କୋଲକାତା: ଆଜି ପଶ୍ଚିମବଙ୍ଗ ବିଧାନସଭାରେ ନିଆଗଲା ବଡ଼ ନିଷ୍ପତ୍ତି । ବିଧାନସଭାରେ ପାରିତ ହେଲା ଆଣ୍ଟି-ରେପ୍ ବିଲ । କୋଲକାତା ମହିଳା ଡାକ୍ତର ଦୁଷ୍କର୍ମ ଓ ହତ୍ୟା ଘଟଣା ସାରା ଦେଶକୁ ଦୋହଲାଇ ଦେଇଥିବାବେଳେ ସୁରକ୍ଷାକୁ ନେଇ ପ୍ରଶ୍ନ ଉଠିଛି । ଏଣୁ ମମତା ସରକାର ନେଇଛନ୍ତି ଗୁରୁତ୍ବପୂର୍ଣ୍ଣ ନିଷ୍ପତ୍ତି । ୨୧ ଦିନରେ ପ୍ରାରମ୍ଭିକ ଯାଞ୍ଚ ସହ ୩୬ ଦିନରେ ମାମଲାର ଯାଞ୍ଚ ପ୍ରାବଧାନ ରହିଛି । ରିପୋର୍ଟ ଆସିଲେ ପୀଡାତାଙ୍କ ମୃତ୍ୟୁ କ୍ଷେତ୍ରରେ ୧୦ ଦିନରେ ନିଆଯିବ କାର୍ଯ୍ୟାନୁଷ୍ଠାନ । ତେବେ ଏହି Anti-Rape Bill(ଅପରାଜିତା ମହିଳା) କ'ଣ ଆସନ୍ତୁ ଜାଣିବା ।
Anti-Rape Bill କ'ଣ?
'ଅପରାଜିତା ମହିଳା' ନାମକ ଏହି Anti-Rape Bill ଯଦି ପାରିତ ହୋଇଛି । ଏହି ଆଇନ ଅନୁସାରେ ଦୁଷ୍କର୍ମକାରୀଙ୍କୁ ମିଳିବ ମୃତ୍ୟୁଦଣ୍ଡ । ଘଟଣାର ମାତ୍ର ୧୦ଦିନ ମଧ୍ୟରେ ଫାଶୀଦଣ୍ଡ ସୁନିଶ୍ଚିତ କରିବାକୁ ଦିଆଯାଇଥିଲା ପ୍ରସ୍ତାବ । ପଶ୍ଚିମବଙ୍ଗ ସରକାର ଅପରାଧିକ ଆଇନ ସଂଶୋଧନ ପାଇଁ ପ୍ରସ୍ତାବ ରଖିଥିବାବେଳେ ରାଜ୍ୟ ଆଇନ ମନ୍ତ୍ରୀ ମଳୟ ଘଟକ ବିଧାନସଭାରେ ଏହାକୁ ଉପସ୍ଥାପନ କରିଥିଲେ ।
ସମର୍ଥନ କରିବ କି ବିଜେପି?
ଦୁଷ୍କର୍ମ ଭଳି ଜଘନ୍ୟ ଅପରାଧ ରୋକିବା ପାଇଁ ଗୁରୁତ୍ବପୂର୍ଣ୍ଣ ନିଷ୍ପତ୍ତି ନେଇଛନ୍ତି ପଶ୍ଚିମବଙ୍ଗ ସରକାର । ଗତକାଲି (ସୋମବାର)ଠାରୁ ପଶ୍ଚିମବଙ୍ଗ ବିଧାନସଭାରେ ଦୁଇ ଦିନିଆ ସ୍ବତନ୍ତ୍ର ଅଧିବେଶନ ହୋଇଛି । ଏହି ଅଧିବେଶନ ସମୟରେ ଏକ୍ ବିଲ ଉପସ୍ଥାପନ ହେବ ବୋଲି କୁହାଯାଉଥିଲା । ସବୁଠୁ ଗୁରୁତ୍ବପୂର୍ଣ୍ଣ କଥା ହେଉଛି, ବିରୋଧୀ ବିଜେପି ମଧ୍ୟ ଏହାକୁ ସମର୍ଥନ କରିଛି । ପୂର୍ବରୁ ଆରଜି କର ଦୁଷ୍କର୍ମ ଓ ହତ୍ୟା ଘଟଣାକୁ ନେଇ ରାଜ୍ୟବ୍ୟାପୀ ପ୍ରତିବାଦ କରିଥିଲା ବିଜେପି । ଏନେଇ ମମତା ସରକାରଙ୍କୁ ଘେରିଥିଲେ ବିରୋଧୀ । ତେବେ ଦୁଷ୍କର୍ମକାରୀଙ୍କୁ ସଜ୍ଜା ପାଇଁ ମମତା ସରକାର ଆଣିଥିବା Anti-Rape Billକୁ ବିଜେପି ମଧ୍ୟ ସମର୍ଥନ କରିଛି ।
ଦୁଷ୍କର୍ମକାରୀଙ୍କୁ ମୃତ୍ୟୁଦଣ୍ଡ!
Justice is the last thing on @BJP4India's mind.
— All India Trinamool Congress (@AITCofficial) August 31, 2024
In the wake of a tragedy, their only response has been to descend like vultures, EXPLOITING GRIEF FOR POLITICAL GAIN.
Their actions reek of opportunism, devoid of humanity, and driven solely by the thirst for power! pic.twitter.com/UEuVK8WmXw
ଗତ ବୁଧବାର ତୃଣମୂଳ କଂଗ୍ରେସ ଛାତ୍ର ପରିଷଦ ପ୍ରତିଷ୍ଠା ଦିବସ ଅବସରରେ ଦୁଷ୍କର୍ମକାରୀଙ୍କୁ ବିରୋଧରେ କଠୋର ଆଇନ ପ୍ରଣୟନ ହେବ ବୋଲି ଘୋଷଣା କରିଥିଲେ ମୁଖ୍ୟମନ୍ତ୍ରୀ ମମତା ବାନାର୍ଜୀ । ଏହି ବିଲ ପାରିତ ହେଲେ ଦୁଷ୍କର୍ମକାରୀଙ୍କୁ ଏଣିକି ତ୍ରାହି ନାହିଁ । ସେମାନଙ୍କୁ ମୃତ୍ୟୁଦଣ୍ଡ ଦିଆଯିବ ବୋଲି କହିଥିଲେ ମମତା । ଫଳରେ ରାଜ୍ୟରେ ଦୁଷ୍କର୍ମ ଭଳି ଅପରାଧ ହ୍ରାସ ପାଇବ ବୋଲି ଆଶା କରାଯାଉଛି ।
