हैदराबाद Suzuki Baleno Regal Edition : सणासुदीचा हंगाम लक्षात घेऊन, स्वदेशी कार उत्पादक कंपनी मारुती सुझुकीनं आपल्या लोकप्रिय प्रिमियम हॅचबॅक मारुती बलेनोची रीगल एडिशन लॉन्च केली आहे. अलीकडंच, इंडो-जपानी कार निर्मात्यानं अतिरिक्त ऍक्सेसरी पॅकेजसह आपल्या मारुती ग्रँड विटाराचं डोमिनियन एडिशन लॉन्च केलं होतं. आता, कंपनीनं बलेनोची नवीन स्पेशल एडिशन लॉन्च केली आहे.
मोफत ऍक्सेसरी किट : मारुती बलेनो रीगल एडिशन नावाच्या या प्रीमियम हॅचबॅकला मॉडेलच्या तुलनेत मोफत ऍक्सेसरी किट देखील देण्यात येत आहे. रीगल एडिशन मॅन्युअल, ऑटोमॅटिक आणि सीएनजी व्हेरियंटसह बलेनोच्या सर्व प्रकारांमध्ये उपलब्ध आहे.
लॉन्चबद्दल कंपनी काय म्हणाली : मारुती बलेनो रीगल एडिशन बोलताना बलेनोचे मार्केटिंग सेल्सचे वरिष्ठ कार्यकारी अधिकारी पार्थो बॅनर्जी म्हणाले, "बलेनो नेहमीच प्रीमियम हॅचबॅक सेगमेंटमध्ये आघाडीवर राहिली आहे. सणाचा हंगाम आमच्या ग्राहकांसाठी अधिक रोमांचक आणि आनंददायी बनवण्यासाठी, आम्ही नवीन बलेनो रीगल एडिशन काळजीपूर्वक तयार केली. यामध्ये आकर्षक वेगळे स्टाइलिंग मिळणार आहे."
मारुती बलेनो रीगल एडिशन : केबिनचा आराम वाढवण्यासाठी आणि प्रीमियम हॅचबॅकचं स्टायलिश आकर्षण वाढवण्यासाठी काळजीपूर्वक क्युरेट केलेल्या ॲक्सेसरीजसह रिगल एडिशन उपलब्ध आहे. एक्सटीरियरबद्दल बोलायचं झालं, तर याला ग्रिल, फ्रंट अंडरबॉडी स्पॉयलर आणि फॉग लॅम्प गार्निशसाठी अप्पर गार्निश मिळतं. मागील अंडरबॉडी स्पॉयलर आणि मागील दरवाजाच्या गार्निशला अशीच स्टाइलिंग ट्रीटमेंट मिळतं. सोबतच बॉडी साइड मोल्डिंग्स आणि डोअर व्हिझर्समुळं कारला एक नवीन आकर्षण मिळतं. बलेनो रीगल एडिशनच्या केबिनच्या आत, नवीन सीट कव्हर्स, इंटीरियर स्टाइलिंग किट, खिडक्यांचे पडदे आणि सर्व-हवामानातील 3D मॅट्स देण्यात आले आहेत.
ॲक्सेसरीज किटची किंमत : बलेनोची रीगल एडिशन अल्फा, झेटा, डेल्टा आणि सिग्मा ट्रिममध्ये उपलब्ध आहे. ज्यांची किंमत अनुक्रमे 45 हजार 829 रुपये, 50 हजार 428 रुपये, 49 हजार 990 रुपये आणि 60 हजार 199 रुपये आहे. रीगल एडिशनमधील सुधारणांव्यतिरिक्त, मारुती बलेनोला अनेक वैशिष्ट्ये मिळतात, ज्यात इंटिग्रेटेड एलईडी डीआरएलसह प्रोजेक्टर एलईडी हेडलाइट्स आणि ऑटो डिमिंग IRVM यांचा समावेश आहे.
बलेनोमध्ये सर्वोत्कृष्ट फीचर्स उपलब्ध : याशिवाय ऑटोमॅटिक क्लायमेट कंट्रोल, 9.0-इंच स्मार्टप्ले टचस्क्रीन इन्फोटेनमेंट सिस्टम, सेमी-डिजिटल इन्स्ट्रुमेंट कन्सोल आणि 360-डिग्री कॅमेरा यांसारखी वैशिष्ट्ये या कारमध्ये उपलब्ध आहेत. सुरक्षेच्या वैशिष्ट्यांबद्दल बोलायचं झाल्यास, यात 6 एअरबॅग्ज, ESP, हिल होल्ड असिस्ट, EBD सह ABS आणि 40 हून अधिक स्मार्ट वैशिष्ट्यांसह नेक्स्ट-जनरेशन सुझुकी कनेक्ट टेलिमॅटिक्स यांचा समावेश आहे.
हे वाचलंत का :
