ହାଇଦ୍ରାବାଦ: ଆଜିକୁ ଠିକ 25 ବର୍ଷ ତଳେ ଏସିଆ ମହାଦେଶର ଦୁଇ ପାରମ୍ପରିକ ଶତ୍ରୁ ଭାରତ-ପାକିସ୍ତାନ ମଧ୍ୟରେ ହୋଇଥିଲେ ଆରପାର ଲଢେଇ । ଲଢେଇ ସେତେବେଳେ ହୋଇଥିଲା ଯେତେବେଳେ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ଶାନ୍ତି ମୈତ୍ରୀ ଉପହାରକୁ ଛୁରା ମାରି ଭାରତର କାର୍ଗିଲ ଉଚ୍ଚ ପାହାଡକୁ କବଜା କରିଥିଲା ପାକିସ୍ତାନ ସେନା । ଯାହାର ଟେର ପାଇନଥିଲା ଭାରତୀୟ ସେନା । ଆଉ ଯେତେବେଳେ ସେନା ଜାଣିଲା କାର୍ଗିଲକୁ କବଜ୍ଜା କରିନେଇଛି ପାକିସ୍ତାନ ସେଇଠୁ ଆରମ୍ଭ ହେଲା ଅପରେଶନ । ୧୯୯୯ ମସିହା ଜୁଲାଇ 26 ତାରିଖରେ କାର୍ଗିଲର ଉଚ୍ଚ ପାହାଡ ଶୀର୍ଷରେ ଫରଫର ଉଡିଲା ତ୍ରୀରଙ୍ଗା । ଶୁଭିଲା ଭାରତ ମାତା କି ଜୟ ।
#WATCH | Ladakh: Prime Minister Narendra Modi at the Kargil War Memorial in Kargil
— ANI (@ANI) July 26, 2024
He paid tribute to the heroes of the Kargil War on the occasion of 25th #KargilVijayDiwas2024 pic.twitter.com/YS6jFYWz34
1999 ମସିହା ଜୁଲାଇ 26 ତାରିଖ ଏ ଦିନଟି ଭାରତୀୟଙ୍କ ପାଇଁ ସ୍ବତନ୍ତ୍ର । 1999 ମସିହା ଆଜିକୁ ଠିକ 25 ବର୍ଷ ତଳେ ଭାରତ ଓ ପାକିସ୍ତାନ ମଧ୍ୟରେ ଯୁଦ୍ଧ ହୋଇଥିଲା ଯାହା କାର୍ଗିଲ ଯୁଦ୍ଧ ଭାବେ ଜଣା । ପାକିସ୍ତାନ ଯେବେ କାର୍ଗିଲ ଉଚ୍ଚ ପାହାଡକୁ କବଜା କରିଥିଲା ସେବେଠୁ ଏହି ଲଢେଇ ଆରମ୍ଭ ହୋଇଥିଲା । 1999 ମସିହା ଜୁଲାଇ 26 ତାରିଖ ଅର୍ଥାତ ଆଜିର ଦିନରେ ପାକିସ୍ତାନ ସେନାକୁ ମାତ ଦେଇ କାର୍ଗିଲ ଉଚ୍ଚ ପାହାଡ ଶିଖରରେ ତ୍ରିରଙ୍ଗା ଉଡାଇଥିଲା ଭାରତ । ସେହି ଦିନକୁ ଐତିହାସିକ କାର୍ଗିଲ ବିଜୟ ଦିବସ ଭାବେ ପାଳନ ହୋଇ ଆସୁଛି ।
#25YearsofKargilVijay#KVDRajatJayanti
— ADG PI - INDIAN ARMY (@adgpi) July 25, 2024
Commemorating the 25 Years of Kargil Vijay, #GeneralUpendraDwivedi #COAS alongwith #MrsSunitaDwivedi #PresidentAWWA, felicitated Kargil War Heroes, #Veterans, #VeerNaris and family members of the #Bravehearts, at #KargilWarMemorial.
