ରାଞ୍ଚି: କ୍ରାସ ଲ୍ୟାଣ୍ଡିଂ କଲା ଭାରତୀୟ ବାୟୁ ସେନାର ଟ୍ରେନିଂ ବିମାନ । ଝାଡଖଣ୍ଡ ଜାମସେଦପୁରର ସୋନାରୀ ବିମାନବନ୍ଦରରୁ ବିମାନ ଉଡ଼ାଣ ପରେ ବାୟୁସେନାର ଟ୍ରେନିଂ ବିମାନ କ୍ରାସ ଲ୍ୟାଣ୍ଡିଂ କରିଛି । ବିମାନଟି ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଛି । ବିମାନର ଦୁଇ ପାଇଲଟ ନିଖୋଜ ଅଛନ୍ତି । ସର୍ଚ୍ଚ ଅପରେସନ ଆରମ୍ଭ ହୋଇଛି । ତେବେ ବିମାନର କ୍ରାସ୍ ଲ୍ୟାଣ୍ଡିଂ ସମୟରେ ଉଭୟ ପାଇଲଟ୍ ଇଜେକ୍ଟ କରିଥାଇପାରନ୍ତି ବୋଲି ଆଶା କରାଯାଉଛି । ବର୍ତ୍ତମାନ ଉଭୟଙ୍କ ସନ୍ଧାନରେ ହେଲିକପ୍ଟରର ସହାୟତା ନିଆଯାଉଛି ।
ଦୁର୍ଘଟଣାଗ୍ରସ୍ତ ପ୍ରଶିକ୍ଷଣ ବିମାନଟି ଦିନ 11 ଟା ସମୟରେ ଉଡାଣ ଭରିଥଇଲା । ଉଡାଣର କିଛି ସମୟ ପରେ ଏଟିସି ସହିତ ସମ୍ପର୍କ ନଷ୍ଟ ହୋଇଥିଲା । ଏହା ପରେ ଜାମସେଦପୁର ଏବଂ ସରାଇକେଲା ପୋଲିସ ଏବଂ ପ୍ରଶାସନିକ ଅଧିକାରୀମାନେ ତଦନ୍ତରେ ନିୟୋଜିତ ହୋଇଛନ୍ତି । ବିମାନଟି ଚିହ୍ନଟ ହୋଇଛି । ଜିଜିକା ପଞ୍ଚାୟତର ବାରୁବେରା ନାମକ ଏକ ସ୍ଥାନରୁ ବିମାନର ଧ୍ୱଂସାବଶେଷ ମିଳିଛି । ଦୁର୍ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ଜିଲ୍ଲା ପ୍ରଶାସନ ଓ ବାୟୁସେନା ଅଧିକାରୀମାନେ ଘଟଣାସ୍ଥଳରେ ପହଞ୍ଚିଥିଲେ। ଦୁର୍ଘଟଣା ପରେ ବିମାନଟି ସମ୍ପୂର୍ଣ୍ଣ ଧ୍ବଂସ ହୋଇଯାଇଛି ।
ତେବେ ରାଜସ୍ଥାନର ଜୈସଲମେରର ଜିଲ୍ଲା ମୁଖ୍ୟାଳୟଠାରୁ 30 କିଲୋମିଟର ଦୂରରେ ଥିବା ରୋଜାନିର ଧାନି ଜଜିଆ ଗ୍ରାମ ନିକଟରେ ଗତ ଏପ୍ରିଲ ମାସ 25 ତାରିଖରେ ନିୟମିତ ପ୍ରଶିକ୍ଷଣ ସମୟରେ ଭାରତୀୟ ବାୟୁସେନାର ବିମାନ କ୍ରାସ ହୋଇଥିଲା । ଦୁର୍ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ଜିଲ୍ଲା ପ୍ରଶାସନ ଓ ବାୟୁସେନା ଅଧିକାରୀମାନେ ଘଟଣାସ୍ଥଳରେ ପହଞ୍ଚିଥିଲେ । ଦୁର୍ଘଟଣା ପରେ ବିମାନଟିରେ ନିଆଁ ଲାଗିଯାଇଥିଲା । ଏହା ଜଜିଆ ଗ୍ରାମରେ ପଡିବା ପରେ ନିଆଁକୁ ଆୟତ କରିତିଲା ଅଗ୍ନିଶମ ବିଭାଗ । ବିମାନଟି ମାନବବିହୀନ ଅଟେ ଯାହା, ଗୁପ୍ତଚର କାର୍ଯ୍ୟକଳାପ ଉପରେ ନଜର ରଖିବା ପାଇଁ ବ୍ୟବହୃତ ହୋଇଥାଏ । କେଉଁ କାରଣରୁ ବିମାନଟି ଦୁର୍ଘଟଣାର ଶିକାର ହେଲା ତାହା ବର୍ତ୍ତମାନ ପର୍ଯ୍ୟନ୍ତ ଅସ୍ପଷ୍ଟ ରହିଛି । ଦୁର୍ଘଟଣାର କାରଣ ଜାଣିବା ପାଇଁ ଏକ କୋର୍ଟ ଅଫ୍ ଇନକ୍ୱାରୀ ଗଠନ କରାଯାଇଛି । ଏନେଇ ଭାରତୀୟ ବାୟୁସେନା ପକ୍ଷରୁ ସୂଚନା ଦିଆଯାଇଛି । ବିମାନଟି ମାନବହିନ ହୋଇଥିବା ବେଳେ ରିମୋଟ ଦ୍ବାରା ପରିଚାଳିତ ହୋଇଥାଏ ।
