ହାଇଦ୍ରାବାଦ: ଆପଣ କ'ଣ ପ୍ରଧାନମନ୍ତ୍ରୀ ଗ୍ରାମୀଣ ଆବାସ ଯୋଜନା ପାଇଁ ଆବେଦନ କରିଛନ୍ତି କି ? ଏହି ଯୋଜନାକୁ ନେଇ ଆସିଛି ବଡ଼ ଖବର । କେଉଁମାନଙ୍କୁ ମିଳିବ ଏହି ଯୋଜନାର ଲାଭ ? ଆଉ କେଉଁମାନେ ପଡ଼ିବେ ବାଦ ? ପ୍ରଧାନମନ୍ତ୍ରୀ ଯୋଜନାରେ ଆବେଦନ କରିଥିବା ଲୋକମାନଙ୍କ ସତ୍ୟତା ଯାଞ୍ଚ କରିବା ପାଇଁ ସର୍ଭେ ଆରମ୍ଭ ହୋଇଛି । ଏହି ସର୍ଭେ ପରେ ଯଦି ଏହି ଯୋଜନା ପାଇବା ପାଇଁ କେହି ଅଯୋଗ୍ୟ ହୁଅନ୍ତି ତେବେ ସେମାନଙ୍କ ଆବେଦନ ପତ୍ରକୁ ଖାରଜ କରାଯିବ । ପ୍ରଧାନମନ୍ତ୍ରୀ ଆବାସ ଯୋଜନା ପାଇବା ପାଇଁ କେଉଁମାନେ ପ୍ରକୃତ ହିତାଧିକାରି ସେନେଇ ଅନେକ ଲୋକ ନ ଜାଣି ଆବେଦନ କରିଦେଇଥନ୍ତି । ଏହି କାରଣରୁ ସେମାନଙ୍କ ଆବେଦନ ଫର୍ମକୁ ରିଜେକ୍ଟ କରିଦିଆଯାଏ । ଏହି ଯୋଜନାରେ ଘର କରିବା ପାଇଁ ଯୋଗ୍ୟ ହିତାଧିକାରିଙ୍କୁ ସରକାରଙ୍କ ପକ୍ଷରୁ ଆର୍ଥିକ ସହାୟତା ମିଳିଥାଏ । ତେବେ ଆସନ୍ତୁ ଜାଣିବା କେଉଁମାନେ ପ୍ରଧାନମନ୍ତ୍ରୀ ଆବାସ ଯୋଜନା ପାଇବା ପାଇଁ ଯୋଗ୍ୟ ।
ଏମାନେ ପ୍ରଧାନମନ୍ତ୍ରୀ ଆବାସ ଯୋଜନା ପାଇଁ ଅଯୋଗ୍ୟ:
- ଯେଉଁ ପରିବାରରେ ୩ ଚକିଆ, ୪ ଚକିଆ ସହ ବଡ ଗାଡ଼ି ଥିବ ।
- ଯେଉଁମାନଙ୍କର ୩ ଚକିଆ, ୪ ଚକିଆ କୃଷି ଯନ୍ତ୍ରପାତି ଥିବ ।
- ଯାହାର ୫୦ ହଜାରରୁ ଊର୍ଦ୍ଧ୍ବ ଲିମିଟ କିଷାନ କ୍ରେଡିଟ କାର୍ଡ ଥିବ ।
- ପରିବାର ମଧ୍ୟରେ ଯଦି କେହି ସରକାରୀ କର୍ମଚାରୀ ଥିବେ ।
- ଯଦି ପରିବାର ସଦସ୍ୟ ମଧ୍ୟରୁ କେହି ମାସକୁ ୧୫ ହଜାର ଟଙ୍କାରୁ ଅଧିକ ରୋଜଗାର କରୁଥିବେ ।
- ଯେଉଁମାନେ ଆୟ କର ଭରୁଥିବେ ।
- ୨.୫ ଏକର ଜଳସେଚିତ ଜମିର ମାଲିକ ହୋଇଥିଲେ ।
- ଯଦି ପରିବାରର ୫ ଏକର ଅଣ ଜଳସେଚିତ ଜମିଥିବ ।