1/2… pic.twitter.com/FxxTAaScJx
ପ୍ରତିବର୍ଷ ଜୁଲାଇ 26 ତାରିଖକୁ କାର୍ଗିଲ ବିଜୟ ଦିବସ ଭାବେ ପାଳନ କରାଯାଏ । ଏହି ଦିନ କାର୍ଗିଲ ଯୁଦ୍ଧରେ ଶହୀଦ ବୀର ସେନାଙ୍କ ବଳିଦାନ ଓ ସୌର୍ଯ୍ୟକୁ ମନେ ପକାଇ ଶ୍ରଦ୍ଧାଞ୍ଜଳି ଦିଆଯାଏ । ଏହି ଯୁଦ୍ଧ ଜାମ୍ମୁ କାଶ୍ମୀର କାର୍ଗିଲ ଜିଲ୍ଲାରେ 1999 ମେ ଏବଂ ଜୁଲାଇ ମଧ୍ୟରେ ହୋଇଥିଲା । ଏହି ଯୁଦ୍ଧରେ ଭାରତୀୟ ସେନା ଅଦମ୍ୟ ସାହାସ ଦେଖାଇ ଶତ୍ରୁକୁ ମାତ ଦେଇଥିଲେ । ମେ 3, 1999ରେ ଭାରତୀୟ ସେନାରୁ ଜୁଲାଇ 26, 1999 ଏ ସେହି ଐତିହାସିକ ତାରିଖ ଯେବେ ଭାରତୀୟ ସେନା ପାକିସ୍ତାନକୁ ପରାସ୍ତ କରିଥିଲା ।
#25YearsofKargilVijay#KVDRajatJayanti
— ADG PI - INDIAN ARMY (@adgpi) July 25, 2024
The commemoration included a brief on the Kargil War, reminiscences by Kargil War Heroes, Patriotic Songs, Dare Devils Motorcycle Riding Show, Martial Art Display, Kargil Vijay Anthem by @joibarua and National Integration dance by school… pic.twitter.com/Ndh6lGiiDj
କେବେ ଠାରୁ କାର୍ଗିଲ ଓ କାହିଁକି ?
କାର୍ଗିଲ ଯୁଦ୍ଧର ପ୍ରାରମ୍ଭ 1999 ମେ’ ମାସରୁ ଆରମ୍ଭ ହୋଇଯାଇଥିଲା । ଆଉ ଏହି ଯୁଦ୍ଧରେ ବିଜୟୀ ହେବା ପାଇଁ ଭାରତୀୟ ସେନା ଆରମ୍ଭ କରିଥିଲା ‘ଅପରେସନ ବିଜୟ’ ଆଉ ୧୯୯୯ ମସିହା ଆଜିର ଦିନରେ ତତ୍କାଳୀନ ପ୍ରଧାନମନ୍ତ୍ରୀ ସ୍ବର୍ଗତ ଅଟଳ ବିହାରୀ ବାଜପେୟୀ ଘୋଷଣା କରିଥିଲେ ଭାରତର ବିଜୟଗାଥା । ସେହିଦିନ ଠାରୁ ସର୍ବୋଚ୍ଚ ବଳିଦାନ ଦେଇଥିବା ଭାରତ ମାତାର ବୀର ସନ୍ତାନଙ୍କୁ ଶ୍ରଦ୍ଧାଞ୍ଜଳି ଦେବା ଓ ସେମାନଙ୍କ ବୀରତ୍ବଗାଥାକୁ ସବୁଦିନ ପାଇଁ ମନେ ରଖିବା ପାଇଁ କୃତଜ୍ଞ ରାଷ୍ଟ୍ର ପ୍ରତ୍ୟେକ ବର୍ଷ ଜୁଲାଇ ୨୬ କୁ କାର୍ଗିଲ ବିଜୟ ଦିବସ ରୂପେ ପାଳନ କରିଆସୁଛି ।
