ହାଇଦ୍ରାବାଦ: ତେଲେଙ୍ଗାନାବାସୀଙ୍କ ପାଇଁ ଖୁସି ଖବର । ଏଣିକି ହାଇଦ୍ରାବାଦରେ ମଧ୍ୟରାତ୍ର ପର୍ଯ୍ୟନ୍ତ ଖୋଲା ରହିବ ଦୋକାନ । ରେଷ୍ଟ୍ରୁରାଣ୍ଟ, ହୋଟେଲ ଓ ଅନ୍ୟ ସମସ୍ତ ବ୍ୟବସାୟୀକ ପ୍ରତିଷ୍ଠାନ ରାତି ୧ଟା ପର୍ଯ୍ୟନ୍ତ ଚାଲୁ ରଖିବା ନେଇ ମୁଖ୍ୟମନ୍ତ୍ରୀ ରେବନ୍ତ ରେଡ୍ଡୀ ଶୁକ୍ରବାର ଘୋଷଣା କରିଛନ୍ତି । ଗ୍ରାହକମାନଙ୍କ ସୁବିଧା ପାଇଁ ହାଇଦ୍ରାବାଦରେ ସମସ୍ତ ଦୋକାନ ବଜାର ଏଣିକି ରାତି ୧ଟା ପର୍ଯ୍ୟନ୍ତ ଖୋଲା ରହିବ ।
#WATCH | Telangana CM Revanth Reddy says, " all establishments except liquor shops are allowed to remain open till 1 am in hyderabad.
— ANI (@ANI) August 2, 2024
(source: i&pr, telangana government) pic.twitter.com/g9b0IUBfDO
ଶୁକ୍ରବାର ଦିନ ମୁଖ୍ୟମନ୍ତ୍ରୀ ରେବନ୍ତ ରେଡ୍ଡୀ ଏନେଇ କହିଛନ୍ତି, "ହାଇଦ୍ରାବାଦରେ କେବଳ ମଦ ଦୋକାନ ଓ ବାର ବ୍ୟତୀତ ଅନ୍ୟ ସମସ୍ତ ହୋଟେଲ, ରେଷ୍ଟ୍ରୁରାଣ୍ଟ ଓ ଅନ୍ୟାନ୍ୟ ବ୍ୟବସାୟୀକ ପ୍ରତିଷ୍ଠାନ ରାତି ଗୋଟାଏ ପର୍ଯ୍ୟନ୍ତ ଖୋଲା ଓ କାର୍ଯ୍ୟକ୍ଷମ ହେବାକୁ ନିର୍ଦ୍ଦେଶ ଦିଆଯିବ । ଏହି ପରିପ୍ରେକ୍ଷୀରେ ସମସ୍ତ ୩ ପୋଲିସ କମିଶନରେଟକୁ ଆବଶ୍ୟକୀୟ ନିର୍ଦ୍ଦେଶ ଦିଆଯିବ ।
କେବଳ ମଦ ଦୋକାନ ଛାଡି ଅନ୍ୟ ସମସ୍ତ ଦୋକାନ ରାତି ୧ ପର୍ଯ୍ୟନ୍ତ ଖୋଲା: ହାଇଦ୍ରାବାଦରେ ରାତି ୧ଟା ପର୍ଯ୍ୟନ୍ତ ଦୋକାନ ଖୋଲା ରଖିବା ନେଇ ମୁଖ୍ୟମନ୍ତ୍ରୀ ରେବନ୍ତ ରେଡ୍ଡୀ ଅନୁମତି ପ୍ରଦାନ କରିଛନ୍ତି ।କେବଳ ମଦ ଦୋକାନକୁ ଏଥିରେ ବାଦ ଦିଆଯାଇଛି । ମଦ ଦୋକାନ ପୂର୍ବ ସମୟ ଅନୁସାରେ ବନ୍ଦ କରାଯିବ । ମୁଖ୍ୟମନ୍ତ୍ରୀ ଏନେଇ କହିଛନ୍ତି, "ମଦ ଦୋକାନ ପୂର୍ବ ସମୟ ଅନୁଯାୟୀ ବନ୍ଦ ରହିବ । ମୁଁ ମଦ ବିରୋଧୀ ଅଟେ ।ଯଦି ମଦ ଦୋକାନ ଅଧିକ ସମୟ ପର୍ଯ୍ୟନ୍ତ ଖୋଲା ରହିବ ତେବେ ଲୋକମାନେ ଅଧିକ ମଦ ପିଇବେ । ମୁଁ ଏନେଇ ସରକାରୀ ଭାବେ ନିର୍ଦ୍ଦେଶ ଦେଉଛି । ଏଥିରେ କାହାର ସମସ୍ୟା ରହିବ ନାହିଁ ।"
ତେଲେଙ୍ଗାନା ବିଧାନସଭାରେ ବଜେଟ ଅଧିବେଶନ ଚାଲିଥିବା ବେଳେ ଶୁକ୍ରବାର ଦିନ ହାଇଦ୍ରାବାଦ ମେଟ୍ରୋ ସିଟିରେ ସ୍ଥାୟୀ ସହରୀ ବିକାଶ ପାଇଁ କାର୍ଯ୍ୟକଳାପ ପ୍ରସଙ୍ଗରେ ଉତ୍ତର ରଖିଛନ୍ତି ମୁଖ୍ୟମନ୍ତ୍ରୀ ରେବନ୍ତ ରେଡ୍ଡୀ । ସେ ଆଉ ମଧ୍ୟ କହିଛନ୍ତି ଯେ, ଗୋଶାମହଲରେ ଥିବା ପୁରୁଣା ପୋଲିସ୍ କ୍ୱାର୍ଟର୍ସକୁ ଭାଙ୍ଗି ନୂତନ ଓସମାନିଆ ଜେନେରାଲ୍ ହସ୍ପିଟାଲ୍ ନିର୍ମାଣ ପାଇଁ ଯୋଜନା ଘୋଷଣା କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
