ଲକ୍ଷ୍ନୌ: ପୁଣି ଲାଇନଚ୍ୟୁତ ହେଲା ଏକ୍ସପ୍ରେସ୍ ଟ୍ରେନ । ଉତ୍ତର ପ୍ରଦେଶ କାନପୁର ନିକଟରେ ସାବରମତୀ ଏକ୍ସପ୍ରେସ (19168)ର ଇଞ୍ଜିନ ସମେତ 22ଟି ବଗି ଲାଇନଚ୍ୟୁତ ହୋଇଛି । ଏଥିରେ କେହି ଯାତ୍ରୀ କିମ୍ବା ରେଳ କର୍ମଚାରୀ ମୃତାହତ ହୋଇନାହାନ୍ତି । ଟ୍ରେନଟି ଉତ୍ତର ପ୍ରଦେଶ ବାରାଣସୀରୁ ଗୁଜୁରାଟ ଅହମ୍ମଦାବାଦ ଅଭିମୁଖେ ଯାତ୍ରା କରୁଥିଲା । ଆଜି ରାତି ପ୍ରାୟ ସାଢେ 2ଟା ସମୟରେ କାନପୁର ଏବଂ ଭୀମସେନ ଷ୍ଟେସନ ମଧ୍ୟରେ ଏହି ଦୁର୍ଘଟଣା ଘଟିଛି । ଟ୍ରାକରେ ବଡ ପଥର ଖଣ୍ଡ ପଡିଥିବାରୁ ଇଞ୍ଜିନ ଧକ୍କା ଖାଇବାରୁ 22 ଲାଇନଚ୍ୟୁତ ହୋଇଥାଏପାରେ ବୋଲି ସନ୍ଦେହ କରାଯାଉଛି । ଘଟଣାସ୍ଥଳରେ ରେଳବାଇ ଟେକ୍ନିକାଲ ସପୋର୍ଟ ଟିମ୍ ପହଞ୍ଚି ପୁନରୁଦ୍ଧାର କାର୍ଯ୍ୟ ଆରମ୍ଭ କରିଛି । ଯାତ୍ରୀଙ୍କ ପାଇଁ ହେଲ୍ପଲାଇନ ନମ୍ବର ଜାରି କରାଯାଇଛି । ସ୍ଥାନୀୟ ପ୍ରଶାସନିକ ଅଧିକାରୀ ମଧ୍ୟ ଘଟଣାସ୍ଥଳରେ ପହଞ୍ଚିଛନ୍ତି ।
The engine of Sabarmati Express (Varanasi to Amdavad) hit an object placed on the track and derailed near Kanpur at 02:35 am today.
— Ashwini Vaishnaw (@AshwiniVaishnaw) August 17, 2024
Sharp hit marks are observed. Evidence is protected. IB and UP police are also working on it.
No injuries to passengers or staff. Train arranged…
ଘଟଣା ସମ୍ପର୍କରେ ରଳମନ୍ତ୍ରୀଙ୍କ ଟ୍ବିଟ୍
ରେଳମନ୍ତ୍ରୀ ଅଶ୍ବିନୀ ବୈଷ୍ଣବ ଟ୍ବିଟ୍ କରି ଦୁର୍ଘଟଣା ସମ୍ପର୍କରେ ସୂଚନା ଦେଇଛନ୍ତି । ‘‘ସାବରମତୀ ଏକ୍ସପ୍ରେସ (ବାରାଣାସୀରୁ ଅମଦାବାଦ)ର ଇଞ୍ଜିନ ଟ୍ରାକରେ ଥିବା ପଥରକୁ ଧକ୍କା ଦେଇ ଆଜି ସକାଳ 2ଟା 35 ମିନିଟରେ କାନପୁର ନିକଟରେ ଲାଇନଚ୍ୟୁତ ହୋଇଛି । ଯାତ୍ରୀ କିମ୍ବା କର୍ମଚାରୀମାନେ କୌଣସି ଆଘାତ ପାଇନାହାନ୍ତି । ପୋଲିସ ଓ ଗୁଇନ୍ଦା ତଦନ୍ତ ଆରମ୍ଭ କରିଛନ୍ତି । ଉକ୍ତ ଟ୍ରେନରେ ଥିବା ଯାତ୍ରୀମାନଙ୍କ ପାଇଁ ବିକଳ୍ପ ଯାତ୍ରା ବ୍ୟବସ୍ଥା କରାଯାଇଛି,’’ ବୋଲି ରେଳ ମନ୍ତ୍ରୀ ଟ୍ବିଟରେ ଲେଖିଛନ୍ତି ।
6ଟି ଟ୍ରେନର ରୁଟ ପରିବର୍ତ୍ତନ:
ଦୁର୍ଘଟଣା ପରେ ଉକ୍ତ ରୁଟରେ ଟ୍ରେନ ଚଳାଚଳ ବାଧାପ୍ରାପ୍ତ ହୋଇଛି । 6ଟି ଟ୍ରନରେ ଗତିପଥ ପରିବର୍ତ୍ତନ କରିବାକୁ ପଡିଥିବା କିଛି ଟ୍ରେନ ବାତିଲ ହୋଇଛି । ରେଳବାଇର ଜଣେ ବରିଷ୍ଠ ଅଧିକାରୀ କହିଛନ୍ତି, ଇଟାୱା-ଦିଲ୍ଲୀ-ଝାନ୍ସି ରୁଟରେ ନିର୍ଦ୍ଧାରିତ 6ଟି ଟ୍ରେନର ଗତିପଥରେ ପରିବର୍ତ୍ତନ କରାଯାଇଛି । କାନପୁର ସେଣ୍ଟ୍ରାଲରୁ ଚିତ୍ରକୋଟକୁ ଯାଉଥିବା (14110-14109) ଟ୍ରେନ ଓ ଖଜୁରାହୋରୁ କାନପୁର ସେଣ୍ଟ୍ରାଲକୁ ଆସୁଥିବା (04143) ଟ୍ରେନକୁ ବାତିଲ କରାଯାଇଛି । ନିକଟରେ ବାରମ୍ବାର ଟ୍ରେନ ଦୁର୍ଘଟଣା ଘଟିଛି । ବାରମ୍ବାର ଟ୍ରେନ ଦୁର୍ଘଟଣାକୁ ନେଇ ରେଳଯାତ୍ରାର ନିରପତ୍ତା ଉପରେ ପ୍ରଶ୍ନବାଚୀ ସୃଷ୍ଟି ହେଲାଣି । ଯାତ୍ରୀମାନଙ୍କ ମଧ୍ୟରେ ଭୟ ଦେଖିବାକୁ ମିଳିଲାଣି ।
ବ୍ୟୁରୋ ରିପୋର୍ଟ, ଇଟିଭି ଭାରତ