#25YearsofKargilVijay#KVDRajatJayanti
— ADG PI - INDIAN ARMY (@adgpi) July 25, 2024
Listen to the heartfelt reflections of families of #Bravehearts of #Kargil War. Their words echo the valour of Kargil War Heroes and remind us of the enduring strength of the family members.#KVD2024#IndianArmy pic.twitter.com/i87EJinCRo
ପାକିସ୍ତାନର ଷଡଯନ୍ତ୍ର-
ପାକିସ୍ତାନର ଏହି ଷଡଯନ୍ତ୍ରର କୌଣସି ସୁରାକ ପାଇନଥିଲା ଭାରତ । ପାକିସ୍ତାନ ବେଶ ଯୋଜନାବଦ୍ଧ ଭାବେ ମିଶନ ପ୍ରସ୍ତୁତ କରିଥିଲା । କୁହାଯାଏ କାର୍ଗିଲ ଦଖଲ କରିବା ପାଇଁ ପାକିସ୍ତାନ ୧୯୯୮ ନଭେମ୍ବର ମାସ ତଥା ଶୀତ ଆରମ୍ଭରୁ ରଣନୀତି ପ୍ରସ୍ତୁତ କରିଥିଲା । ଆଉ ମେ’ ମାସରେ ଯୋଜନାକୁ ବାସ୍ତବ ରୂପ ଦେବାକୁ ଉଦ୍ୟମ କରିଥିଲେ ମୁଶାରଫ । ପ୍ରଥମେ ଗିଲଗିଟ ଓ ସ୍କର୍ଦୁ ଅଞ୍ଚଳରେ ମୁତୟନ ଥିବା ନିଜର ଫ୍ରଣ୍ଟୟର ଯବାନଙ୍କ ଛୁଟି ବାତିଲ କରିଥିଲା ପାକିସ୍ତାନ । କାରଣ ଅତ୍ୟଧିକ ଥଣ୍ଡା ପାଇଁ ଶୀତଦିନେ ପୋଷ୍ଟ ଛାଡି ସମସ୍ତ ଯବାନ ଛୁଟିରେ ଯାଇଥାନ୍ତି । ତେବେ ସେହି ବର୍ଷ ଯବାନଙ୍କ ଛୁଟି ବାତିଲ କରି ଛଦ୍ମବେଶରେ ୨ ଶହ ଯବାନଙ୍କୁ ପ୍ରଥମେ ଭାରତୀୟ ସୀମାରେ ଅନୁପ୍ରବେଶ କରାଇଲା ପାକିସ୍ତାନ ।
#25YearsofKargilVijay
— ADG PI - INDIAN ARMY (@adgpi) July 25, 2024
On the occasion of Rajat Jayanti Samaroh #KargilVijayDiwas 2024, Hon’ble Prime Minister Shri Narendra Modi will lay a wreath at #KargilWarMemorial & pay homage to the #Bravehearts who displayed unparalleled bravery during ‘Operation Vijay’.
He will also… pic.twitter.com/lp9YpSsWG3
କେମିତି ଜାଣିଲା ହିନ୍ଦୁସ୍ତାନ...
