ହରିୟାଣାରେ ସାଇନିଂ କଲେ ସିଏମ ସୈନୀ, ପୁଣି ହତାଶ ହାତ

ହରିୟାଣାରେ ଓଲଟିଲା ଏକଜିଟ ପୋଲ ଆକଳନ । ବିଜେପିର ହ୍ୟାଟ୍ରିକ ବିଜୟ । ପୁଣି ଚମକିଲେ ମୁଖ୍ୟମନ୍ତ୍ରୀ ନାୟବ ସୈନୀ ।

ହାଇଦ୍ରାବାଦ: ହରିୟାଣାରେ ବିଧାନସଭା ନିର୍ବାଚନ ଗଣତି ଟ୍ରେଣ୍ଡରେ ଅପ୍ରତ୍ୟାଶିତ ୟୁ-ଟର୍ଣ୍ଣ ଦେଖିବାକୁ ମିଳିଛି । ସବୁ କଳ୍ପନା ଜଳ୍ପନା ଓ ଏକଜିଟ ପୋଲର ପୂର୍ବାକଳନକୁ ଭୁଲ ସାବ୍ୟସ୍ତ କରି ‘ଭାରତୀୟ ଜନତା ପାର୍ଟି’ (ବିଜେପି) ପୁଣି ଥରେ ବହୁମତ ହାସଲ କରିଛି । ରାଜ୍ୟରେ କଂଗ୍ରେସ ଏକାକୀ ସରକାର ଗଠନ କରିବାକୁ ଯାଉଥିବା ଏକାଧିକ ଗଣମାଧ୍ୟମ ସଂସ୍ଥାର ‘ଏକଜିଟ ପୋଲ’ ପୂର୍ବାକଳନ କରିଥିଲା । ଗଣତି ଆରମ୍ଭରୁ ମଧ୍ୟ ଅନୁରୂପ ଟ୍ରେଣ୍ଡ ଦେଖିବାକୁ ମିଳିଥିଲା । ମାତ୍ର ଗଣତି ଯେତେ ଆଗଉଥିଲା, ବିଜେପିର ଆସନ ସଂଖ୍ୟା ସେତେ ସେତେ ବଢ଼ି ବଢ଼ି ଚାଲିଥିଲା ।

ପ୍ରାରମ୍ଭିକ ଟ୍ରେଣ୍ଡରେ ଆଗରେ ଥିଲା କଂଗ୍ରେସ:-

ପ୍ରାରମ୍ଭିକ ଟ୍ରେଣ୍ଡରେ କଂଗ୍ରେସ, ଶାସକ ବିଜେପିକୁ ପଛରେ ଛାଡି ସଂଖ୍ୟା ବହୁମତର ନିକଟତର ହୋଇଥିଲା । ଏନେଇ ଦଳୀୟ କ୍ୟାମ୍ପରେ ଉତ୍ସବ ପାଳନ ମଧ୍ୟ ଆରମ୍ଭ ହୋଇଥିଲା । ମାତ୍ର କିଛି ସମୟର ଗଣତି ମଧ୍ୟରେ ଟ୍ରେଣ୍ଡରେ ପରିବର୍ତ୍ତନ ଦେଖିବାକୁ ମିଳିଥିଲା । ଭାରତୀୟ ଜନତା ପାର୍ଟି ଏବେ ୪୫ରୁ ଅଧିକ ଆସନରେ ଜିତିବା ସହ ମ୍ୟାଜିକ ନମ୍ବର ଛୁଇଁଛି । ଫଳରେ ମୁଖ୍ୟମନ୍ତ୍ରୀ ନାୟବ ସୈନୀଙ୍କ ନେତୃତ୍ବାଧୀନ ଭାରତୀୟ ଜନତା ପାର୍ଟି ପୁଣି ଥରେ ସରକାର ଗଠନ କରିବାକୁ ଯାଉଛି ।

#WATCH | Haryana: BJP workers celebrate at the party office in Ambala, as they monitor the counting trends.