- ଯେଉଁମାନେ ବ୍ୟବସାୟିକ କର ଦେଉଥିବେ ।
- ଯେଉଁ ପରିବାର ଅଣ କୃଷି ଶିଳ୍ପ ଭାରତ ସରକାରଙ୍କ ନିକଟରେ ପଞ୍ଜିକୃତ ହୋଇଛି ।
ଏହା ମଧ୍ୟ ପଢ଼ନ୍ତୁ...ମୋଦିଙ୍କ ପ୍ରଥମ କ୍ୟାବିନେଟ ବୈଠକରେ ବଡ ନିଷ୍ପତ୍ତି; ଗୃହହୀନଙ୍କ ପାଇଁ ଆଉ 3କୋଟି ଘର - 3 Crore Additional PMAY Homes
କେଉଁମାନେ ପାଇବା ପାଇଁ ଯୋଗ୍ୟ:
- ଯେଉଁମାନଙ୍କର ଘର ନଥିବ ।
- ଅସହାୟ, ଭିକ୍ଷାବୃତ୍ତି କରୁଥିବା ଲୋକ ।
- ଆଦିମ ଜନଜାତି ସମୂହ ।
- ଶ୍ରମିକ ଶ୍ରେଣୀର ଲୋକ ।
- ସଫେଇ କାର୍ଯ୍ୟ କରୁଥିବା ଶ୍ରମିକ ପରିବାର ।
ଏହା ମଧ୍ୟ ପଢ଼ନ୍ତୁ...ଲକ୍ଷ ଲକ୍ଷ ଲୋକ ପାଇବେ ପକ୍କା ଘର, ବର୍ଷା ଦିନ ପରେ ନନଷ୍ଟପ୍ ଘର ବାଣ୍ଟିବେ ମୋହନ ସରକାର - PM Awas Yojana in Odisha
ଏମାନେ ମଧ୍ୟ ଯୋଜନା ପାଇବାକୁ ଯୋଗ୍ୟ:
ଯେଉଁମାନଙ୍କର ଗୋଟିଏ ଘର ଥିବ । ଏହା ମାଟିଘର ହୋଇଥିବା ଆବଶ୍ୟକ । ପରିବାର ମଧ୍ୟରେ ୧୬ରୁ ୫୯ ବର୍ଷ ବୟସର ବ୍ୟକ୍ତି ନଥିବେ । ଘରର ମୁଖ୍ୟ ମହିଳା ହୋଇଥିବେ, ଯେଉଁ ଘରେ ୧୬ରୁ ୫୯ ବର୍ଷ ବୟସର ବ୍ୟକ୍ତି ନଥିବେ । ଜଣେ ଦିବ୍ୟାଙ୍ଗ ଥିବେ, ପରିବାରରେ ଅନ୍ୟ କେହି ରୋଜଗାର କରୁଥିବା ବ୍ୟକ୍ତି ନଥିବେ । ଅନୁସୂଚିତ ଜାତି, ଅନୁସୂଚିତ ଜନଜାତି, ଯେଉଁମାନଙ୍କ ପରିବାରରେ ୨୫ ବର୍ଷରୁ ଊର୍ଦ୍ଧ୍ବ ବୟସ୍କ ଶିକ୍ଷିତ ନଥିବେ । ଭୂମିହୀନ ପରିବାର, ଯେଉଁମାନେ ଶ୍ରମିକ ଶ୍ରେଣୀର ହୋଇଥିବେ ସେମାନେ ମଧ୍ୟ ଏହି ଯୋଜନାର ଲାଭ ପାଇପାରିବେ ।
ଏହା ମଧ୍ୟ ପଢ଼ନ୍ତୁ...ବଢିବ ପିଏମ୍ ଆବାସ ଟଙ୍କା; ମିଳୁଥିବା ସହାୟତା ରାଶିର ପରିମାଣ ବୃଦ୍ଧି, ଶୌଚାଳୟ ପାଇଁ 20ହଜାର ଟଙ୍କା - PM Awas Yojana in Odisha
ବ୍ୟୁରୋ ରିପୋର୍ଟ, ଇଟିଭି ଭାରତ