ଭାରତୀୟ ସେନାକୁ ପାକିସ୍ତାନର ଏହି ଯୋଜାନବଦ୍ଧ ଷଡଯନ୍ତ୍ର ବିଷୟରେ କୌଣସି ପତ୍ତା ନଥିଲା । ତେବେ କିଛି ମେଷ ପାଳକ ଯେତେବେଳେ ସେହି ଅଞ୍ଚଳ ମେଷ ନେଇ ଯାଇଥିଲେ ଦେଖିଥିଲେ କୌଣସି ଅଜଣା ଲୋକ ଅସ୍ତ୍ରଶସ୍ତ୍ର ଧରି ଭାରତୀୟ ସୀମାରେ ଆଡ୍ଡା ଜମାଇଛନ୍ତି । ସେହି ଠାରୁ ମେଷ ପାଳକ ଆସି ଏହି ସୂଚନା ଭାରତୀୟ ସେନାକୁ ଦେଇଥିଲେ । ଭାରତୀୟ ସେନା ଖବର ପାଇବା ମାତ୍ରେ ୮ ମେ’ରେ ତୁରନ୍ତ ଅପରେସନ ବିଜୟ ଆରମ୍ଭ କରିଦେଇଥିଲା । ପୂର୍ବରୁ କୌଣସି ଯୁଦ୍ଧାଭ୍ୟାସ କରିନଥିବା ଭାରତୀୟ ସେନା ପାଇଁ ଏହା ଅତ୍ୟନ୍ତ କଠିନ ସ୍ଥିତି ଥିଲା । କାରଣ ଶତ୍ରୁ ପୁରା ଅସ୍ତ୍ରଶସ୍ତ୍ର ସହ କାର୍ଗିଲ ପାହାଡ ଉପରେ କବଜା କରିଥିବା ବେଳେ ଭାରତୀୟ ସେନା ଥିଲେ ପାହାଡ ତଳେ । ଯାହା ସେତେବେଳେ ଜବାବ ଦେବାପାଇଁ ଥିଲା ପୁରା କଠିନ । ତଥାପି ଭାରତ ମାତର ଅଖଣ୍ଡ ଅଙ୍ଗକୁ ସୁରକ୍ଷିତ ରଖିବା ପାଇଁ ବିଜୟର ଧ୍ବନି ଦେଇ ଗର୍ଜନ ଛାଡିଥିଲେ ଭାରତର ବୀର ସୌର୍ଯ୍ୟ ।
#25YearsofKargilVijay#KVDRajatJayanti
— ADG PI - INDIAN ARMY (@adgpi) July 25, 2024
25 Years back....
A Saga of Courage, Bravery and Sacrifice #KVD2024#IndianArmy pic.twitter.com/8c9lutvBTq
ଭାରତମାତାର ୫୬୨ ସୁପୁତ୍ର ଦେଇଥିଲେ ସର୍ବୋଚ୍ଚ ବଳିଦାନ...
କାର୍ଗିଲ ଯୁଦ୍ଧରେ ଭାରତର ୫୬୨ ବୀର ଯବାନ ହୋଇଥିଲେ ଶହୀଦ । ୧୪ ଶହ ରୁ ଅଧିକ ଯବାନ ହୋଇଥିଲେ ଆହତ । ସେପଟେ ଶତ୍ରୁ ପାକିସ୍ତାନର ମଧ୍ୟ ହୋଇଥିଲା ବିପୁଳ କ୍ଷତି। ଭାରତୀୟ ଯବାନଙ୍କ ପ୍ରଚଣ୍ଡ ଆକ୍ରମଣରେ ପାକିସ୍ତାନର ୬ ଶହରୁ ଅଧିକ ସୈନ୍ୟଙ୍କ ମୃତ୍ୟୁ ହୋଇଥିଲା ।
कारगिल विजय दिवस हमारे सशस्त्र बलों के अदम्य साहस और असाधारण पराक्रम के प्रति कृतज्ञ राष्ट्र द्वारा सम्मान प्रकट करने का अवसर है। वर्ष 1999 में कारगिल की चोटियों पर भारत माँ की रक्षा करते हुए सर्वोच्च बलिदान देने वाले प्रत्येक सेनानी को मैं श्रद्धांजलि देती हूं और उनकी पावन…
— President of India (@rashtrapatibhvn) July 26, 2024
ବିଶ୍ବର ସର୍ବବୃହତ ଯୁଦ୍ଧ କ୍ଷେତ୍ର କାର୍ଗିଲ ...
