ନୂଆଦିଲ୍ଲୀ: ମେଡିକାଲ ପ୍ରବେଶିକା ପରୀକ୍ଷା ନିଟ୍ ୟୁଜି 2024 ପେପରଲିକ୍ ଘଟଣାରେ ସୁପ୍ରିମକୋର୍ଟଙ୍କ ବଡ଼ ରାୟ । ସେଣ୍ଟର ଅନୁଯାୟୀ ଅନଲାଇନରେ ସମସ୍ତ ପରୀକ୍ଷାର୍ଥୀଙ୍କ ରେଜଲ୍ଟ ପ୍ରକାଶ କରିବାକୁ NTAକୁ ନିର୍ଦ୍ଦେଶ । ଆଜି (ଗୁରୁବାର) ଶୁଣାଣି ସମୟରେ ଏନଟିଏକୁ ସୁପ୍ରିମକୋର୍ଟ ଏହି ନିର୍ଦ୍ଦେଶ ଦେଇଛନ୍ତି । NEET-UG ପରୀକ୍ଷାରେ ଛାତ୍ରଛାତ୍ରୀଙ୍କୁ ମିଳିଥିବା ମାର୍କକୁ NTA ୱେବସାଇଟରେ ଜୁଲାଇ 20 ମଧ୍ୟାହ୍ନ 12ଟା ସୁଦ୍ଧା ପ୍ରକାଶ କରିବାକୁ ନିର୍ଦ୍ଦେଶ ଦିଆଯାଇଛି । ଏହାସହିତ ପରୀକ୍ଷାର୍ଥୀଙ୍କ ପରିଚୟ ଗୁପ୍ତ ରଖାଯାଉ ଏବଂ ରେଜଲ୍ଟକୁ ସହର ଓ କେନ୍ଦ୍ର ଅନୁଯାୟୀ ପୃଥକ ଭାବରେ ୱେବସାଇଟରେ ପ୍ରକାଶ କରିବାକୁ ସର୍ବୋଚ୍ଚ ନ୍ୟାୟାଳୟ ନିର୍ଦ୍ଦେଶ ଦେଇଛନ୍ତି । ଆସନ୍ତା ଜୁଲାଇ 22ରେ ଏହି ମାମଲାର ପରବର୍ତ୍ତୀ ଶୁଣାଣି ହେବ ।
Supreme Court posts for July 22 for hearing pleas alleging paper leak and malpractice in NEET-UG 2024 exams. pic.twitter.com/wqvytSEmkl
— ANI (@ANI) July 18, 2024
ନିଟ ୟୁଜି ପେପରଲିକ ଘଟଣାରେ ଆଜି ପୁଣି ସୁପ୍ରିମକୋର୍ଟରେ ଶୁଣାଣି ଆରମ୍ଭ ହୋଇଥିଲା । ଜୁନ 4 ତାରିଖରେ ସର୍ବଭାରତୀୟ ସ୍ତରରେ ନିଟ ପରୀକ୍ଷା ଫଳ ପ୍ରକାଶ ପାଇଥିବା ବେଳେ ଆଜି ସୁପ୍ରିମକୋର୍ଟଙ୍କ ନିର୍ଦ୍ଦେଶ ମୁତାବକ ସହର ଓ ପରୀକ୍ଷା କେନ୍ଦ୍ର ଅନୁଯାୟୀ ପୁଣି ଥରେ ରେଜଲ୍ଟ ପ୍ରକାଶ ପାଇବାକୁ ଯାଉଛି । ଏହି ରେଜଲ୍ଟ ପ୍ରକାଶ ପାଇବା ପରେ ଯଦି ବିପୁଳ ସଂଖ୍ୟାରେ ଅନିୟମିତତା ଜଣାପଡ଼େ, ତେବେ ପୁଣି ଥରେ ପରୀକ୍ଷା ହୋଇପାରେ ବୋଲି ସୁପ୍ରିମକୋର୍ଟ ସର୍ତ୍ତ ରଖିଛନ୍ତି । ଏହି ମାମଲାରେ ଏଯାବତ 60ଜଣଙ୍କୁ ଗିରଫ କରିଛି ସିବିଆଇ । ଶୁଣାଣି ବେଳେ ସୁପ୍ରିମକୋର୍ଟ କହିଥିଲେ ଯେ ଏହି ମାମଲାର ଚୂଡ଼ାନ୍ତ ରାୟକୁ ଲକ୍ଷ ଲକ୍ଷ ଛାତ୍ରଛାତ୍ରୀ ଅପେକ୍ଷା କରିଛନ୍ତି । ଏହାସହ ନ୍ୟାସନାଲ ଟେଷ୍ଟିଂ ଏଜେନ୍ସି (NTA) ଉପରେ ପ୍ରଶ୍ନ ଉଠାଇଥିଲେ ।
