ଶ୍ରୀନଗର: ଜମ୍ମୁ-କାଶ୍ମୀରରେ ପୁଣି ସେନା ଓ ଆତଙ୍କବାଦୀ ମୁହାଁମୁହିଁ । ଆଜି (ଶନିବାର) ସକାଳୁ କୁପଓ୍ବାରା ଜିଲ୍ଲାରେ ସୁରକ୍ଷାକର୍ମୀ ଓ ଆତଙ୍କବାଦ ମଧ୍ୟରେ ଗୁଳିବିନିମୟ ଜାରି ରହିଛି । ସେନାର ଏନକାଉଣ୍ଟରରେ ଏବେ ସୁଦ୍ଧା ଜଣେ ଆତଙ୍କବାଦୀ ନିହତ ହୋଇଛି । ସେହିପରି ଏଥିରେ ଜଣେ ଯବାନ ଶହୀଦ ହୋଇଯାଇଥିବାବେଳେ 4 ଜଣ ଆହତ ହୋଇଥିବା ସୂଚନା ମିଳିଛି । ଆହତ ଯବାନଙ୍କ ମଧ୍ୟରେ ଜଣେ ମେଜର ରାଙ୍କ୍ ଅଫିସର ମଧ୍ୟ ରହିଛନ୍ତି । କୁପୱାରାରେ ଗତ 4 ଦିନ ମଧ୍ୟରେ ଏହା ଦ୍ୱିତୀୟ ଏନକାଉଣ୍ଟର ।
Encounter between Army troops and terrorists are on in the forest areas along the LoC in the Macchil sector of Kupwara. More details awaited: Defence officials
— ANI (@ANI) July 27, 2024
ଆତଙ୍କବାଦ ବିରୋଧ ଅଭିଯାନ:
କୁପୱାରା ଜିଲ୍ଲାରେ ତ୍ରେହଗାମର ମଚିଲ ସେକ୍ଟର ଅନ୍ତର୍ଗତ କୁକମାଡି ପୋଷ୍ଟ ଅଞ୍ଚଳରେ ଆତଙ୍କବାଦୀ ଲୁଚିଥିବା ନେଇ ସୁରକ୍ଷାକର୍ମୀମାନେ ଖବର ପାଇଥିଲେ । ଏହାପରେ ସେହି ଅଞ୍ଚଳରେ ସୁରକ୍ଷାକର୍ମୀମାନଙ୍କ ପକ୍ଷରୁ ଆତଙ୍କବାଦୀ ବିରୋଧୀ ଅପରେସନ ଜୋରଦାର କରାଯାଇଥିଲା । ଏକ ମିଳିତ ଟିମ୍ ସନ୍ଦିଗ୍ଧ ଆତଙ୍କବାଦୀଙ୍କୁ ଧରିବା ପାଇଁ ଖୋଜଖୋଜି ଆରମ୍ଭ କରିଦେଇଥିଲେ । ସେହି ସମୟରେ ଉଭୟ ପକ୍ଷ ମଧ୍ୟରେ ଗୁଳି ବିନିମୟ ହୋଇଥିଲା ।
ଏହାମଧ୍ୟ ପଢନ୍ତୁ...ଏନକାଉଣ୍ଟରରେ ଜଣେ ଆତଙ୍କବାଦୀ ସଫା, ଯବାନ ଆହତ, 24 ଘଣ୍ଟାରେ 3ୟ ଗୁଳି ବିନିମୟ
J&K | Macchal encounter: Five Indian Army soldiers including a Major rank officer suffered injuries in the encounter. All five troops were evacuated from the location. One of the injured soldiers has lost his life due to injuries: Defence officials pic.twitter.com/8Yf8hXr0lA
— ANI (@ANI) July 27, 2024
J&K | Macchal encounter: Indian Army troops have foiled a Pakistani Border Action Team (BAT) attack on the Line of Control against Indian forces. The BAT team involved in the attack is suspected to have regular Pakistan Army troops including their SSG commandos who work closely… pic.twitter.com/UF4ueFa2yY