ଭାରତ-ପାକିସ୍ତାନ ମଧ୍ୟରେ କାର୍ଗିଲ ଯୁଦ୍ଧ ଦୀର୍ଘ ୨ ମାସ ପର୍ଯ୍ୟନ୍ତ ଚାଲିଥିଲା । ଆଉ ଉଭୟ ଦେଶର ବିପୁଳ କ୍ଷତି ମଧ୍ୟ ହୋଇଥିଲା । ଆଉ ଶେଷରେ ବିଶ୍ବର ସର୍ବବୃହତ ଯୁଦ୍ଧ ଭୂମିରେ ଚାଲିଥିବା ଲଢେଇର ହୋଇଥିଲା ଅନ୍ତ । ୧୯୯୯ ଆଜିର ଦିନରେ କାର୍ଗିଲ ଶିଖରରେ ଉଡିଥିଲା ଭାରତୀୟ ତ୍ରୀରଙ୍ଗା ।
🇮🇳 🇮🇳 अतुलनीय शौर्य एवं साहसपूर्ण प्रदर्शन से भारत के स्वाभिमान की विजय पताका फहराने वाले वीर जवानों की गौरवगाथा के स्वर्णिम पृष्ठ का हमेशा स्मरण रहेगा। 25वें कारगिल विजय दिवस के अवसर पर समस्त वीर जवानों को कोटि-कोटि नमन। 🇮🇳🙏🏻#कारगिल_विजय_दिवस#KargilVijayDiwas #VijayDiwas pic.twitter.com/v3b2ilAcoM
— Nitin Gadkari (@nitin_gadkari) July 26, 2024
ଭାରତର ତତ୍କଳୀନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ କାର୍ଗିଲ ଗସ୍ତ କରିଥିଲେ । ଟାଇଗର ହିଲ ନିକଟ ଗୁରୁତ୍ବପୂର୍ଣ୍ଣ ଅଞ୍ଚଳକୁ ଭାରତୀୟ ସେନା ନିଜ ଅକ୍ତିଆରକୁ ନେଇଥିଲା । ଭାରତୀୟ ସେନା ଟାଇଗଲ ହିଲ୍ କବ୍ଜା କରିଥିଲେ । ଅନ୍ତରାଷ୍ଟ୍ରୀୟ ଚାପ ଯୋଗୁଁ ପାକ୍ ପ୍ରଧାନମନ୍ତ୍ରୀ କାର୍ଗିଲରୁ ସେନା ପ୍ରତ୍ୟାହାର ପାଇଁ ନିଷ୍ପତ୍ତି ନେଇଥିଲେ । ପାକିସ୍ତାନୀ ସୈନିକଙ୍କ ପଛକୁ ହଟିବା ପାଇଁ ବାଧ୍ୟ କରାଯାଇଥିଲା । ୧୪ ଜୁଲାଇ ୧୯୯୯ରେ ଅପରେସନ ବିଜୟ ସଫଳ ହୋଇଥିବା ଭାରତର ପ୍ରଧାନମନ୍ତ୍ରୀ ଘୋଷଣା କରିଥିଲେ । ଜୁଲାଇ 26 199ରେ ପାକିସ୍ତାନୀ ସେନା କବ୍ଜାରେ ଥିବା ସମସ୍ତ ଅଞ୍ଚଳକୁ ପୁଣି ନିଜ କବ୍ଜା ନେଇ ଭାରତ ଯୁଦ୍ଧ ବିଜୟୀ ହୋଇଥିଲା । ଶେଷରେ ୨ ମାସ ପରେ ଯୁଦ୍ଧରେ ପୂର୍ଣ୍ଣଚ୍ଛେଦ ପଡିଥିଲା ।
#କାରଗିଲ_ବିଜୟ_ଦିବସ
— Dr. Mukesh Mahaling (@MahalingMukesh) July 26, 2024
ଭାରତୀୟ ସେନାବାହିନୀ ର ଅଦମ୍ୟ ସାହସ ବଳରେ କାରଗିଲ ଯୁଦ୍ଧରେ ବୀରତ୍ୱର ସହ ଶତ୍ରୁ ର ମୁକାବିଲା କରି ଆଜିର ଦିନରେ ବିଜୟର ଶଙ୍ଖନାଦ କରିଥିଲା ଭାରତୀୟ ସେନା। ଏହି ବିଜୟ ସମଗ୍ର ବିଶ୍ବକୁ ଏକ ଦୃଢ଼ ବାର୍ତ୍ତା ଦେଇଥିଲା ଯେ ଭାରତର ଅଖଣ୍ଡତା ତଥା ସାର୍ବଭୌମତ୍ୱକୁ କ୍ଷତି ପହଞ୍ଚାଇବାର ଉଦ୍ୟମ କରୁଥିବା ସମସ୍ତ ଦୁଷ୍ଟ ଶକ୍ତିର… pic.twitter.com/5pAv9BFsG0
ଇତିହାସରେ ....
