ନୂଆଦିଲ୍ଲୀ: ବ୍ରିଟିଶ ଶାସନ କାଳରୁ ଦେଶରେ ପ୍ରଚଳିତ ଫୌଜଦାରି ଆଇନର ଅନ୍ତ ଘଟିଛି । ଆଜିଠୁ ଦେଶରେ ଲାଗୁ ହୋଇଛି ତିନି ନୂଆ ଅପରାଧିକ ଆଇନ୍ । IPC ପରିବର୍ତ୍ତେ ‘ଭାରତୀୟ ନ୍ୟାୟ ସଂହିତା’, CRPC ପରିବର୍ତ୍ତେ ‘ଭାରତୀୟ ନାଗରିକ ସୁରକ୍ଷା ସଂହିତା’, ଏଭିଡେନ୍ସ ଆକ୍ଟ ପରିବର୍ତ୍ତେ ‘ଭାରତୀୟ ସାକ୍ଷ ଅଧିନିୟମ’ ଲାଗୁ ହୋଇଛି । ନୂଆ ଅପରାଧିକ ଆଇନ ବ୍ୟବସ୍ଥା ଲାଗୁ ହେବା ପରେ ଭାରତୀୟ ନ୍ୟାୟ ସଂହିତାରେ ଦିଲ୍ଲୀରେ ପ୍ରଥମ FIR ହୋଇଛି । କମଳା ମାର୍କେଟ ଥାନାରେ ଜଣେ ଉଠା ଦୋକାନୀଙ୍କ ବିରୋଧରେ ମାମଲା ହୋଇଛି ।
ଭାରତୀୟ ନ୍ୟାୟ ସଂହିତାରେ ଦିଲ୍ଲୀରେ ପ୍ରଥମ FIR: ନୂଆଦିଲ୍ଲୀର ରେଲଓ୍ବେଷ୍ଟସର ଏକ ଫୁଟ୍ ଓଭର ବ୍ରିଜ ଅବରୋଧ ଓ ବିକ୍ରି କରିବା ଅଭିଯୋଗରେ ଭାରତୀୟ ଦଣ୍ଡ ସଂହିତା ଧାରା 285 ଅନୁଯାୟୀ ଜଣେ ଉଠା ଦୋକାନୀଙ୍କ ବିରୋଧରେ ମାମଲା ରୁଜୁ କରିଛି ପୋଲିସ । ଅଭିଯୁକ୍ତ ଜଣଙ୍କ ବିହାରର ବାରହା ନିବାସୀ ପଙ୍କଜ କୁମାର ବୋଲି ଜଣାପଡିଛି । ଏଫଆଇଆର ପୋଲିସ ଉଲ୍ଲେଖ କରିଛି ଯେ, ଅଭିଯୁକ୍ତ ମୁଖ୍ୟ ରାସ୍ତା ନିକଟରେ ଥିବା ଠେଲା ଗାଡିରେ ତମାଖୁ ଓ ପାଣି ବିକ୍ରି କରୁଥିଲା । ଯାହା ଯାତାୟତ କରୁଥିବା ଲୋକଙ୍କ ପାଇଁ ବାଧା ଏବଂ ଅସୁବିଧା ସୃଷ୍ଟି କରିଥିଲା । ସେହି ଅଞ୍ଚଳରେ ପାଟ୍ରୋଲିଂ କରୁଥିବା ପୋଲିସ ଅଭିଯୁକ୍ତଙ୍କୁ ତାଙ୍କ ଠେଲା ହଟାଇବାକୁ କହିଥିଲେ, କିନ୍ତୁ ସେ ପୋଲିସ କଥାକୁ ଅଣଦେଖା କରିଥିଲେ।
#WATCH | Delhi: Special CP, Training, Chhaya Sharma says, " law doesn't function on retrospective effect. so, the law is that the old cases (registered earlier) will be dealt with under ipc and crpc will be in effect (for those cases). but when new cases are registered from today,… pic.twitter.com/K10WzDn5q8
— ANI (@ANI) July 1, 2024
ଏହା ମଧ୍ୟ ପଢନ୍ତୁ-IPC, CrPC ସଂଶୋଧିତ ଅଧିନିୟମକୁ ରାଷ୍ଟ୍ରପତିଙ୍କ ଅନୁମୋଦନ
ନୂଆ ଆଇନ ଲାଗୁ ହେବା ଫଳରେ ମାନବ କୈନ୍ଦ୍ରିକ ଓ ତ୍ବରିତ ହେବ ବିଚାର ପ୍ରକ୍ରିୟା । ଜିରୋ FIR ସହ ଅନଲାଇନ ପଞ୍ଜୀକରଣ ହେବ । SMS ରେ ମିଳିବ ସମନ। ସେହିପରି ହତ୍ୟା, ଦୁଷ୍କର୍ମ ପରି ଜଘନ୍ୟ ଅପରାଧର ପାଇଁ ଦଣ୍ଡ କଠୋର ହୋଇଛି । ନାବାଳିକା ଦୁଷ୍କର୍ମ ମାମଲାରେ ଦୋଷୀକୁ ଆଜୀବନ କମ୍ବା ଫାଶୀ ଦିଆୟିବ । ନିର୍ବାଚନ ପୂର୍ବରୁ ତିନି ନୂଆ ଆଇନକୁ ସଂସଦରେ ପାରିତ କରିଥିଲେ କେନ୍ଦ୍ର ସରକାର ।
ନୂଆ ପୋଲିସ ଆଇନ କଣ ?
