ନୂଆଦିଲ୍ଲୀ: କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କ ବଡ଼ ବୟାନ । କହିଲେ ଗୁଜୁରାଟ ବିଧାନସଭା ନିର୍ବାଚନରେ ବିଜେପିକୁ ପରାସ୍ତ କରିବୁ । ଉତ୍ତର ପ୍ରଦେଶ ଅଯୋଧ୍ୟା ପରି ଗୁଜୁରାଟରେ ସମାନ ସ୍ଥିତି ହେବ । ତେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଗୃହ ରାଜ୍ୟ ଗୁଜୁରାଟ ହୋଇଥିବାରୁ ରାହୁଲଙ୍କ ଏହି ବୟାନ ବେଶ ଗୁରୁତ୍ବ ବହନ କରୁଛି । କଂଗ୍ରେସ ନେତୃତ୍ବାଧୀନ ଇଣ୍ଡିଆ ମେଣ୍ଟ ବିଜେପିକୁ ପରାସ୍ତ କରିବ ବୋଲି ରାହୁଲ ଆଜି (ଶନିବାର) ଅହମ୍ମଦାବାଦରେ ଦଳୀୟ କାର୍ଯ୍ୟକର୍ତ୍ତାଙ୍କୁ ସମ୍ବୋଧନ କରି ଏପରି କହିଛନ୍ତି ।
#WATCH | Gujarat: Addressing party workers in Ahmedabad, Congress MP Rahul Gandhi says, " ...together we are going to defeat them in gujarat. we will defeat narendra modi and bjp in gujarat just like we defeated them in ayodhya..." pic.twitter.com/nKX8ffqXTG
— ANI (@ANI) July 6, 2024
2024 ଲୋକସଭା ନିର୍ବାଚନରେ ଅଯୋଧ୍ୟାରେ ବିଜେପିକୁ ବଡ଼ ଝଟକା ଲାଗିଥିଲା । ଅଯୋଧ୍ୟା ରାମ ମନ୍ଦିର ନିର୍ମାଣକୁ ମୁଦ୍ଦା କରି ବିଜେପି ନିର୍ବାଚନ ଲଢୁଥିବା ବେଳେ ଅଯୋଧ୍ୟା ରେଜଲ୍ଟ କେବଳ ବିଜେପି କାହିଁକି ସାରା ଦେଶକୁ ଚକିତ କରିଥିଲା । ଯାହାକୁ ବିରୋଧୀ ଦଳ ବଡ଼ ବିଜୟ କହି ଉତ୍ସବ ମନାଇଥିଲା । ତେବେ ଅଯୋଧ୍ୟା ଭଳି ଗୁଜୁରାଟରେ ମଧ୍ୟ ବିଜେପିକୁ ପରାସ୍ତ କରିବାକୁ ଲୋକସଭା ବିରୋଧୀ ଦଳ ନେତା ରାହୁଲ ଗାନ୍ଧୀ ଦୃଢୋକ୍ତି ପ୍ରକାଶ କରିଛନ୍ତି ।
#WATCH | Ahmedabad, Gujarat: Addressing the party workers, Congress MP and Lok Sabha LoP Rahul Gandhi says, " the farmers of ayodhya lost their land when the airport was built. the people of ayodhya were upset that no one from ayodhya was invited to the inauguration of the ram… pic.twitter.com/wslXqLiPyh
— ANI (@ANI) July 6, 2024
