ନୂଆଦିଲ୍ଲୀ: ଭାରତୀୟ ମହିଳା ରେସଲର ଭିନେଶ ଫୋଗତ ଅଲିମ୍ପିକ୍ସରୁ ଅଯୋଗ୍ୟ ଘୋଷଣା ହେବା ପ୍ରସଙ୍ଗ ସଂସଦ ଅଧିବେଶନକୁ ସରଗରମ କରିଛି । ବିରୋଧୀ ‘ଇଣ୍ଡିଆ’ ମେଣ୍ଟର ସଦସ୍ୟମାନେ ଏହି ପ୍ରସଙ୍ଗରେ ରାଜ୍ୟସଭାରେ ଆଲୋଚନା ଦାବି କରିଥିଲେ । ରାଜ୍ୟସଭା ଅଧ୍ୟକ୍ଷ ଜଗଦୀପ ଧନଖଡ ଆଲୋଚନା ପାଇଁ ଅନୁମତି ନଦେବାରୁ ସେମାନେ ପ୍ରତିବାଦ ସ୍ୱରୂପ କକ୍ଷତ୍ୟାଗ କରିଛନ୍ତି ।
#WATCH | Opposition walks out from Rajya Sabha over the issue of Vinesh Phogat’s disqualification from the Paris Olympics
— ANI (@ANI) August 8, 2024
Rajya Sabha Chairman Jagdeep Dhankhar says," ...they (opposition) think they are the only ones whose hearts are bleeding...the entire nation is in pain… pic.twitter.com/XTyrldhgla
- ଏହା ପଛରେ କିଏ ବୋଲି ପ୍ରଶ୍ନ କଲେ ବିରୋଧୀ :
ଆଜି ପୂର୍ବହ୍ନରେ ଗୃହକାର୍ଯ୍ୟ ଆରମ୍ଭ ହେବା ମାତ୍ରେ ରାଜ୍ୟସଭାରେ ବିରୋଧୀ ଦଳ ନେତା ତଥା କଂଗ୍ରେସ ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ଏହି ପ୍ରସଙ୍ଗରେ ଆଲୋଚନା ଦାବି କରି ପ୍ରସ୍ତାବ ଆଗତ କରିଥିଲେ । ଏହା ପଛରେ କିଏ, ଏହା କିପରି ହେଲା ବୋଲି ଖଡଗେ ପ୍ରଶ୍ନ କରିଥିଲେ । ଏହାକୁ ଗୃହର ଅଧ୍ୟକ୍ଷ ଜଗଦୀପ ଧନଖଡ ଅଗ୍ରାହ୍ୟ କରିଦେଇଥିଲେ । ଫଳରେ ବିରୋଧୀ ସାଂସଦମାନେ ପ୍ରତିବାଦ ସ୍ୱରୂପ ନାରାବାଜି ଓ ହଟ୍ଟଗୋଳ କରିଥିଲେ । ଅଧ୍ୟକ୍ଷ ଧନଖଡ ସେମାନଙ୍କୁ ରୁଲିଂ ଦେବା ସହ କାର୍ଯ୍ୟାନୁଷ୍ଠାନର ଚେତାବନୀ ମଧ୍ୟ ଦେଇଥିଲେ । ପରେ ସେମାନେ କକ୍ଷ ତ୍ୟାଗ କରିଛନ୍ତି ।
#WATCH | On Vinesh Phogat's Olympics disqualification, Congress MP Randeep Surjewala says, " ...the whole country is hopeful that she will rise again and fight. but why is the government of india silent?...indian olympic association should talk to the international olympic… pic.twitter.com/2QH3z2bCcO
