ହାଇଦ୍ରାବାଦ: ଭାରତୀୟ ବୀମା ନିୟାମକ ଓ ବିକାଶ ପ୍ରାଧିକରଣ (IRDAI) ପକ୍ଷରୁ ବୀମାଧାରୀଙ୍କ ପାଇଁ ଏକ ବଡ ନିୟମ ଅଣାଯାଇଛି । ପଲିସିକୁ ଆହୁରି ସୁରକ୍ଷିତ କରିବାକୁ ଆଇଆରଡିଏଆଇ ପକ୍ଷରୁ ବୀମା ପଲିସିକୁ ଡିଜିଟାଇଜେସନ୍ କରିବା ବାଧ୍ୟତାମୂଳକ କରିଛି । ଏହାର ଅର୍ଥ ହେଉଛି ଯେ ବର୍ତ୍ତମାନଠାରୁ ସମସ୍ତ ବୀମା କମ୍ପାନୀକୁ ଇଲେକ୍ଟ୍ରୋନିକ୍ ଫର୍ମ (ଇ-ଇନସୁରାନ୍ସ) ରେ ବୀମା ପଲିସି ପ୍ରଦାନ କରିବାକୁ ପଡିବ । ଜୀବନବୀମା, ସ୍ୱାସ୍ଥ୍ୟବୀମା, ସମେତ ଏହା ସମସ୍ତ ସାଧାରଣ ବୀମା ପଲିସି ପାଇଁ ଏହି ସର୍ତ୍ତାବଳୀ ପ୍ରଯୁଜ୍ୟ । ଏଥିପାଇଁ ଇ- ଇନ୍ସୁରାନ୍ସ ଖାତା (EIA) ମିଳିବ । ଯେଉଁଥିରେ ସମସ୍ତ ବୀମା ପଲିସି ଡିଜିଟାଲ ଫର୍ମାଟରେ ରଖାଯାଇ ପାରିବ । ଏହି ନିୟମ ଗୁଡିକ ନୂତନ ଆର୍ଥିକ ବର୍ଷରୁ ଏପ୍ରିଲ 1, 2024ରୁ କାର୍ଯ୍ୟକାରୀ ହେବ ।
ଇ- ଇନ୍ସୁରାନ୍ସ କଣ ?
ଏହି ଇ- ଇନ୍ସୁରାନ୍ସ ମାଧ୍ୟମରେ ସମସ୍ତ ବୀମା ପଲିସି ଡିଜିଟାଲ ଫର୍ମାଟରେ ରଖାଯାଇ ପାରିବ । ଯେଉଁଥିପାଇଁ ଇ- ଇନ୍ସୁରାନ୍ସ ଖାତା ମଧ୍ୟ (EIA) ମିଳିବ । ଏହି ଆକାଉଣ୍ଟ ଦ୍ୱାରା ପଲିସିଧାରୀମାନେ ଅନଲାଇନ ମାଧ୍ୟମରେ ଇନ୍ୟୁରାନ୍ସ ପ୍ଲାନ କରିପାରିବେ । ଏହି ଇ- ଇନ୍ସୁରାନ୍ସ ଦ୍ୱାରା ପଲିସି ଗୁଡିକୁ ଚଳାଇବା କିମ୍ୱା ଏହା ସମ୍ପର୍କିତ କିଛି ସୂଚନା ଜାଣିବା କରିବା ଆହୁରି ସହଜସାଧ୍ୟ ହୋଇଯିବ । ଆଉମଧ୍ୟ ଗ୍ରାହକ ଚାହିଁଲେ ଇନସୁରାନ୍ସ ସହ ଜଡିତ ଆବଶ୍ୟକୀୟ କାଗଜପତ୍ର ମଧ୍ୟ ଏହା ମାଧ୍ୟମରେ ପାଇପାରିବେ । ଇନସୁରାନ୍ସ ପଲିସିକୁ ଆହୁରୀ ସରଳ କରିବାକୁ ଏହି ଇ- ଇନସୁରାନ୍ସ ନିମୟ ଆରମ୍ଭ କରିବାକୁ ଯାଉଛି ଆଇଆରଡିଏଆଇ ।
ଏହାମଧ୍ୟ ପଢନ୍ତୁ.. ଟ୍ୟାକ୍ସ ସଞ୍ଚୟ ପାଇଁ ସରଳ ଉପାୟ, ଜାଣିରଖନ୍ତୁ ଏହି ୧୦ ସ୍କିମ୍ - Tax Saving Instruments
କିପରି ଖୋଲିବେ ଇ- ଇନ୍ସୁରାନ୍ସ ଆକାଉଣ୍ଟ ?
