ନୂଆଦିଲ୍ଲୀ: ଦେଶର ସର୍ବୋଚ୍ଚ ଅଦାଲତ ସୁପ୍ରିମକୋର୍ଟଙ୍କୁ ବି ଛାଡିଲେନି ହ୍ୟାକର୍ସ । ସୁପ୍ରିମକୋର୍ଟ ଅଫିସିଆଲ ୟୁଟୁବ ଚ୍ୟାନେଲ ହ୍ୟାକ । ଏଥିରେ ଆମେରିକୀୟ କମ୍ପାନୀ ରିପଲର ଭିଡିଓ ଦେଖିବାକୁ ମିଳୁଛି । ଏଥିରେ କ୍ରିପ୍ଟୋ କରେନ୍ସି ସମ୍ବନ୍ଧିତ କିଛି ଭିଡିଓ ମଧ୍ୟ ରହିଛି । କେହି ହ୍ୟାକର ସର୍ବୋଚ୍ଚ ନ୍ୟାୟଳୟଙ୍କ ୟୁଟୁବ ଚ୍ୟାନେଲକୁ ଆଜି ହ୍ୟାକ କରିଥିବା ଖବର ଆସିଛି । ଚ୍ୟାନେଲର ଫଟୋ ମଧ୍ୟ ପରରିବର୍ତ୍ତନ ହୋଇଯାଇଛି ।
ଜନସାଧାରଣଙ୍କ ଉଦ୍ଦେଶ୍ୟରେ ସୁପ୍ରିମକୋର୍ଟ ଅଫ ଇଣ୍ଡିଆ ୟୁଟୁବ ଚ୍ୟାନେଲ:
ସୁପ୍ରିମକୋର୍ଟର ଅଫିସିଆଲ ୟୁଟ୍ୟୁବ ଚ୍ୟାନେଲ ଜନସାଧାରଣ ଉଦ୍ଦେଶ୍ୟରେ ଖୋଲା ଯାଇଥିଲା । ଗୁରୁତ୍ବପୂର୍ଣ୍ଣ ମାମଲାଗୁଡ଼ିକର ବିଚାର ସମୟରେ ୟୁଟ୍ୟୁବରେ ଏହାକୁ ଲାଇଭ ଟେଲିକାଷ୍ଟ କରାଯାଏ । ୟାହା ଦ୍ବାରା ଜନସାଧାରଣ ଘରେ ବସି ମୋବାଇଲ ମାଧ୍ୟମରେ ମାମଲାର ଶୁଣାଣି ଦେଖି ପାରୁଥିଲେ । ଆଜି ହ୍ୟାକର୍ସମାନେ ଚ୍ୟାନେଲକୁ ହ୍ୟାକ କରିବା ପରେ ଆମେରିକାର ଆଧାରିତ ରିପଲ୍ ଲ୍ୟାବ ଦ୍ୱାରା ବିକଶିତ ଏକ କ୍ରିପ୍ଟୋକରେନ୍ସି XRP କୁ ପ୍ରୋତ୍ସାହିତ କରୁଥିବା ଭିଡିଓ ପୋଷ୍ଟ ହୋଇଛି ।
Following the hacking of Supreme Court's YouTube channel, the channel has been taken down.
— ANI (@ANI) September 20, 2024
“This is to inform all concerned that the YouTube channel of Supreme Court of India has been taken down. The services on YouTube channel of Supreme Court of India will be resumed shortly,”… https://t.co/4E77cuuyIX pic.twitter.com/WPIsrrtcqG
ସୁପ୍ରିମକୋର୍ଟ YouTube ଚ୍ୟାନେଲରେ କ୍ରିପ୍ଟୋ କରେନ୍ସି ଭିଡିଓ:
କିଛି ପୂରୁଣା ମାମଲାର ଶୁଣାଣିକୁ ଦେଖିବାକୁ ସୋସିଆଲ ମିଡିଆ ଯୁଜର୍ସ ମାନେ ଆଜି ସୁପ୍ରିମକୋର୍ଟ ଅଫ ଇଣ୍ଡିଆ ୟୁଟୁବ ଚ୍ୟାନେଲରେ ସର୍ଚ୍ଚ କରିଥିଲେ । କିନ୍ତୁ ୟୁଟୁବରେ ପୂର୍ବରୁ ଅପଲୋଡ ହୋଇଥିବା ଭିଡିଓ ଦେଖିବାକୁ ପାଇନଥିଲେ । ହୋମପେଜରେ ଆମେରିକୀୟ କମ୍ପାନୀ ରିପଲର ଏକ ଭିଡିଓ ଲାଇଭ ଷ୍ଟ୍ରିମିଙ୍ଗରେ ରହିଥିଲା । ଚ୍ୟାନେଲର ଫଟୋ ମଧ୍ୟ ସୁପ୍ରିମକୋର୍ଟ ପରିବର୍ତ୍ତେ ଏହି କମ୍ପାନୀର ରହିଥିଲା । ନିକଟରେ ଏହି ଚ୍ୟାନେଲ କୋଲକାତାର ଆରଜି କର ହସ୍ପିଟାଲରେ ମହିଳା ଡାକ୍ତରଙ୍କି ଦୁଷ୍କର୍ମ ଏବଂ ହତ୍ୟା ସହ ଜଡିତ ମାମଲାର ଶୁଣାଣି ସମୟରେ ପ୍ରସାରଣ କରାଯାଇଥିଲା ।
ପୂର୍ବରୁ ବହୁ ବିଶିଷ୍ଟ ବ୍ୟକ୍ତି ତଥା ରାଜନେତାଙ୍କର ସୋସିଆଲ ମିଡିଆ ହ୍ୟାକର୍ସ ମାନେ ହ୍ୟାକ କରିଥିବା ଖବର ନଜିର ରହିଛି । କିନ୍ତୁ ସୁପ୍ରିମକୋର୍ଟଙ୍କ ୟୁଟୁବ ଚ୍ୟାନେଲ ହ୍ୟାକ ହେବା ଖବର ପ୍ରଥମ ଥର ଜାଣିବାକୁ ମିଳୁଛି । ଆଜି ସୁପ୍ରିମକୋର୍ଟ ୟୁଟୁବ ଚ୍ୟାନେଲକୁ ହ୍ୟାକ କରାଯାଇଛି ।