୧୮୬୦ ମସିହାର ଭାରତୀୟ ପିଙ୍ଗଳ ଧାରା ବା IPC ଆଇନ ବଦଳରେ କାର୍ଯ୍ୟକାରୀ ହୋଇଛି ଭାରତୀୟ ନ୍ୟାୟ ସଂହିତା । ୧୯୭୩ ମସିହାର କ୍ରିମିନାଲ ପ୍ରୋସିଜିଓର କୋଡ୍ ବା CrPC ଆଇନ ବଦଳରେ କାର୍ଯ୍ୟକାରୀ ହୋଇଛି ଭାରତୀୟ ନାଗରିକ ସୁରକ୍ଷା ସଂହିତା ଆଇନ । ସେହିପରି ୧୮୭୨ ମସିହାର Indian Evidence ଆକ୍ଟ ବଦଳରେ କାର୍ଯ୍ୟକାରୀ ହୋଇଛି ଭାରତୀୟ ସାକ୍ଷ୍ୟ ଆଇନ ।
#WATCH | Delhi: Special CP, Training, Chhaya Sharma says, " ...earlier, everything (copy of fir) was provided to the accused. but, the victim had to go from pillar to post to get their copy. now, it has been made mandatory to provide a copy of the fir to the victim...chain of… pic.twitter.com/30z5yLqG5Q
— ANI (@ANI) July 1, 2024
କେବେ ମିଳିଲା ସଂସଦର ଅନୁମୋଦନ ?
ଗତବର୍ଷ (2023) ଡିସେମ୍ବର 21 ତାରିଖରେ ଏହି 3 ସଂଶୋଧିତ ଅଧିନିମୟମକୁ ସଂସଦରେ ପାରିତ କରାଯାଇଥିଲା । ଗୃହମନ୍ତ୍ରୀ ଅମିତ ଶାହ ଏହାକୁ ଆଗତ କରିବା ପରେ ଦୀର୍ଘ ଚର୍ଚ୍ଚାରେ ଏହି ସଂଶୋଧନର ଆବଶ୍ୟକତା ସମ୍ପର୍କରେ ତର୍କ ରଖିଥିଲେ । ପରେ ଏହା 25 ଡିସେମ୍ବରରେ ରାଷ୍ଟ୍ରପତିଙ୍କ ଅନୁମୋଦନ ମଧ୍ୟ ଲାଭ କରିଥିଲା । ଏବେ ଏହା ଜୁଲାଇ ପହିଲାରୁ କାର୍ଯ୍ୟକାରୀ ହେବାକୁ ଯାଉଛି । ଏହି ନୂଆ ଅଧିନିୟମ ଅନୁସାରେ କୌଣସି ଅପରାଧିକ ମାମଲାର ତଦନ୍ତ, କାର୍ଯ୍ୟାନୁଷ୍ଠାନ ଓ ବିଚାର ପ୍ରକ୍ରିୟାରେ ପୋଲିସ ବ୍ୟବସ୍ଥା ଓ ନ୍ୟାୟିକ ବ୍ୟବସ୍ଥା ଉଭୟ କାର୍ଯ୍ୟ କରିବେ ।