#WATCH | Delhi | Supreme Court hearing on the NEET issue | Senior advocate of the petitioner, Narendra Hooda says, " we raised all those things in the sc which indicate that the paper has been leaked. the paper has been leaked not just in hazaribagh and patna, but in other places… pic.twitter.com/cE0h0NPC5m
— ANI (@ANI) July 18, 2024
ଏହା ବି ପଢନ୍ତୁ- ଗୁରୁବାରକୁ ଘୁଞ୍ଚିଲା ଶୁଣାଣି, ‘NTA’ର ଆବେଦନ ଉପରେ ଜାରି ହେଲା ନୋଟିସ
ସୂଚନା ଥାଉ କି ମେ’ 5 ତାରିଖରେ ଏହି ପରୀକ୍ଷା ଅନୁଷ୍ଠିତ ହୋଇଥିଲା । ଏଥିରେ ପ୍ରାୟ 24 ଲକ୍ଷ ପରୀକ୍ଷାର୍ଥୀ ଅଂଶଗ୍ରହଣ କରିଥିଲେ । ଜୁନ 4ରେ ପରୀକ୍ଷାଫଳ ପ୍ରକାଶ ପାଇଥିବା ବେଳେ ପ୍ରାୀୟ 67 ଜଣ ପରୀକ୍ଷାର୍ଥୀ 720ରୁ 720 ମାର୍କ ରଖିଥିଲେ । ଏହାପରେ ପେପରଲିକ୍ ନେଇ ଅଭିଯୋଗ ହୋଇଥିଲା । ଗ୍ରେସ ମାର୍କ ପାଇଥିବା ଛାତ୍ରଛାତ୍ରୀଙ୍କ ପାଇଁ ସାନି ପରୀକ୍ଷା କରାଇ ଫଳ ମଧ୍ୟ ପ୍ରକାଶିତ ହୋଇସାରିଛି । ତଥାପି କାଉନସିଲିଂ ବନ୍ଦ ରଖାଯିବା ସହ ମାମଲା ସର୍ବୋଚ୍ଚ କୋର୍ଟରେ ବିଚାରାଧୀନ ରହିଛି ।
ଏହା ବି ପଢନ୍ତୁ- ରକାଶ ପାଇଲା NEET-UG ସାନିପରୀକ୍ଷା ଫଳ, ଅଂଶଗ୍ରହଣ କରିଥିଲେ ଗ୍ରେସମାର୍କ ପାଇଥିବା 813
ଏହି ମାମଲାରେ ପ୍ରାୟ 40ରୁ ଅଧିକ ଆବେଦନ ଉପରେ ପ୍ରଧାନ ବିଚାରପତି ଡି.ୱାଇ ଚନ୍ଦ୍ରଚୂଡଙ୍କ ନେତୃତ୍ବାଧୀନ ଜଷ୍ଟିସ ଜେବି ପାରଦିୱାଲା ଓ ଜଷ୍ଟିସ ମନୋଜ ମିଶ୍ରାଙ୍କ ଖଣ୍ଡପୀଠ ଶୁଣାଣି କରୁଛି । ଏହି ଆବେଦନରେ ପରୀକ୍ଷାକୁ ବାତିଲ କରିବାକୁ, ପୁନଃ ପରୀକ୍ଷା ଏବଂ NEET UG 2024 ପରୀକ୍ଷାରେ ହୋଇଥିବା ଅନିୟମିତତାକୁ ନେଇ ପ୍ରଶ୍ନ ଉଠିଛି ।
