ହାଇଦ୍ରାବାଦ: ପୁଣି ବଦଳିଛି ଆଦିତ୍ୟ ରାୟ କାପୁର ଓ ସାରା ଅଲି ଖାନଙ୍କ ଷ୍ଟାରର ଫିଲ୍ମ 'ମେଟ୍ରୋ-ଇନ୍ ଦିନୋ'ର ରିଲିଜ୍ ତାରିଖ। ନିକଟରେ ଫିଲ୍ମର ରିଲିଜ ତାରିଖ ଘୋଷଣା ହୋଇଥିଲା ଯେ ଆସନ୍ତା ସେପ୍ଟେମ୍ବର ମାସରେ ଫିଲ୍ମଟି ରିଲିଜା ହେବ । ହେଲେ ବର୍ତ୍ତମାନ ଫିଲ୍ମର ନୂଆ ରିଲିଜ ତାରିଖ ପ୍ରକାଶ ପାଇଛି । ଆସନ୍ତୁ ଜଣିବା କେବେ ରିଲିଜ ହେବ ଫିଲ୍ମ ମେଟ୍ରୋ-ଇନ୍ ଦିନୋ ।
ଅନୁରାଗ ବାସୁଙ୍କ ନିର୍ଦ୍ଦେଶନାରେ ପ୍ରସ୍ତୁତ ଫିଲ୍ମ ମେଟ୍ରୋ-ଇନ୍ ଦିନୋ । ଏହି ଫିଲ୍ମର ମୁଖ୍ୟ ଷ୍ଟାର କାଷ୍ଟ ହେଉଛନ୍ତି ଆଦିତ୍ୟ ରୟ କପୁର ଏବଂ ସାରା ଅଲି ଖାନ । ଆଦିତ୍ୟ ରୟଙ୍କ ସହ ଅନ୍ ସ୍କ୍ରିନ୍ ରୋମାନ୍ସ କରିବେ ସାରା ।ଏହି ଫିଲ୍ମର ନିର୍ମାତା ହେଉଛନ୍ତି ଭୂଷଣ କୁମାର, ଅନୁରାଗ ବସୁ, କୃଷ୍ଣ କୁମାର । ଟି-ସିରିଜର ବ୍ୟାନରରେ ଏହି ଫିଲ୍ମ ନିର୍ମାଣ ହୋଇଛି । ଏହି ଫିଲ୍ମରେ ପ୍ରିତମ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି । ଗତ ଜାନୁଆରୀ ୧୧ ତାରିଖରେ ନିର୍ମାତା ଫିଲ୍ମ ରିଲିଜ ତାରିଖ ଅର୍ଥାତ ସେପ୍ଟମ୍ବର ୧୩ରେ ରିଲିଜ ହେବା ନେଇ ଘୋଷଣା କରିଥିଲେ। ହେଲେ ଏବେ ୩ ମାସ ପରେ ପୁଣିଥରେ ଫିଲ୍ମର ରିଲିଜ ତାରିଖ ବଦଳାଇଛନ୍ତି । ବର୍ତ୍ତମାନ ଫିଲ୍ମ ପାଇଁ ଫ୍ୟାନ୍ସଙ୍କୁ ଆହୁରି ଏକ ମାସରୁ ଅଧିକ ଅପେକ୍ଷା କରିବାକୁ ପଡିବ । ଫିଲ୍ମଟି ନଭେମ୍ବର ୨୯ରେ ରିଲିଜ ହେବାକୁ ଯାଉଛି ।
ଏହା ମଧ୍ୟ ପଢନ୍ତୁ-'ପାପା କେହେତେ ହେଁ 2.0' ପାଇଁ ଉତ୍ସାହିତ ଆମୀର ଖାନ, ଏହି ଦିନ ହେବ ଲଞ୍ଚ
ଟିସିରିଜ ନିଜର ଅଫିସିଆଲ ଏକ୍ସ ହ୍ୟାଣ୍ଡେଲରେ ଫିଲ୍ମ ରିଲିଜର ନୂଆ ତାରିଖ ଘୋଷଣା କରିଛନ୍ତି । ଫିଲ୍ମର ରିଲିଜ ତାରିଖ ଘୋଷଣା କରି କ୍ୟାପସନରେ ଲେଖାଯାଇଛି ଯେ, ସହରୀ ରୋମାନ୍ସ ପାଇଁ ପ୍ରସ୍ତୁତ ହୋଇଯାଆନ୍ତୁ । ବର୍ତ୍ତମାନ ଫିଲ୍ମ ନଭେମ୍ବର ୨୯ ତାରିଖରେ ପ୍ରେକ୍ଷାଳୟରେ ମୁକ୍ତିଲାଭ କରିବ । ପ୍ରକାଶ ଥାଉକି,'ମେଟ୍ରୋ-ଇନ୍ ଦିନୋ' ୨୦୦୭ରେ ରିଲିଜ ହୋଇଥିବା 'ଲାଇଫ ଇନ ମେଟ୍ରୋ' ର ସ୍ବିକେଲ ଅଟେ । ଫିଲ୍ମର ପ୍ରଥମ ପାର୍ଟରେ ଧର୍ମେନ୍ଦ୍ର , ନଫିସା ଅଲି, ଶିଳ୍ପା ସେଠୀ, କେକେ ମେନନ, ସାଇନି ଆହୁଜା, କୋକଣା ସେନ ଓ କଙ୍ଗନା ମୁଖ୍ୟ ଭୂମିକାରେ ଥିଲେ । ଫିଲ୍ମର କାହାଣୀ ସହରର ଲଭ ଷ୍ଟୋରୀ ଉପରେ ପ୍ରସ୍ତୁତ । କେତେବେଳେ ଏହା ପଳାଏ ତାହା ଜଣା ପଡେନାହିଁ । ଆଦିତ୍ୟ ଓ ସାରା ଅଲି ଖାନ ନିକଟରେ ଏହି ଫିଲ୍ମର ସୁଟିଂ ଦିଲ୍ଲୀ ଏନସିଆରରେ କରୁଥିବାର ନଜର ଆସିଥିଲେ ।