କାର୍ଯ୍ୟକର୍ତ୍ତାଙ୍କୁ ସମ୍ବୋଧିତ କରି ରାହୁଲ କହିଛନ୍ତି, "ଆମେ ସମସ୍ତେ ମିଳିମିଶି ଗୁଜୁରାଟରେ ବିଜେପିକୁ ପରାସ୍ତ କରିବାକୁ ଯାଉଛନ୍ତି । ଅଯୋଧ୍ୟାରେ ଯେପରି ଆମେ ବିଜେପିକୁ ପରାଜୟର ସ୍ବାଦ ଚଖାଇଥିଲେ ଠିକ ସେହିପରି ଗୁଜୁରାଟରେ ମଧ୍ୟ ଆମେ ବିଜେପି ଓ ପ୍ରଧାନମନ୍ତ୍ରୀ ମୋଦିଙ୍କୁ ହରାଇବାକୁ ଯାଉଛନ୍ତି ।" ଜାନୁଆରୀରେ ରାମ ମନ୍ଦିର ପ୍ରାଣ ପ୍ରତିଷ୍ଠାକୁ ମନେ ପକାଇ ରାହୁଲ କହିଛନ୍ତି, "ରାମ ମନ୍ଦିର ପ୍ରାଣ ପ୍ରତିଷ୍ଠା ଉତ୍ସବରେ ଜଣେ ହେଲେ ଗରିବ ଶ୍ରେଣୀର ବ୍ୟକ୍ତିଙ୍କୁ ଦେଖିବାକୁ ମିଳିନଥିଲା । ସେଠାରେ କେବଳ ଆଦାନି ଓ ଅମ୍ବାନୀଙ୍କୁ ଦେଖିବାକୁ ମିଳିଥିଲା ।"
ଏହା ବି ପଢନ୍ତୁ- ୨୦୨୪ ଲୋକସଭା ନିର୍ବାଚନ: 'ଦେଶବ୍ୟାପୀ ୨ଟି ଯାତ୍ରା କଂଗ୍ରେସ ପାଇଁ ଆଣିଦେଲା ସଫଳତା'
ଅଯୋଧ୍ୟାର ଚାଷୀ ବିମାନବନ୍ଦର ପାଇଁ ନିଜର ଜମି ହରାଇଥିଲେ । ରାମ ମନ୍ଦିର ପ୍ରତିଷ୍ଠା ସମୟରେ ଅଯୋଧ୍ୟାବାସୀଙ୍କୁ ସମାରୋହକୁ ନିମନ୍ତ୍ରଣ କରାଯାଇନଥିବାରୁ ସେଠାକାର ସ୍ଥାନୀୟ ଲୋକେ ଅସନ୍ତୋଷ ପ୍ରକାଶ କରିଥିଲେ । ଅଯୋଧ୍ୟାରେ ବରିଷ୍ଠ ବିଜେପି ନେତା ଏଲ.କେ ଆଡଭାନୀଙ୍କ ଦ୍ବାରା ଆରମ୍ଭ ହୋଇଥିବା ଆନ୍ଦୋଳନକୁ ସେହି ଅଯୋଧ୍ୟାରେ ଶେଷ କରାଯାଇଥିଲା । ଇଣ୍ଡିଆ ମେଣ୍ଟ ବିଜେପିକୁ ଅଯୋଧ୍ୟାରେ ପରାସ୍ତ କରି ଏହାକୁ ସକ୍ଷମ କରିପାରିଥିଲା ବୋଲି ରାହୁଲ କହିଛନ୍ତି । ଆଜି ସକାଳେ କଂଗ୍ରେସ ନେତା ରାହୁଲ ଅହମ୍ମଦାବାଦରେ ପହଞ୍ଚିଥିବା ବେଳେ ସେଠାରେ ଦଳୀୟ କାର୍ଯ୍ୟକର୍ତ୍ତା ଓ ରାଜକୋଟ ଗେମିଂ ଜୋନ ପୀଡ଼ିତାଙ୍କୁ ଭେଟିଥିଲେ ।
#WATCH | Ahmedabad, Gujarat: Addressing the party workers, Congress MP and Lok Sabha LoP Rahul Gandhi says, " i was wondering in the parliament that they inaugurated the ram temple. adani and ambani were visible at the inauguration but any poor person was not seen there..." pic.twitter.com/4J8w96POvD
— ANI (@ANI) July 6, 2024
ଏହି ସମୟରେ ବଜରଙ୍ଗ ଦଳର ସଦସ୍ୟମାନେ ରାହୁଲଙ୍କ ଗସ୍ତକୁ ବିରୋଧ କରିଥିଲେ । ଲୋକସଭାରେ ରାହୁଲଙ୍କ ହିନ୍ଦୁ ମନ୍ତବ୍ୟକୁ ନେଇ ମଧ୍ୟ ବିକ୍ଷୋଭ ପ୍ରଦର୍ଶନ କରିଥିଲେ । ଏହାପରେ ଗୁଜୁରାଟ ପୋଲିସ ଦ୍ବାରା ଉକ୍ତ ବିକ୍ଷୋଭକାରୀଙ୍କୁ ଅଟକ ରଖାଯାଇଥିଲା । ସୂଚନା ଥାଉ କି 2027ରେ ଗୁଜୁରାଟରେ ବିଧାନସଭା ନିର୍ବାଚନ ଅନୁଷ୍ଠିତ ହେବ ।