ଏହି ଇ- ଇନସୁରାନ୍ସ ଆକାଉଣ୍ଟ ଖୋଲିବା ମଧ୍ୟ ବେଶ ସହଜ । ଆପଣ ଯଦି ଏହି ଆକାଉଣ୍ଟ ଖୋଲିବାକୁ ଚାହୁଁଛନ୍ତି ତେବେ ପ୍ରଥମେ ଆପଣଙ୍କୁ ଇନସୁରାନ୍ସ ପୋର୍ଟାଲରୁୁ ଫର୍ମ ଡାଉନଲୋଡ କରିବାକୁ ପଡିବ । ଏହା ସମ୍ପୂର୍ଣ୍ଣ ମାଗଣା ଅଟେ । ଏହାପରେ ଇନ୍ସୁରାନ୍ସ କମ୍ପାନୀଗୁଡିକ ଆକାଉଣ୍ଟ ଖୋଲିବା ପାଇଁ 35 ଟଙ୍କାରୁ 40 ଟଙ୍କା ପର୍ଯ୍ୟନ୍ତ ନେଇଥାନ୍ତି । ଏଥିପାଇଁ ଆପଣଙ୍କୁ ଆବଶ୍ୟକୀୟ ଡକ୍ୟୁମେଣ୍ଟ ଆଧାର କାର୍ଡ, ପାନ୍ କାର୍ଡ ଓ ଇ-କେଓ୍ୱାଇସି ଦେବାକୁ ପଡିବ ।
ଗ୍ରାହକଙ୍କ ପାଇଁ କେତେ ଲାଭଦାୟକ ଇ- ଇନ୍ସୁରାନ୍ସ ?
ଏହି ଇ -ଇନ୍ୟୁରାନ୍ସ ଦ୍ୱାରା ପଲିସି ଗୁଡିକୁ ଚଳାଇବା କିମ୍ୱା ଏହା ସମ୍ପର୍କୀତ କିଛି ସୂଚନା ଜାଣିବା କରିବା ଆହୁରୀ ସହଜସାଧ୍ୟ ହୋଇଯିବ । ବୀମା ସମ୍ପର୍କୀତ ଜରୁରୀ କାଗଜପତ୍ର ହଜିଗଲେ କୌଣସି ଚିନ୍ତା ରହିବ ନାହିଁ । କାରଣ ଏହି ଇ- ଇନସୁରାନ୍ସ ମାଧ୍ୟମରେ ଆପଣ ସମସ୍ତ ତଥ୍ୟ ସୁରକ୍ଷିତ ଭାବେ ରଖିପାରିବେ । ଏହାକୁ ସହଜରେ ଡାଉନଲୋଡ ମଧ୍ୟ କରିପାରିବେ । ଗୋଟିଏ ଜାଗାରେ ହିଁ ଆପଣ ନିଜର ସମସ୍ତ ପଲିସି ଦେଖିପାରିବେ । ଇ ବୀମା ଖାତାରେ ସମସ୍ତ ବୀମା ପଲିସିକୁ ଗୋଟିଏ ସମୟରେ ଅପଡେଟ କରିପାରିବେ । ପଲିସି ସମ୍ୱନ୍ଧୀୟ ତଥ୍ୟ କିମ୍ବା ରେନ୍ୟୁଆଲ (ନବୀକରଣ) କରିବାକୁ ହେଲେ ସହଜରେ କରିପାରିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
