ପାଟନା: ପୁଣି ବିହାରରେ ଜୀବନ ନେଲା ବିଷାକ୍ତ ମଦ। ସିୱାନ ଏବଂ ଶରଣ ଜିଲ୍ଲାରେ ପ୍ରାୟ 21ଜଣଙ୍କ ଜୀବନ ଯାଇଥିବା କୁହାଯାଉଛି । ହେଲେ ପ୍ରଶାସନ ପକ୍ଷରୁ 6 ଜଣଙ୍କ ମୃତ୍ୟୁ ହୋଇଥିବା ସ୍ପଷ୍ଟ କରାଯାଇଛି । ଏହାସହ 42 ଜଣ ଚିକିତ୍ସିତ ହୋଇ ସୁସ୍ଥ ହୋଇଛନ୍ତି। ଅନ୍ୟ କେତେକ ଗୁରୁତରଙ୍କୁ ପାଟନା ହସ୍ପିଟାଲକୁ ସ୍ଥାନାନ୍ତର କରାଯାଇଥିବା ଜଣାପଡ଼ିଛି।
ଅଧିକାଂଶ ମୃତକ ସିୱାନ ଜିଲ୍ଲାର ହୋଇଥିବା ଜଣାପଡ଼ିଛି । ମୃତକମାନଙ୍କ ମଧ୍ୟରେ ଅରବିନ୍ଦ ସିଂ (40 ବର୍ଷ), ରାମେନ୍ଦ୍ର ସିଂ (30), ସନ୍ତୋଷ ମହତୋ (35), ମୁନ୍ନା (32), ବ୍ରଜ ମୋହନ ସିଂ, ମୋହନ ଶାହଙ୍କ ସମେତ ମୋଟ୍ 9 ଜଣଙ୍କ ନାଁ ପ୍ରଶାସନ ପକ୍ଷରୁ ସୂଚନା ଦିଆଯାଇଛି । ପୂର୍ବରୁ ମଧ୍ୟ ବିହାରରେ ମଦମୃତ୍ୟୁ ଘଟଣା ସାମନାକୁ ଆସିଥିଲା । ଏବେ ପୁଣି ଥରେ ବିଷାକ୍ତ ମଦ ପିଇ ଅନେକଙ୍କ ଜୀବନ ଯାଇଥିବାବେଳେ ମୃତ୍ୟୁ ସଂଖ୍ୟା ଆହୁରି ବଢିବା ଆଶଙ୍କା ରହିଛି ।
आज दि0 16.10.24 को भगवानपुर हाट थाना क्षेत्र के मगहर कौरिया पंचायत में संदेहास्पद परिस्थिति में मृत्यु होने की सूचना प्राप्त हुई। सूचना के पश्चात जिलाधिकारी, पुलिस अधीक्षक, अनुमंडल पदाधिकारी एवं अनु0 पुलिस पदाधिकारी द्वारा भगवानपुर हाट पहुंचकर मामले की गहनता से जांच की गई।(1/2)
— SIWAN POLICE (@sp_siwan) October 16, 2024
ଓଡ଼ିଶାରେ ବି ଗତ ମାସରେ ମଦ ମୃତ୍ୟୁ ଘଟଣା ସାମନାକୁ ଆସିଥିଲା । ଗଞ୍ଜାମ ଜିଲ୍ଲାର ଚିକିଟି ମଦମୃତ୍ୟୁ ମାମଲାକୁ ନେଇ ରାଜନୀତି ମଧ୍ୟ ଜୋର ଧରିଥିଲା। ଚିକିଟିରେ ବିଷାକ୍ତ ମଦ ପିଇ 5 ଜଣଙ୍କ ଜୀବନ ଯାଇଥିଲା। ବିଷାକ୍ତ ମଦ ପିଇ ମୋଟ୍ ୧୬ ଜଣ ଅସୁସ୍ଥ ହୋଇଥିବାବେଳେ 5 ଜଣଙ୍କ ଜୀବନ ଯାଇଥିଲା । ଅବକାରୀ ଓ ସ୍ୱାସ୍ଥ୍ୟ ବିଭାଗ ମଧ୍ୟରେ କୌଣସି ତାଳମେଳ ନଥିବା ଅଭିଯୋଗ ଆଣିଥିଲେ ବିରୋଧୀ। ଏହାପରେ ଚିକିଟି ମଦମୃତ୍ୟୁ ଘଟଣାରେ ଆକ୍ସନ ମୋଡରେ ଜିଲ୍ଲା ପ୍ରଶାସନ ଏବଂ ଅବକାରୀ ବିଭାଗ । ଅଭିଯୁକ୍ତମାନଙ୍କୁ ଗିରଫ ସହ ପୋଲିସ ଜାରି ରଖିଛି ଦେଶୀ ମଦ ଧରପଗଡ ଅଭିଯାନ ।
ଏହା ମଧ୍ୟ ପଢ଼ନ୍ତୁ...Chikiti Tragedy: ଚିକିଟି ମଦମୃତ୍ୟୁ ପରେ ଆକ୍ସନ ମୋଡରେ ପ୍ରଶାସନ, ବିଭିନ୍ନ ସ୍ଥାନରେ ରେଡ୍, ମିଶୁଥିଲା କି ବିଷାକ୍ତ ଚେର ? - GANJAM HOOCH TRAGEDY RAID
ସବୁଠୁ ଗୁରୁତ୍ବପୂର୍ଣ୍ଣ କଥା ହେଉଛି ବିହାରରେ ପୂର୍ବରୁ ମଦ ମୃତ୍ୟୁ ଘଟଣାକୁ ନେଇ ବିବାଦ ଲାଗି ରହିଥିଲା । ତେଣୁ ବିହାରରେ ମଦ ବ୍ୟାନ କରାଯାଇଛି । ଆଉ ମଦମୁକ୍ତ ରାଜ୍ୟରେ ଏଭଳି ମଦମୃତ୍ୟୁ ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଗୋଟିଏ ପଟେ ରାଜ୍ୟରେ ମଦ ବ୍ୟାନ ଥିବାବେଳେ ଏପରି ଘଟଣା କିପରି ଘଟୁଛି ତାହାକୁ ନେଇ ଉଠିଛି ପ୍ରଶ୍ନ ।