20 ଜାନୁୟାରୀ 1999 । ଦିନଟି ଭାରତ ପାକିସ୍ତାନ ଉଭୟ ଦେଶ ପାଇଁ ସ୍ବତନ୍ତ୍ର । ଯେତେବେଳେ ତତ୍କାଳୀନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ୱାଘା ବର୍ଡର ପାର ହୋଇ ପାକିସ୍ତାନ ମାଟିରେ ପ୍ରବେଶ କଲେ ସେତେବେଳେ ଦୁଇ ପ୍ରତିଦ୍ବନ୍ଦି ଭାରତ-ପାକିସ୍ତାନ ଖାଲି ନୁହେଁ ସାରା ବିଶ୍ବର ନଜର ଏହାରି ଉପରେ ଥିଲା । ସେହିଦିନ 4 ଟା 40 ମିନିଟରେ ଯେତେବେଳେ ପ୍ରଧାନମନ୍ତ୍ରୀ ବାଜପେୟୀ 22 ଜଣ ସ୍ବତନ୍ତ୍ର ପ୍ରତିନିଧିଙ୍କୁ ଧରି ପାକିସ୍ତାନର ଲାହୋର ଅଭିମୁଖେ ବସ ଯୋଗେ ଗସ୍ତ କରିଥିଲେ, ସାଙ୍ଗରେ ନେଇଥିଲେ, ବନ୍ଧୁତ୍ବ, ବିଶ୍ବାସ ସଦଭାବନା ଓ ଶାନ୍ତିର ବାର୍ତ୍ତା । ବାଜପେୟୀଙ୍କ ଏହି ଗସ୍ତକୁ ଉଭୟ ଦେଶର ଜନତା ବେଶ କିଛି ଆଶା କରିଥିଲେ । ତେବେ ରାଷ୍ଟ୍ରର ପ୍ରଧାନମନ୍ତ୍ରୀଙ୍କ ଗସ୍ତବେଳେ ସେହି ଦେଶର ସେନା ମୁଖ୍ୟ ମଧ୍ୟ ସମ୍ମାନ ଦେବା କଥା । ହେଲେ ବାଜପେୟୀଙ୍କ ଗସ୍ତ ବେଳେ ସେମିତି କିଛି ହୋଇନଥିଲା । କାରଣ ସେତେବେଳର ପାକିସ୍ତାନୀ ସେନାମୁଖ୍ୟ ଥିବା ଜେନେରାଲ ପରଭେଜ ମୁଶାରଫଙ୍କ ଯୋଜନା ଥିଲା କିଛି ବିପଦଜ୍ଜନକ । ବାଜପେୟୀଙ୍କ ଗସ୍ତ ଦିନ ହିଁ ଜେନେରାଲ ମୁଶାରଫ ଅପରେଶନ ବଦ୍ର ପାଇଁ ପାକିସ୍ତାନର ନର୍ଦନ ଲାଇନ ଇନଫେଣ୍ଟ୍ରୀ ଦେଇ ଏଲଓସି ପାର କରି କିଛି ଗୁପ୍ତ ଅପରେଶନରେ ସାମିଲ ହେବାର ଥିଲା । ଅପରେଶନ ବଦ୍ର ଆଧାରରେ ପାକିସ୍ତାନୀ ସେନା ଜୋ-ଜୀ-ଲାକୁ କବଜା କରି ଶ୍ରୀନଗର-ଲେହ-କାରଗିଲ ଜାତୀୟ ରାଜପଥ ଉପରେ ପୁରା ନିୟନ୍ତ୍ରଣ କରିବାକୁ ଯୋଜନା ଥିଲା ।
