ଥିରୁଅନନ୍ତପୁରମ: କେରଳର ଓ୍ବାୟନାଡର ଭୂସ୍ଖଳନ ସ୍ଥଳ ପରିଦର୍ଶନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆଜି ପୂର୍ବାହ୍ନରେ କେରଳ ପହଞ୍ଚିବା ପରେ ସ୍ଥାନୀୟ ମୁଖ୍ୟମନ୍ତ୍ରୀ ପିନାରାଇ ବିଜୟନଙ୍କ ସହ ପ୍ରଧାନମନ୍ତ୍ରୀ ଆକାଶମାର୍ଗରୁ ସ୍ଥିତି ସମୀକ୍ଷା କରିଥିଲେ । ପରେ ଏକାଧିକ ପ୍ରଭାବିତ ଅଞ୍ଚଳ ମଧ୍ୟ ପରିଦର୍ଶନ କରିଥିଲେ । ପ୍ରଧାନମନ୍ତ୍ରୀଙ୍କ ସହ କେରଳ ରାଜ୍ୟପାଳ ଆରିଫ୍ ମହମ୍ମଦ ଖାନ ମଧ୍ୟ ଘଟଣାସ୍ଥଳ ପରିଦର୍ଶନ କରିଛନ୍ତି ।
Kerala | PM Narendra Modi undertook an aerial survey in Wayanad before physically visiting the location of the disaster.
— ANI (@ANI) August 10, 2024
In the aerial survey, he saw the origin of the landslide, which is in the origin of Iruvazhinji Puzha (River). He also observed the worst affected areas of… pic.twitter.com/bGGSbIbbZ6
ଗ୍ରାଉଣ୍ଡଜିରୋରେ ପ୍ରଧାନମନ୍ତ୍ରୀ:-
ପ୍ରଧାନମନ୍ତ୍ରୀଙ୍କୁ ସେଠାରେ ଉଦ୍ଧାରକାର୍ଯ୍ୟରେ ନିୟୋଜିତ ଥିବା ଭାରତୀୟ ସେନାର ବରିଷ୍ଠ ଅଧିକାରୀମାନେ ଉଦ୍ଧାର ଓ ଥଇଥାନ ଅପରେସନ ସମ୍ପର୍କରେ ଅବଗତ କରିଛନ୍ତି । ପ୍ରଧାନମନ୍ତ୍ରୀଙ୍କ ସହ କେନ୍ଦ୍ରମନ୍ତ୍ରୀ ସୁରେଶ ଗୋପୀ ମଧ୍ୟ ପ୍ରଭାବିତ ଅଞ୍ଚଳ ଗସ୍ତ କରିଥିଲେ । ପରେ ପ୍ରଧାନମନ୍ତ୍ରୀ କେତେକ ଆଶ୍ରୟସ୍ଥଳୀ ଓ ହସ୍ପିଟାଲ ପରିଦର୍ଶନ କରିବେ । ସେଠାରେ ସେ ପ୍ରଭାବିତଙ୍କ ସହ ମଧ୍ୟ ଆଲୋଚନା କରିବାର କାର୍ଯ୍ୟକ୍ରମ ରହିଛି । ଏବେ ମଧ୍ୟ ଶହ ଶହ ଲୋକେ ସରକାରୀ ରିଲିଫ କ୍ୟାମ୍ପରେ ଆଶ୍ରୟ ନେଇଛନ୍ତି । ମୃତ୍ୟୁମୁଖରୁ ଅଳ୍ପକେ ବର୍ତ୍ତିଯାଇଥିବା କିଛି ଆହତଙ୍କ ଚିକିତ୍ସା ଏବେ ମଧ୍ୟ ଜାରି ରହିଛି । ସେମାନଙ୍କ ଚିକିତ୍ସା ପାଇଁ ସରକାର ବ୍ୟବସ୍ଥା କରିଛନ୍ତି । ପୂର୍ବରୁ କଂଗ୍ରେସ ସାଂସଦ ତଥା ବିରୋଧୀ ଦଳ ନେତା ରାହୁଲ ଗାନ୍ଧୀ ଓ ପ୍ରିୟଙ୍କା ଗାନ୍ଧୀ ଭଦ୍ରା ମଧ୍ୟ ଓ୍ବାୟନାଡ ଗସ୍ତ କରିସାରିଛନ୍ତି ।
#WATCH | Kerala: Prime Minister Narendra Modi visits the landslide-affected area in Wayanad. He is being briefed about the evacuation efforts.
— ANI (@ANI) August 10, 2024
Governor Arif Mohammed Khan and Union Minister Suresh Gopi are also present.
(Source: DD News) pic.twitter.com/rANSwzCcVz
ଯାଇଥିଲା 4ଶହ ଜୀବନ:-
ଜୁଲାଇ 30 ତାରିଖରେ ହୋଇଥିବା ସର୍ବଗ୍ରାସୀ ଭୂସ୍ଖଳନରେ ପ୍ରାୟ 400 ଜଣଙ୍କର ମୃତ୍ୟୁ ହୋଇଛି । ପ୍ରବଳ ବର୍ଷା ପରେ ଭୋର ସମୟରେ ଏହି ଭୂସ୍ଖଳନ ହୋଇଥିଲା । ଲୋକେ ଶୋଇଥିବା ବେଳେ ହଠାତ ପାହାଡରୁ ବଡ ବଡ ପଥର ସହ ଆବର୍ଜନା ମିଶ୍ରିତ ପାଣି କେଇ ମିଟର ଉଚ୍ଚତା ସହ ମାଡି ଆସି ଓ୍ବାୟନାଡର 6ଟି ଗ୍ରାମ ନିଶ୍ଚିହ୍ନ କରିଦେଇଥିଲା । ଏବେ ମଧ୍ୟ ଉଦ୍ଧାର ଅପରେସନ ଜାରି ରହିଛି । କିଛି ନିଖୋଜଙ୍କ ସମ୍ପର୍କରେ ସ୍ପଷ୍ଟ ସୂଚନା ମିଳିନି । ନଦୀ ଓ ଆବର୍ଜନା ମଧ୍ୟରୁ ମୃତଦେହର ଅବଶେଷ ମିଳିବାରେ ଲାଗିଛି । ଆଜି ପ୍ରଧାନମନ୍ତ୍ରୀ ମୋଦି ନିଜେ ଗସ୍ତ କରି ସ୍ଥଳ ପରିଦର୍ଶନ କରିଛନ୍ତି । ଏବେ ରିଲିଫ କ୍ୟାମ୍ପରେ ରହୁଥିବା ପରିବାରକୁ 10 ହଜାର ଟଙ୍କାର ତୁରନ୍ତ ସହାୟତା ରାଶି ଗ୍ରହଣ କରିବା ପାଇଁ ନିଷ୍ପତ୍ତି ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