— ANI (@ANI) July 27, 2024
ଏବେସୁଦ୍ଧା ଜଣେ ଯବାନ ଶହୀଦ, ଜଣେ ଆତଙ୍କୀ ନିପାତ:
ବରିଷ୍ଠ ପୋଲିସ ଅଧିକାରୀଙ୍କ ସୂଚନା ଅନୁଯାୟୀ, ସର୍ଚ୍ଚ ଅପରେସନ ସମୟରେ କୁମକାଡି ପୋଷ୍ଟଠାରେ ଆତଙ୍କବାଦୀ ଗତିବିଧି ଜାରି ରହିଥିବା ନେଇ ସୁରକ୍ଷାକର୍ମୀ ଜାଣିବାକୁ ପାଇଥିଲେ । ସୁରକ୍ଷାବାହିନୀ ଆତଙ୍କବାଦୀଙ୍କୁ ଉପରକୁ ଗୁଳି ଚଳାଇଥିଲେ । ଏହାର ପାଲଟା ଉତ୍ତର ଦେଇ ଆତଙ୍କବାଦୀଙ୍କ ପକ୍ଷରୁ ମଧ୍ୟ ଗୁଳି ବର୍ଷା ଆରମ୍ଭ ହୋଇଯାଇଥିଲା । ଏହି ଏନକାଉଣ୍ଟରରେ ଜଣେ ଆତଙ୍କବାଦ ନିପାତ ହୋଇଥିବା ବେଳେ 5 ଯବାନ ଆହତ ହୋଇଥିଲେ । ଆହତ ଯବାନଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଥିବାବେଳେ ଚିକିତ୍ସାଧୀନ ଅବସ୍ଥାରେ ଜଣେ ଯବାନ ଆଖି ବୁଜିଛନ୍ତି । ଆହତଙ୍କ ମଧ୍ୟରେ ଜଣେ ମେଜର ରାଙ୍କ୍ ଅଫିସର ମଧ୍ୟ ରହିଛନ୍ତି ।
ଏହାମଧ୍ୟ ପଢନ୍ତୁ.. ସେନା ଗାଡ଼ି ଉପରେ ଆତଙ୍କୀ ଆକ୍ରମଣ; 5 ଯବାନ ଶହୀଦ, 3 ଗୁରୁତର - Jammu Terrorist Attack
4 ଦିନ ମଧ୍ୟରେ ଏହା ଦ୍ୱିତୀୟ ଘଟଣା:
ସୂଚନାଯୋଗ୍ୟ, ଏହି ଅଞ୍ଚଳରେ ମାତ୍ର 4 ଦିନ ମଧ୍ୟରେ ଏହା ଦ୍ୱିତୀୟ ଘଟଣା । ୨୫ତମ କାର୍ଗିଲ ବିଜୟ ଦିବସ ପାଳନର ଗୋଟିଏ ଦିନ ନ ହେଉଣୁ ପୁଣି ଜମ୍ମୁ- କାଶ୍ମୀରରେ ଆତଙ୍କ ଖେଳାଇଛନ୍ତି ଆତଙ୍କବାଦୀ । ଗତ ବୁଧବାର ଦିନ ମଧ୍ୟ କୁପୱାରା ଅଞ୍ଚଳରେ ସେନା ଓ ଆତଙ୍କବାଦୀମାନଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଯେଉଁଥିରେ ଜଣେ ଭାରତୀୟ ସେନା ଅଧିକାରୀ ଶହୀଦ ହୋଇଥିବା ବେଳେ ଜଣେ ଆତଙ୍କବାଦୀ ନିହତ ହୋଇଥିଲା । ଜୁଲାଇ 8ରେ ସେନା ଗାଡ଼ିକୁ ଟାର୍ଗେଟ କରି ଆକ୍ରମଣ ହୋଇଥିବା ବେଳେ 5 ଜଣ ଯବାନ ଶହୀଦ ଓ 3 ଯବାନ ଗୁରୁତର ହୋଇଥିଲେ ।
ସେହିପରି ଚଳିତ ମାସ 6 ତାରିଖରେ ଜମ୍ମୁ-କାଶ୍ମୀର କୁଲଗାମର ଦୁଇଟି ପୃଥକ ସ୍ଥାନରେ ସେନା ଏବଂ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଆତଙ୍କବାଦୀଙ୍କ ଗୁଳିମାଡରେ ଜଣେ ଯବାନ ଶହୀଦ ହୋଇଥିବା ବେଳେ 4 ଆତଙ୍କୀଙ୍କୁ ନିପାତ କରିଥିଲା ସେନା । ଜୁନ ୧୫ରେ ଜମ୍ମୁର ଡୋଡା ଅଞ୍ଚଳରେ ଏନକାଉଣ୍ଟର ହୋଇଥିଲା । ଏଥିରେ ଜଣେ କ୍ୟାପଟେନଙ୍କ ସମେତ ଚାରିଜଣ ସେନା କର୍ମଚାରୀ ଶହୀଦ ହୋଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
