ରାୟପୁର: ଅପ୍ରାକୃତିକ ଦୁଷ୍କର୍ମ ଅଭିଯୋଗରେ ପୂଜାରୀ ଗିରଫ । ଛତିଶଗଡ ଦୁର୍ଗ ସହରର କୋତବାଲିରେ ଏଭଳି ଘଟଣା ସାମ୍ନାକୁ ଆସିଛି । ପୂଜାରୀ ଜଣକ ଖାଦ୍ୟ ଲାଳସା ଦେଖାଇ ପିଲାମାନଙ୍କ ସହ ଅପ୍ରାକୃତିକ ଯୌନ ସମ୍ପର୍କ ରଖିଥିବା କିଛି ମହିଳା ଅଭିଯୋଗ କରିଥିଲେ । ଏନେଇ ପୋଲିସ ତଦନ୍ତ କରି ଅଭିଯୁକ୍ତକୁ ଗିରଫ କରିଛି । ଅଭିଯୁକ୍ତ ପୂଜାରୀ ଜଣକ ଶିବନାଥ ବୋଲି ଜଣାପଡିଛି ।
ସୂଚନା ମୁତାବକ, ପୂଜାରୀ ଶିବନାଥ ଦୁର୍ଗ ସହରର କୋତବାଲିରେ ଥିବା ନଦୀକୂଳର ଏକ ଶ୍ମଶାନ ଘାଟରେ ପୂଜାପାଠ ଓ ଦାହ ସଂସ୍କାର କର୍ମ କରେ । ସେ ପିଲାଙ୍କୁ ଖାଦ୍ୟ ପ୍ରଲୋଭନ ଦେଖାଇ ଘରକୁ ଡାକି ତାଙ୍କ ସହ ଅପ୍ରାକୃତିକ ଦୁଷ୍କର୍ମ କରୁଥିଲା । ଖାଦ୍ୟ ଲାଳସା ଯୋଗୁଁ ସ୍ଥାନୀୟ ଅଞ୍ଚଳର ୬ରୁ ୭ ପିଲା ସବୁବେଳେ ତାଙ୍କ ଘରେ ରହୁଥିଲେ | ଏନେଇ ଦୁଇ ଦିନ ପୂର୍ବେ ସ୍ଥାନୀୟ ଅଞ୍ଚଳର କିଛି ମହିଳା ପୁରୋହିତଙ୍କ ଘରେ ପହଞ୍ଚିଥିଲେ । ଏହାପରେ ମହିଳାମାନେ ପିଲାମାନଙ୍କୁ ଗାଳିଗୁଲଜ କରି ସେମାନଙ୍କୁ ପଚାରିବାରୁ ପିଲାମାନେ ସମସ୍ତ ଘଟଣା ବିଷୟରେ କହିଥିଲେ । ଏହାପରେ ମହିଳାମାନେ ଘଟଣା ସମ୍ପର୍କରେ ପୋଲିସ ନିକଟରେ ଅଭିଯୋଗ କରିଥିଲେ । ଅଭିଯୋଗ ପରେ ପୋଲିସ ଘଟଣାର ତଦନ୍ତ ଆରମ୍ଭ କରି ପୂଜାରୀକୁ ଗତକାଲି (ଶନିବାର) ଗିରଫ କରିଛି ।
ଏହା ମଧ୍ୟ ପଢନ୍ତୁ - 2 ନାବାଳିକାଙ୍କୁ ଦୁଷ୍କର୍ମ ମାମଲା, 90 ବର୍ଷ ବୃଦ୍ଧଙ୍କୁ 8 ବର୍ଷ ଜେଲଦଣ୍ଡ
ଏହା ମଧ୍ୟ ପଢନ୍ତୁ - ଶିଶୁ ଦୁଷ୍କର୍ମ ଓ ହତ୍ୟାକାଣ୍ଡର ଦୋଷୀକୁ ଆଜୀବନ କାରାଦଣ୍ଡ, ୩ ବର୍ଷ ପରେ ମିଳିଲା ନ୍ୟାୟ
ତେବେ ଅଭିଯୁକ୍ତ ପୁରୋହିତଙ୍କୁ ଗିରଫ କରିବା ପରେ ତାଙ୍କୁ ଘଟଣା ବିଷୟରେ ପଚରାଉଚରା କରିବାରୁ ସେ ନିଜ ଅପରାଧ ସ୍ୱୀକାର କରିଛି । ପୋଲିସର ତଦନ୍ତରୁ ଜଣାପଡିଛି ଯେ, ଅଭିଯୁକ୍ତ ମୋବାଇଲ୍ ଗେମ୍ ଏବଂ ଚକୋଲେଟର ବାହାନା ଦେଖାଇ ପିଲାମାନଙ୍କୁ ନିଜ ଘରକୁ ଡାକି ନେଉଥିଲା । ଏହି ସମୟ ମଧ୍ୟରେ ସେ ପିଲାମାନଙ୍କ ସହିତ ଅପ୍ରାକୃତିକ ଶାରୀରିକ ସମ୍ପର୍କ ରଖୁଥିଲା । ପୋଲିସ ପୂଜାରୀ ବିରୋଧରେ ଏକ ମାମଲା ରୁଜୁ କରି କୋର୍ଟରେ ହାଜର କରିଛି ।
ଦିନକୁ ଦିନ ଅସୁରକ୍ଷିତ ହୋଇଯାଉଛନ୍ତି ମହିଳା ଓ ପିଲାମାନେ । ଦେଶର ବିଭିନ୍ନ ସ୍ଥାନରେ ବାରମ୍ବାର ଦୁଷ୍କର୍ମ ମାମଲା ସାମ୍ନାକୁ ଆସୁଥିବା ବେଳେ ପୋଲିସ ଏହା ବିରୋଧରେ କଠୋର କାର୍ଯ୍ୟାନୁଷ୍ଠାନ ନେବା ଜରୁରୀ ହୋଇପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
