ଡେରାଡୁନ: ଏକ ଘୋଟାଲା ମାମଲାରେ ତଥ୍ୟ ଓ ପ୍ରମାଣ ଚୋରି କରିବା ଅଭିଯୋଗରେ ଦିଲ୍ଲୀ ମୁଖ୍ୟ ଶାସନ ସଚିବ ନରେଶ କୁମାର ଓ ତାଙ୍କ କନିଷ୍ଠ ସହକର୍ମୀ ଅଧିକାରୀ ରାଜାଶେଖରଙ୍କ ବିରୋଧରେ ଏତଲା ପଞ୍ଜିକୃତ ହୋଇଛି । ଉତ୍ତରାଖଣ୍ଡର ଏକ ସ୍ଥାନୀୟ କୋର୍ଟଙ୍କ ନିର୍ଦ୍ଦେଶ ପରେ ଏହି ଏତଲା ଦାଏର ହୋଇଥିବା ଜଣାପଡିଛି । ଏକ ଏନଜିଓ ଏହି ମାମଲାରେ କୋର୍ଟଙ୍କ ଦ୍ବାରସ୍ଥ ହୋଇ କାର୍ଯ୍ୟାନୁଷ୍ଠାନ ଦାବି କରିଥିଲା ।
ମାର୍ଚ୍ଚ ୨ ତାରିଖରେ କୋର୍ଟ ଏକ ଏନଜିଓ ଦ୍ବାରା ଦାଖଲ କରାଯାଇଥିବା ମାମଲାକୁ ଶୁଣାଣି ପାଇଁ ଗ୍ରହଣ କରିଥିଲେ । ପ୍ଲିଜାଣ୍ଟ ଭ୍ୟାଲି ଫାଉଣ୍ଡେସନ ନାମକ ଏହି ବେସରକାରୀ ସଂଗଠନ ଏହି ଅଭିଯୋଗ ସହ ମାମଲା ଦାଏର କରିଥିଲା । ଏହି ଅଧିକାରୀଙ୍କ ବିରୋଧରେ ଅଭିଯୋଗ ସ୍ୱୀକାର କରିବା ରାଜସ୍ୱ ପୋଲିସକୁ ସେମାନଙ୍କ ବିରୋଧରେ ମାମଲା ରୁଜୁ କରି ଅଭିଯୋଗର ତଦନ୍ତ କରିବାକୁ କୋର୍ଟ ନିର୍ଦ୍ଦେଶ ଦେଇଥିଲେ କହିଥିଲେ । ‘ପ୍ଲିଜାଣ୍ଟ ଭ୍ୟାଲି ଫାଉଣ୍ଡେସନ’ ପକ୍ଷରୁ କରାଯାଇଥିବା ଅଭିଯୋଗ ଅନୁସାରେ, ଏହି ଅଧିକାରୀମାନେ ଫେବୃଆରୀ 14 ତାରିଖରେ ଦାଦାକଡା ଗ୍ରାମରେ ଏନଜିଓ ଦ୍ୱାରା ପରିଚାଳିତ ଏକ ସ୍କୁଲକୁ ଚାରିଜଣିଆ ଟିମ ପଠାଇଥିଲେ । ସେମାନେ ଏହି ଏନଜିଓର ଯୁଗ୍ମ ସଚିବଙ୍କ କାର୍ଯ୍ୟାଳୟରେ ବଳପୂର୍ବକ ପ୍ରବେଶ କରିବା ସହ ଭଙ୍ଗାରୁଜା କରିଥିଲେ । ଧମକ ଦେଇଏକାଧିକ ଫାଇଲ ଓ ଅନ୍ୟ ପ୍ରମାଣପତ୍ର ନେଇ ଚାଲିଯାଇଥିଲେ । କୋର୍ଟଙ୍କ ନିର୍ଦ୍ଦେଶ ଅନୁସାରେ, ଆଇପିସି ଧାରା 392 (ଡକାୟତି), 447 (ଅପରାଧିକ ଅପରାଧ), 120 ବି (ଅପରାଧିକ ଷଡଯନ୍ତ୍ର), 504 ଏବଂ 506 ରେ ଏଫ୍ଆଇଆର୍ ପଞ୍ଜିକୃତ ହୋଇଛି ।
