଣା ହୋଇଥିବା ବେଳେ ଏହାର ରିଲିଜ ତାରିଖ ବି ପ୍ରକାଶ କରିଛନ୍ତି ନିର୍ମାତା । ଅଜୟ ଦେବଗନଙ୍କ ଏହି ଚଳଚ୍ଚିତ୍ର ଆସନ୍ତା ବର୍ଷ ମୁକ୍ତିଲାଭ କରିବାକୁ ଯାଉଛି ।
ଅଜୟ ଦେବଗନଙ୍କ ଫିଲ୍ମ 'ଦେ ଦେ ପ୍ୟାର ଦେ ୨'ର ରିଲିଜ ତାରିଖ ପ୍ରକାଶ ପାଇଛି । ନିର୍ମାତାମାନେ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରି ଏହି ସୂଚନା ଦେଇଛନ୍ତି । ଏହି ଫିଲ୍ମ ମେ' ୧, ୨୦୨୫ରେ ଫିଲ୍ମ ରିଲିଜ ହେବ । ଏହି ଫିଲ୍ମର ସୁଟିଂ ଚଳିତ ବର୍ଷ ଜୁନ୍ ମାସରେ ଆରମ୍ଭ ହେବ । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେବେ ଅନସୁଲ ଶର୍ମା ଏବଂ ଭୂଷଣ କୁମାର ଏବଂ ଟି-ସିରିଜର କୃଷ୍ଣ କୁମାର, ଲଭ ରଂଜନ ଓ ଅଙ୍କୁର ଗର୍ଗ ଏହାକୁ ନିର୍ମାଣ କରିବାକୁ ଯାଉଛନ୍ତି ।
'ଦେ ଦେ ପ୍ୟାର ଦେ ୨' ହେଉଛି ଅଜୟ ଦେବଗନଙ୍କ ଫିଲ୍ମ 'ଦେ ଦେ ପ୍ୟାର ଦେ'ର ସିକ୍ୱେଲ । ଏହି ଚଳଚ୍ଚିତ୍ର ୨୦୧୯ରେ ମୁକ୍ତିଲାଭ କରିଥିଲା, ଯାହାକୁ ଦର୍ଶକମାନେ ବହୁତ ପସନ୍ଦ କରିଥିଲେ । ଏହି ଚଳଚ୍ଚିତ୍ରରେ ଅଜୟ ଦେବଗନଙ୍କ ସହ ରକୁଲ ପ୍ରୀତ ସିଂଙ୍କ ଲଭ କେମେଷ୍ଟ୍ରି ଦର୍ଶକଙ୍କ ମନ ଜିତିଛି । ତବୁ ମଧ୍ୟ ଏହି ଚଳଚ୍ଚିତ୍ରର ଏକ ଅଂଶ ଥିଲେ । ତେବେ ବର୍ତ୍ତମାନ ଏହି ଫିଲ୍ମରେ ମଧ୍ୟ ରକୁଲ ପ୍ରୀତ ସିଂ ଏବଂ ତବୁ ନଜର ଆସିବେ କି ନାହିଁ ତାହାର ଖୁଲାସା କରାଯାଇନାହିଁ ।
ଅଜୟଙ୍କ ଏହି ଫିଲ୍ମ ୨୦୨୪ରେ ରିଲିଜ ହେବ
ଅଜୟ ଦେବଗନ ଚଳଚ୍ଚିତ୍ର 'ସୈତାନ' ସହ ଚଳିତ ବର୍ଷର ଆରମ୍ଭ କରିଛନ୍ତି । ଏହି ଫିଲ୍ମ ମାର୍ଚ୍ଚ ୮ରେ ରିଲିଜ ହୋଇଥିବା ବେଳେ ଦର୍ଶକଙ୍କ ମନ ଜିତୁଛି । ଏହାପରେ ତାଙ୍କର ପରବର୍ତ୍ତୀ ଚଳଚ୍ଚିତ୍ର 'ମୈଦାନ' ଏପ୍ରିଲ ୧୧ରେ ପ୍ରେକ୍ଷାଳୟରେ ରିଲିଜ ହେବ । ସେହିପରି ଫିଲ୍ମ 'ଔରୋ ମେଁ କାହାଁ ଦମ ଥା' ଏପ୍ରିଲ ୨୬ରେ ମୁକ୍ତିଲାଭ କରିବାକୁ ପ୍ରସ୍ତୁତ । ଏହା ବ୍ୟତୀତ 'ରେଡ୍ଡି ୨' ମଧ୍ୟ ନଭେମ୍ବର ୧୫ରେ ପରଦାରେ ରିଲିଜ୍ ହେବାକୁ ଯାଉଛି ।
ଏହା ମଧ୍ୟ ପଢନ୍ତୁ: ଅଜୟ ଦେବଗାନଙ୍କ 'ମୈଦାନ' ରିଲିଜ୍ ଡେଟ୍ ଆଉଟ, ବକ୍ସ ଅଫିସରେ ଅକ୍ଷୟ କୁମାରଙ୍କ ସହ ହେବ ଟକ୍କର
