भाजपा सोबत जाऊन वान नाही पण गुण लागला, खासदार अमोल कोल्हे यांची अजित पवारांवर टीका - Amol Kolhe criticism BJP

पुणे Amol Kolhe Criticism BJP : देशासह राज्यात एकीकडे लोकसभा निवडणुकीचे वारे वाहू लागले आहेत तर दुसरीकडे राज्यात अनेक ठिकाणी दुष्काळाची परिस्थिती निर्माण झाली आहे. अनेक ठिकाणी पाण्याचा प्रश्न हा गंभीर झाला आहे. राज्यात मोठ्या प्रमाणात खासगी टँकरने पाणीपुरवठा केला जात आहे. पुणे जिल्ह्यात देखील सासवड पुरंदर तसंच शिरूर लोकसभा मतदारसंघात खासगी टँकरने पाणीपुरवठा केला जात आहे. याबाबत खासदार अमोल कोल्हे यांना विचारलं असता ते म्हणाले की, अनेक ठिकाणी पाण्याची परिस्थिती ही गंभीर होत चालली आहे. प्रशासनाने याकडे गांभीर्याने लक्ष दिलं पाहिजे, असं असताना पालकमंत्र्यांची जी तत्परता कायम दिसते ती पुढील काळातही दिसून येईल, अशी अपेक्षा आहे. भाजपासोबत जो जातो त्याला वान नाही पण गुण लागला, असं म्हणावं लागेल. 24 तास फक्त निवडणुकीचा विचार डोक्यात ठेवला जात आहे, अशी टीका यावेळी कोल्हे यांनी केली आहे. एकूणच शिरूर लोकसभे बाबत खासदार अमोल कोल्हे यांच्याशी आमच्या प्रतिनिधींनी खास बातचीत केली, पाहूया.