As per the latest EC data, BJP is leading on 49 of the 90 seats in the state. #HaryanaAssemblyPolls2024 pic.twitter.com/rfi1o93ar4

— ANI (@ANI) October 8, 2024

• ‘ଏକଜିଟ ପୋଲ’ ଭୁଲ ପ୍ରମାଣିତ ହେବ କି ?

90 ଆସନ ବିଶିଷ୍ଟ ହରିୟାଣାରେ 2014ରୁ କ୍ଷମତାରେ ଥିବା ବିଜେପି ଏଥର ସତ୍ତା ବିରୋଧୀ ଲହର ବା(ଆଣ୍ଟି ଇନକମ୍ବେନ୍ସି)ର ସାମ୍ନା କରିପାରେ ବୋଲି ଚର୍ଚ୍ଚା ହେଉଥିଲା । ଏକାଧିକ ସଂସ୍ଥାର ଏକଜିଟ ପୋଲ ଏହି ଆକଳନ ସହ କଂଗ୍ରେସକୁ ପ୍ରାୟ 45ରୁ 55 ଆସନ ସହ ବହୁମତ ସଂଙ୍କେତ ଦେଇଥିଲେ । ଗଣତି ଆରମ୍ଭରୁ ମଧ୍ୟ ଅନୁରୂପ ଚିତ୍ର ଦେଖିବାକୁ ମିଳିଥିଲା । ପ୍ରାରମ୍ଭିକ ଟ୍ରେଣ୍ଡରେ କଂଗ୍ରେସ, ବିଜେପିକୁ ପଛରେ ଛାଡିଥିଲା । ବରିଷ୍ଠ କଂଗ୍ରେସ ନେତା ପୂର୍ବତନ ମୁଖ୍ୟମନ୍ତ୍ରୀ ଭୂପିନ୍ଦର ସିଂ ହୁଡ୍ଡାଙ୍କ ବାସଭବନ ଓ ପାର୍ଟି କାର୍ଯ୍ୟାଳୟରେ ଦଳୀୟ କର୍ମୀମାନେ ବିଜୟ ଉତ୍ସବ ପାଳନ କରିଥିଲେ । ମାତ୍ର ପରବର୍ତ୍ତୀ ସମୟରେ ଟ୍ରେଣ୍ଡ ଗୋରୁଆ କ୍ୟାମ୍ପ ସପକ୍ଷରେ ଯାଇଛି । ସଂଖ୍ୟା ବହୁମତ 45 ଆସନ ଥିବା ବେଳେ ଏବେ ସୁଦ୍ଧା ଟ୍ରେଣ୍ଡିରେ ବିଜେପି ପ୍ରାୟ 50 ଆସନରେ ଆଗରେ ରହି ମ୍ୟାଜିକ ନମ୍ବର ଅତିକ୍ରମ କରିସାରିଛି ।

#WATCH | Haryana: Former CM and Congress candidate Bhupinder Singh Hooda at the Congress Election office in Rohtak

He continues to lead from Garhi Sampla-Kiloi pic.twitter.com/dqKNyB6c9a

— ANI (@ANI) October 8, 2024

• ଗତ ନିର୍ବାଚନରେ 40 ଆସନ ଜିତିଥିଲା ବିଜେପି

2014 ପରେ 2019 ରେ ବିଜେପି ହରିୟାଣାରେ 40 ଆସନରେ ବିଜୟ ଲାଭ କରିଥିଲା । ଜନନାୟକ ଜନତା ପାର୍ଟି (JJP) 10 ଜଣ ବିଧାୟକଙ୍କ ସମର୍ଥନରେ ସରକାର ଗଠନ କରିଥିଲା ଦଳ । କଂଗ୍ରେସ 31ଆସନରେ ବିରୋଧୀ ଭୂମିକାରେ ରହିଥିଲା । ଏବେ ବିଜେପି ଏକାକୀ ସ୍ପଷ୍ଟ ବହୁମତ ହାସଲ କରିବା ଧାରାରେ ରହିଛି । ବିଜେପି କ୍ଷମତା ବଜାୟ ରଖିଲେ, ନିର୍ବାଚନର ମାତ୍ର କିଛି ମାସ ପୂର୍ବରୁ ମୁଖ୍ୟମନ୍ତ୍ରୀ ଆସନ ସମ୍ଭାଳିଥିବା ନାଏବ ସିଂ ସୈନୀ ପଦ ବଜାୟ ରଖିପାରନ୍ତି ବୋଲି ଚର୍ଚ୍ଚା ହେଉଛି ।

#WATCH | Haryana: BJP candidate from Ambala Cantt, Anil Vij joins party workers in monitoring the counting trends, at the party office in Ambala.