— ANI (@ANI) August 8, 2024
- ଗତକାଲି ଅଯୋଗ୍ୟ ଘୋଷିତ ହୋଇଥିଲେ ଭିନେଶ:
ପ୍ୟାରିସ୍ ଅଲିମ୍ପିକ୍ସ-2024ରେ ଫାଇନାଲରେ ପହଞ୍ଚିଥିବା ମହିଳା କୁସ୍ତିଯୋଦ୍ଧା ଭିନେଶଙ୍କୁ ଗତକାଲି ଅପରାହ୍ନରେ ନାଟକୀୟ ଢଙ୍ଗରେ ଓଜନ ବୃଦ୍ଧି କାରଣରୁ ଅଯୋଗ୍ୟ ଘୋଷିତ କରାଯାଇଥିଲା । ଭିନେଶଙ୍କ ଦ୍ବାରା ସ୍ବର୍ଣ୍ଣ ପଦକ ଆଶାରେ ଥିବା କୋଟି କୋଟି ଭାରତୀୟଙ୍କୁ ଏହି ଖବର ସ୍ତବ୍ଦ କରିଦେଇଥିଲା । ନିର୍ଦ୍ଧାରିତ 50 କିଲୋଗ୍ରାମ ଓଜନରୁ ମାତ୍ର 100 ଗ୍ରାମ ଅଧିକ ଓଜନ ଥିବା ଦର୍ଶାଇ ତାଙ୍କୁ ଫାଇନାଲ ମୁକାବିଲା ପୂର୍ବରୁ ଅଲିମ୍ପିକ୍ସରୁ ଅଯୋଗ୍ୟ ଘୋଷିତ କରାଯିବା ବିଭିନ୍ନ ତର୍କ ଓ ସନ୍ଦେହ ସୃଷ୍ଟି କରିଥିଲା ।
माँ कुश्ती मेरे से जीत गई मैं हार गई माफ़ करना आपका सपना मेरी हिम्मत सब टूट चुके इससे ज़्यादा ताक़त नहीं रही अब।
— Vinesh Phogat (@Phogat_Vinesh) August 7, 2024
अलविदा कुश्ती 2001-2024 🙏
आप सबकी हमेशा ऋणी रहूँगी माफी 🙏🙏
- ଶାନ୍ତ୍ୱନା ଦେଇଥିଲେ ରାଷ୍ଟ୍ରପତି-ପ୍ରଧାନମନ୍ତ୍ରୀ:-
ରାଷ୍ଟ୍ରପତି ଦ୍ରୌପଦୀ ମୁର୍ମୁ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରମୁଖ ଟ୍ବିଟ୍ କରି ଭିନେଶଙ୍କୁ ଶାନ୍ତ୍ୱନା ଦେଇଥିଲେ । ପ୍ରଧାନମନ୍ତ୍ରୀ ମୋଦି ଭାରତୀୟ ଅଲିମ୍ପିକ୍ସ ସଂଘର ସଭାପତି ପି.ଟି ଉଷାଙ୍କ ସହ ଫୋନ ଯୋଗେ ଏହି ପ୍ରସଙ୍ଗରେ କଥା ମଧ୍ୟ ହୋଇଥିଲେ । ବିରୋଧୀ ଦଳ ନେତା ରାହୁଲ ଗାନ୍ଧୀ ଟ୍ବିଟ୍ କରି ଭିନେଶଙ୍କୁ ଶାନ୍ତ୍ୱନା ଦେବା ସହ ଭାରତୀୟ ଅଲିମ୍ପିକ୍ସ ଆସୋସିଏସନ ଭିନେଶଙ୍କୁ ନ୍ୟାୟ ଦେଉ ବୋଲି କହିଥିଲେ । ତେବେ ଅଯୋଗ୍ୟ ଘୋଷିତ ହେବା ପରେ ଭାଙ୍ଗି ପଡିଥିବା ଭିନେଶଙ୍କର ସ୍ବାସ୍ଥ୍ୟାବସ୍ଥା ମଧ୍ୟ ବିଗିଡିଥିଲା । ଆଜି ସେ କୁସ୍ତିରୁ ସନ୍ୟାସ ମଧ୍ୟ ଘୋଷଣା କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
