हैदराबाद Samsung Galaxy Z Fold 5 : Samsung आणि OnePlus नं त्यांच्या दोन स्मार्टफोन्सच्या किमतीत मोठी कपात केली आहे. दोन्ही कंपन्यांनी त्यांच्या अधिकृत वेबसाइटवर या दोन्ही फोनवर मोठ्या प्रमाणात सूट दिल्याचं दिसून येतंय. सॅमसंग आणि वनप्लस या दोन्ही फोल्डेबल फोनवर ही उत्तम ऑफर देण्यात आली आहे. सॅमसंगच्या या फोल्डेबल फोनचं नाव Samsung Galaxy Z Fold 5 आहे. त्याचवेळी OnePlus च्या या फोल्डेबल फोनचं नाव OnePlus Open आहे. या दोन्ही कंपन्यांनी त्यांच्या फोल्डेबल फोनवर मोठी सूट दिली आहे.
Samsung Galaxy Z Fold 5 : सॅमसंगच्या वेबसाइटवर या फोल्डेबल फोनची किंमत 1 लाख 64 हजार 999 रुपये आहे. तथापि, जर तुम्ही हा फोन खरेदी करण्यासाठी HDFC बँकेच्या कार्डचा वापर केल्यास तुम्हाला 15,000 रुपयांपर्यंत सूट मिळेल. याशिवाय या फोनवर वापरकर्त्यांना 15,000 रुपयांपर्यंतचा एक्सचेंज बोनसही दिला जात आहे. त्यामुळं या फोनवर एकूण 30,000 रुपयांपर्यंत सूट दिली जात आहे.
काय आहेत फिचर : या फोनमध्ये 7.6-इंचाचा QXGA+ डायनॅमिक डिस्प्ले आहे. या फोनचा दुसरा कव्हर डिस्प्ले देखील 6.2 इंच आहे. हा फोन पूर्णपणे उघडल्यानंतर मिनी टॅबलेटपेक्षा कमी दिसत नाही. या फोनच्या दोन्ही डिस्प्लेचा रिफ्रेश दर 120Hz पर्यंत आहे. फोनचा मुख्य बॅक कॅमेरा 50MP आहे, तर यात 4400mAh बॅटरी आणि 25W फास्ट चार्जिंग सपोर्ट देखील आहे.
वनप्लस ओपन : OnePlus च्या वेबसाइटवर या फोनची किंमत 1 लाख 39 हजार 999 रुपये आहे, ज्यामध्ये यूजर्सना 16GB रॅम आणि 512GB स्टोरेजची सुविधा मिळते. निवडक बँकांमधून पेमेंट केल्यास या फोनवर 20 हजारांपर्यंत सूट दिली जात आहे. याशिवाय, जर तुम्ही जिओचे पोस्टपेड वापरकर्ते असाल, तर 699 रुपयांच्या जिओ पोस्टपेड प्लस प्लॅनमध्ये तुम्हाला 15,000 रुपयांपर्यंतचा फायदा मिळू शकतो. मात्र, हा फायदा हा फोन खरेदी केल्यावरच मिळणार आहे. याशिवाय कंपनी या फोनवर 8,000 रुपयांपर्यंतचा एक्सचेंज बोनस देखील देत आहे. त्यामुळे यूजर्स या फोनवर एकूण 43,000 रुपयांपर्यंतचा फायदा घेऊ शकतात.
वनप्लस फिचर : या फोनमध्ये 7.82-इंच 2K फ्लेक्सी फ्लुइड LTPO 3.0 AMOLED स्क्रीन आहे. त्याच वेळी, या फोनचा कव्हर डिस्प्ले देखील 6.31 इंच आहे. या दोन्ही डिस्प्लेचा रिफ्रेश दर 120Hz पर्यंत आहे. या फोनचा मुख्य कॅमेरा 48MP आहे. याशिवाय, 64MP टेलिफोटो लेन्स आणि 48MP अल्ट्रावाइड अँगल लेन्स त्याच्या मागील बाजूस देण्यात आला आहे. या फोनमध्ये 20MP फ्रंट म्हणजेच अंतर्गत डिस्प्लेवर सेल्फी कॅमेरा आणि बाहेरील डिस्प्लेवर 32MP आहे. या फोनमध्ये 4800mAh बॅटरी आणि 67W फास्ट चार्जिंग सपोर्ट देखील आहे.
हे वाचलंत का :
