ନୂଆଦିଲ୍ଲୀ: ସୁପ୍ରିମକୋର୍ଟରୁ ମନୀଷ ସିସୋଦିଆଙ୍କୁ ବଡ଼ ଆଶ୍ବସ୍ତି । ଦିଲ୍ଲୀ ମଦ ଦୁର୍ନୀତି ମାମଲାରେ ଗିରଫ ଆପ୍ ନେତା ତଥା ପୂର୍ବତନ ଉପମୁଖ୍ୟମନ୍ତ୍ରୀ ସିସୋଦିଆଙ୍କୁ ସର୍ତ୍ତମୂଳକ ଜାମିନ ଦେଇଛନ୍ତି ସର୍ବୋଚ୍ଚ ଅଦାଲତ । ଉଭୟ ସିବିଆଇ ଓ ଇଡି ମାମଲାରେ ଆଜି ତାଙ୍କୁ ଜାମିନ ମିଳିଛି । ଏଥିସହ ତାଙ୍କୁ ନିଜର ପାସପୋର୍ଟ ଦାଖଲ କରିବାକୁ ନିର୍ଦ୍ଦେଶ ଦିଆଯାଇଛି । ଦୀର୍ଘ ୧୭ ମାସ ହେଲା ସିସୋଦିଆ ତିହାର ଜେଲରେ ବନ୍ଦ ଥିଲେ । ଆଜି ଜାମିନ ମିଳିବା ପରେ ଆପ୍ ଶିବିରରେ ଖୁସିର ଲହରୀ ଖେଳିଯାଇଛି ।
Breaking: #AAP Leader #ManishSisodia Gets Bail From #SupremeCourt In Liqour Policy Case pic.twitter.com/Drm2mqVx5f
— Live Law (@LiveLawIndia) August 9, 2024
ଜଷ୍ଟିସ ବିଆର ଗଭାଇ ଓ କେଭି ବିଶ୍ବନାଥନଙ୍କ ଖଣ୍ଡପୀଠ ମନୀଷ ସିସୋଦିଆଙ୍କୁ ଜାମିନ ପ୍ରଦାନ କରିଛନ୍ତି । ଖଣ୍ଡପୀଠ କହିଛନ୍ତି, ''ଆପ୍ ନେତା ତ୍ବରିତ ଶୁଣାଣି ପାଇଁ ହକ୍ଦାର । ତାଙ୍କୁ ପୁଣିଥରେ ଟ୍ରାଏଲ କୋର୍ଟକୁ ପଠାଇବା ନ୍ୟାୟର ଉପହାସ ହେବ । ସେ ୧୭ ମାସ ହେଲା ଜେଲରେ ଅଛନ୍ତି କିନ୍ତୁ ଆଜି ଯାଏଁ ଶୁଣାଣି ଆରମ୍ଭ ହୋଇପାରିନି । ଯେଉଁ କାରଣରୁ ଆବେଦନକାରୀ(ସିସୋଦିଆ) ତ୍ବରିତ ଶୁଣାଣିର ଅଧିକାରରୁ ବଞ୍ଚିତ ଅଛନ୍ତି । ଟ୍ରାଏଲ କୋର୍ଟ ଏବଂ ହାଇକୋର୍ଟ ଏହା ଉପରେ ଧ୍ୟାନ ଦେବା ଉଚିତ୍ ।''
#WATCH | Delhi | Sweets being distributed at the residence of AAP leader Sanjay Singh as Supreme Court grants bail to AAP leader Manish Sisodia in the excise policy irregularities case. pic.twitter.com/aVAxLNnryF
— ANI (@ANI) August 9, 2024
ମିଠା ବାଣ୍ଟିଲେ ସଞ୍ଜୟ ସିଂ:
ସିସୋଦିଆଙ୍କୁ ବେଲ୍ ମିଳିବା ପରେ ଆପ୍ ନେତା ସଞ୍ଜୟ ସିଂ ନିଜ ବାସଭବନରେ ମିଠା ବାଣ୍ଟି ଖୁସି ମନାଇଛନ୍ତି । ଏଥିପାଇଁ ସେ ସୁପ୍ରିମକୋର୍ଟକୁ ଧନ୍ୟବାଦ ଜଣାଇ କହିଛନ୍ତି, ''ସତ୍ୟର ବିଜୟ ହୋଇଛି । ଏହି ମଦ ଦୁର୍ନୀତି ମାମଲାରେ କୌଣସି ତଥ୍ୟ କିମ୍ବା ସତ୍ୟତା ନାହିଁ । ଜୋର ଜବରଦସ୍ତ ଆମ ନେତାଙ୍କୁ ଗିରଫ କରି ଜେଲ୍ରେ ଭର୍ତ୍ତି କରାଯାଇଛି । ଭାରତର ପ୍ରଧାନମନ୍ତ୍ରୀ କ'ଣ ସିସୋଦିଆଙ୍କ ଜୀବନର ସେହି ୧୭ ମାସର ଜବାବ ଦେବେ ?''
#WATCH | Delhi | On Supreme Court grants bail to AAP leader Manish Sisodia in the excise policy irregularities case, Advocate representing Manish Sisodia, Rishikesh Kumar says, " the court has said that if you have the evidence then there is no case of tampering. if you have kept… pic.twitter.com/ftnTscRclo
— ANI (@ANI) August 9, 2024
ଏଠାରେ ଉଲ୍ଲେଖଯୋଗ୍ୟ, ୨୦୨୩ ଫେବୃଆରୀ ୨୬ରେ ଦିଲ୍ଲୀ ମଦ ଦୁର୍ନୀତି ମାମଲାରେ ସିବିଆଇ ତତ୍କଳୀଳ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କୁ ଗିରଫ କରିଥିଲା । ଏହାପରେ ସେହିବର୍ଷ ମାର୍ଚ୍ଚରେ ପୁଣି ଇଡି ତାଙ୍କୁ ଗିରଫ କରିଥିଲା । ୨୦୨୩ ଫେବୃଆରୀ ୨୮ରେ ସିସୋଦିଆ ଦିଲ୍ଲୀ ମନ୍ତ୍ରୀମଣ୍ଡଳରୁ ଇସ୍ତଫା ଦେଇଥିଲେ ।
ସଞ୍ଜୟ-ସିସୋଦିଆଙ୍କୁ ମିଳିଲା, କେଜ୍ରିୱାଲଙ୍କୁ କେବେ ?
ସଞ୍ଜୟ ସିଂଙ୍କ ପରେ ସିସୋଦିଆ ହେଉଛନ୍ତି ଦ୍ବିତୀୟ ଆପ୍ ନେତା ଯିଏକି ମଦ ଦୁର୍ନୀତି ମାମଲାରେ ସୁପ୍ରିମକୋର୍ଟରୁ ବେଲ୍ ପାଇଛନ୍ତି । କିଛି ଦିନ ତଳେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଇଡି ମାମଲାରେ ସୁପ୍ରିମକୋର୍ଟରୁ ଜାମିନ ପାଇଥିଲେ । ମାତ୍ର ସିବିଆଇ ମାମଲା ଥିବାରୁ ସେ ଜାମିନରେ ଜେଲରୁ ମୁକୁଳି ପାରିନଥିଲେ । ଏବେ ବି କେଜ୍ରିୱାଲ ତିହାର ଜେଲ୍ରେ ଅଛନ୍ତି ।