As per the latest EC data, the party is leading on 49 of the 90 seats. Anil Vij is trailing in his constituency. pic.twitter.com/NGt2bKpE3l

— ANI (@ANI) October 8, 2024

ଏହା ମଧ୍ୟ ପଢ଼ନ୍ତୁ...ହରିୟାଣାରେ ହ୍ୟାଟ୍ରିକ୍‌ ମାରିବ ବିଜେପି, ନା କମବ୍ୟାକ୍‌ କରିବ କଂଗ୍ରେସ ! - HARYANA ASSEMBLY ELECTION ଏହା ମଧ୍ୟ ପଢ଼ନ୍ତୁ...ଉପତ୍ୟକାରେ ଶେଷ ପର୍ଯ୍ୟାୟ ମତଦାନ, ୪୦ ଆସନରେ ଭୋଟ ଦେଉଛି ଜମ୍ମୁ କାଶ୍ମୀର - JK Assembly Polls Phase 3 ଏହା ମଧ୍ୟ ପଢ଼ନ୍ତୁ...୧୦ ବର୍ଷ ପରେ ଭୋଟ୍ ଦେଉଛି ଜମ୍ମୁ କାଶ୍ମୀର; ପ୍ରଥମ ପର୍ଯ୍ୟାୟରେ ୬ ଜିଲ୍ଲାର ୨୪ ଆସନରେ ମତଦାନ - JK FIRST PHASE ASSEMBLY

• ପ୍ରଭାବ ପକାଇ ପାରିଲାନି ଚାଷୀ ଓ କୁସ୍ତିଯୋଦ୍ଧା ଆନ୍ଦୋଳନ :-

କେନ୍ଦ୍ରର ମୋଦି ସରକାର ବିରୋଧରେ ଚାଷୀ ଓ କୁସ୍ତିଯୋଦ୍ଧା ଆନ୍ଦୋଳନର ସିଧା ପ୍ରଭାବ ହରିୟାଣା ନିର୍ବାଚନରେ ପଡିବା ନେଇ ରାଜନୈତିକ ସମୀକ୍ଷକମାନେ ମତ ଦେଉଥିଲେ । ଏପରିକି ଏହାର ସାମାନ୍ୟ ପ୍ରଭାବ ଗତ ସାଧାରଣ ନିର୍ବାଚନରେ ମଧ୍ୟ ଦେଖିବାକୁ ମିଳିଥିଲା । ରାଜ୍ୟରେ ଶାସନରେ ଥାଇ ମଧ୍ୟ ବିଜେପି 10 ସଂସଦୀୟ ଆସନରୁ ମାତ୍ର 5 ଆସନରେ ଜିତିଥିଲା । ଏହାକୁ ଆଧାର କରି ବିଧାନସଭା ନିର୍ବାଚନରେ ଦଳ ବୃହତ୍ତ ପରାଜୟର ସାମ୍ନା କରିବ ବୋଲି ଅନୁମାନ କରୁଥିଲେ ରାଜନୀତି ସମୀକ୍ଷକ । ମାତ୍ର ତାହା ଗଣତି ଟ୍ରେଣ୍ଡିଂରେ ଭୁଲ ପ୍ରମାଣିତ ହୋଇଛି । ବିଜେପି ପୁଣି ଥରେ ବହୁମତ ହାସଲ କରି କ୍ଷମତାର ତୃତୀୟ ପାଳି ଆରମ୍ଭ କରିବାକୁ ଯାଉଥିବା କ୍ରମଶଃ ସ୍ପଷ୍ଟ ହେଉଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