ବେଙ୍ଗାଲୁରୁ: ଟ୍ରାଫିକ ନିୟମ ଉଲ୍ଲଙ୍ଘନକାରୀଙ୍କୁ ଆଉ ନିସ୍ତାର ନାହିଁ । କାରଣ ଘର ଘର ବୁଲି ଦୋଷୀମାନଙ୍କ ଠାର ଜୋରିମାନା ଆଦାୟ ଆରମ୍ଭ କରିଛି ବେଙ୍ଗାଲୁରୁ ସିଟି ଟ୍ରାଫିକ ପୋଲିସ । ୫୦ ହଜାରରୁ ଊର୍ଦ୍ଧ୍ବ ଟଙ୍କାର ଜୋରିମାନା ଥିବା ଟ୍ରାଫିକ ଅପରାଧୀମାନଙ୍କ ପାଇଁ ଏ ଭଳି ପନ୍ଥା ଅବଲମ୍ବନ କରିଛି ଟ୍ରାଫିକ ପୋଲିସ । ତେବେ ଏହି ପ୍ରକ୍ରିୟା ମଧ୍ୟରେ ଜଣେ ସ୍କୁଟର ଚାଳକଙ୍କ ଉପରେ ହୋଇଛି ୩ ଲକ୍ଷ ୨୦ ହଜାର ଟଙ୍କାର ମୋଟା ଜୋରିମାନା । ସେହି ଚାଳକ ଜଣକ 300ରୁ ଅଧିକ ଥର ଟ୍ରାଫିକ ନିୟମକୁ ଭାଙ୍ଗିବାର ଅଭିଯୋଗ ଆସିଛି ।
ତେବେ ଏହି ବଡ ଆକାରର ଜୋରିମାନା ସୁଦାମାନଗରର ଭେଙ୍କଟରମନଙ୍କୁ ହୋଇଛି । ସେ ୩୦୦ରୁ ଅଧିକ ଥର ଟ୍ରାଫିକ ନିୟମ ଉଲ୍ଲଘଂନ କରିଛନ୍ତି । ସେହିପରି ଏସଆର ନଗର, ୱିଲସନ ଗାର୍ଡେନର ବିଭିନ୍ନ ସ୍ଥାନରେ ପୋଲିସ ହେଲମେଟ ନ ପିନ୍ଧିବା, ସିଗନାଲ ଅତିକ୍ରମଣ, ଏକ ପାଖିଆ ଗାଡି ଚଳାଇବା ଓ ଗାଡି ଚଲେଇବା ବେଳେ ଫୋନରେ କଥା ହେବାକୁ ନେଇ ପୋଲିସ ଫାଇନ ଆଦାୟ କରିଛି ।
ଏହା ମଧ୍ୟ ପଢନ୍ତୁ... ହାଇଦ୍ରାବାଦରେ 'ଓଡ଼ିଆ ଫୁଡ୍ ଓ କ୍ରାଫ୍ଟ ଫେଷ୍ଟିଭାଲ', ଦ୍ୱିତୀୟ ସନ୍ଧ୍ୟାରେ ରଙ୍ଗାରଙ୍ଗ କାର୍ଯ୍ୟକ୍ରମ
ଟ୍ରାଫିକ ପୋଲିସ ଭେଙ୍କଟାରମନଙ୍କ ଘରକୁ ଯାଇ ତାଙ୍କୁ 3.20 ଲକ୍ଷ ଟଙ୍କା ଜରିମାନା ଦେବାକୁ କହିଥିଲେ । କିନ୍ତୁ ଭେଙ୍କଟାରମନ କହିଥିଲେ ଯେ ସେ ଏହି ସମୟରେ ଅଧିକ ଜରିମାନା ଦେଇପାରିବେ ନାହିଁ ଏବଂ ସ୍କୁଟର ନେବାକୁ ପୋଲିସକୁ କହିଥିଲେ । ତେବେ ଏହି ସ୍କୁଟର ବ୍ୟବହାର ନ କରିବାକୁ ନଚେତ୍ ଜରିମାନା ଦେବାକୁ ପଡିବା ସହ ଏକ ମାମଲା ରୁଜୁ ହେବ ବୋଲି ପୋଲିସ ଚେତାବନୀ ଦେଇଛି । ନିୟମ ଉଲ୍ଲଘଂନ କରିଥିବା ଦୁଇ ଚକିଆ ଚାଳକଙ୍କୁ ନୋଟିସ ଜାରି କରାଯାଇଛି ବୋଲି ପୋଲିସ କହିଛି ।
ସେହିପରି ଆଉ ଏକ ଘଟଣାରେ ଗତ ଦୁଇ ବର୍ଷ ମଧ୍ୟରେ ବିନା ହେଲମେଟରେ ଗାଡି ଚଲାଇବାରୁ ଟ୍ରାଫିକ ନିୟମ ଉଲ୍ଲଘଂନ ମାମଲାରେ 643ଟି ମାମଲା ରୁଜୁ ହୋଇଥିଲା । ବେଙ୍ଗାଲୁରୁର ଗଙ୍ଗନଗରର ଜଣେ ନିବାସୀଙ୍କ ନାମରେ ଥିବା ସ୍କୁଟି ନମ୍ବର KA04 KF9072 ଟ୍ରାଫିକ ନିୟମ ଉଲ୍ଲଙ୍ଘନ କରିଛି । ଏ ସମ୍ପର୍କରେ ପୋଲିସ ସ୍କୁଟର ମାଲିକଙ୍କୁ 3.22 ଲକ୍ଷ ଟଙ୍କା ଜରିମାନା କରିଛି । ଗତ ଦୁଇ ବର୍ଷ ଧରି ବିଭିନ୍ନ ବ୍ୟକ୍ତି ସମାନ ସ୍କୁଟି ଚଳାଇ ନିୟମ ଉଲ୍ଲଘଂନ କରିଥିଲେ । ସହରର ଅଧିକାଂଶ ଜଙ୍କସନରେ ସ୍ଥାପିତ ସିସିଟିଭି କ୍ୟାମେରାରେ ଉଲ୍ଲଘଂନକାରୀଙ୍କ ଉଠିଥିବା ଫଟୋ ଆଧାରରେ ଡିଜିଟାଲ ମାମଲା ପଞ୍ଜିକୃତ ହୋଇଛି । ଆରଟି ନାଗର, ତାରଲୁବାଲୁ ସମେତ ରାସ୍ତାରେ ଟ୍ରାଫିକ ନିୟମ 643 ଥର ଉଲ୍ଲଘଂନ କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