Salutes to our bravehearts. Bharat Mata ki Jai. pic.twitter.com/ioMubmYcNI
— Manoj Naravane (@ManojNaravane) July 26, 2024
21 ଫେବୃୟାରୀ 1999 ରେ ଭାରତ ପ୍ରଧାନମନ୍ତ୍ରୀ ବାଜପେୟୀ- ପାକିସ୍ତାନ ପ୍ରଧାନମନ୍ତ୍ରୀ ନୱାଜ ସରିଫ ଲାହୋର ବୁଝାମଣା ପତ୍ରରେ ସ୍ବାକ୍ଷର କରିଥିଲେ । ହେଲେ ଏହି ଶାନ୍ତିର ବୁଝାମଣା କୁ ସେନାର ସ୍ବୀକୃତି ନଥିଲା । ଆଉ ସେହି ଠାରୁ ପାକିସ୍ତାନ ସେନା ଆରମ୍ଭ କରିଥିଲା ଅପରେଶନ ବଦ୍ର ।
କାର୍ଗିଲ ଯୁଦ୍ଧରେ ଶହୀଦ ଓଡ଼ିଆ ଯବାନ
୧- ମେଜର ପଦ୍ମପାଣି ଆଚାର୍ଯ୍ୟ
୨- ଡ୍ରାଇଭର ଗୋପିନାଥ ମହାପାତ୍ର
୩-ଫ୍ଲାଇଟ ଇଞ୍ଜିନିଅର ରାଜ କିଶୋର ସାହୁ
୪- ଲାନ୍ସ ନାଏକ ରାମ କୁମାର ପ୍ରଧାନ
୫- ନାଏକ ସଚିଦାନନ୍ଦ ମଲ୍ଲିକ
୬- ଲାନ୍ସ ନାଏକ ମାନସ ରଞ୍ଜନ ସାହୁ
୭- ରାଇଫଲ ମ୍ୟାନ ଲିଙ୍କନ ପ୍ରଧାନ
୮-ସର୍ଜଣ୍ଟ ରାଜ କିଶୋର ସାହୁ
୯- ଶ୍ରୀନିବାସ ପାତ୍ର
୧୦- ସିଗ୍ନାଲ ମ୍ୟାନ ରାଜନ ସାହୁ
୧୧- ଗଙ୍ଗାରାମ ଦାସ
୧୨- ବୁଧୁ ରାମ
୧୩- ନିରଞ୍ଜନ ବେହେରା
ଏପଟେ ଗତକାଲି ଭୁବନେଶ୍ବରରେ ଓଡିଆ ଶହୀଦ ଯବାନଙ୍କୁ ସ୍ମୃତିରେ କ୍ୟାଣ୍ଡେଲ ଶୋଭାଯାତ୍ରା ଅନୁଷ୍ଠିତ ହୋଇଥିବା ବେଳେ ଆଜି ମଧ୍ୟ ବିଭିନ୍ନ କାର୍ଯ୍ୟକ୍ରମ ମାନ ଅନୁଷ୍ଠିତ ହେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
