ठाणे 73 Year Old Man Raped Minor Girl : घरात एकटी असल्याचा फायदा घेऊन ओळखीच्या एका 73 वर्षीय नराधमानं 16 वर्षीय अल्पवयीन मुलीचं तोंड दाबत बलात्कार केल्यानं खळबळ उडाली. ही घटना अंबरनाथ पश्चिम भागातील एका घरात घडली आहे. याप्रकरणी अंबरनाथ पश्चिम पोलीस ठाण्यात बलात्कारासह पोक्सो कायद्याअंतर्गत गुन्हा दाखल करुन पोलिसांनी नराधमाला बेड्या ठोकल्या आहेत. निसार ठाणगे असं अटकेतील नराधमाचं नाव आहे. अत्याचार करताना या नराधमानं पीडितेला तिच्या आई वडिलांना ठार मारण्याची धमकी दिल्याचंही पीडितेनं पोलिसांना सांगितलं.
दुपारी पीडिता एकटी असताना केला बलात्कार : पोलीस सूत्रांनी दिलेल्या माहितीनुसार पीडित 16 वर्षीय अल्पवयीन मुलगी अंबरनाथ पश्चिम भागातील एका कॉलनीत कुटुंबासह राहते. ती एका महाविद्यालयात शिक्षण घेत आहे. तर 73 वर्षीय नराधम हा रायगड जिल्ह्यातील नेरळ भागात असलेल्या एका गावात राहतो. गेल्या काही वर्षांपासून पीडित मुलीच्या कुटूंबाची ओळख असल्यानं आरोपी नराधम हा पीडितेच्या घरी येत जात असे, त्यामुळं पीडित मुलगी आणि नराधम एकमेकांना ओळखतात. याच ओळखीचा फायदा घेऊन नराधम 9 ऑगस्ट रोजी दुपारच्या सुमारास पीडित मुलीच्या घरी आला. त्यावेळी पीडित मुलगी घरात एकटी असल्याचं पाहून नारधामानं पीडितेशी अश्लील चाळे केले. या घटनेमुळं पीडित मुलगी घाबरुन तिनं त्याला विरोध केला. मात्र तिच्या विरोधाला न जुमनता त्यानं तिच्या घरातच तुझ्या आईला ठार मारणार अशी धमकी देत, तिच्यावर बलात्कार केला.
बलात्कारानं हादरलेल्या तरुणीनं आईला सांगितली आपबिती : या घटनेनंतर नराधम फरार झाला तर दुसरीकडं बलात्कारानं हादरलेल्या पीडितेनं या घटनेची माहिती आईला दिली. पीडितेच्या आईनं पीडित मुलीला घेऊन पोलीस ठाणे गाठत घडलेला प्रसंग सांगताच पोलिसांनी पीडित मुलीची वैद्यकीय चाचणी केली. त्यानंतर 11 ऑगस्टला अंबरनाथ पोलीस ठाण्यात पीडित मुलीच्या तक्रारीवरून भारतीय न्याय संहिता 2023 चे कलम 64, (1), 351(2) पोक्सो 4, 6, 8 प्रमाणं गुन्हा दाखल करण्यात आला. या गुन्ह्याचं गांभीर्य ओळखून पोलिसांनी काही तासातच नराधमाला अटक केली. या संदर्भात वरिष्ठ पोलीस निरीक्षक जगन्नाथ कळसकर यांच्याशी संपर्क साधला असता, त्यांनी "आरोपी आणि पीडित एकमेकांच्या ओळखीचे असून गुन्हा दाखल होताच आरोपीला अटक केली आहे. तसेच 12 ऑगस्टला आरोपीला न्यायालयात हजर केलं असता, त्याला न्यायालयानं दोन दिवसाची पोलीस कोठडी सुनावली आहे," अशी माहितीही त्यांनी दिली आहे.
हेही वाचा :
- स्त्रीच होते स्त्रीची शत्रू!अल्पवयीन मुलीवर बलात्कारासाठी तरुणीनं केली वृद्ध प्रियकराला मदत, व्हिडिओ बनवून पीडितेचं ब्लॅकमेलिंग - Minor Girl Rape Case Thane
- न्यायालयातील चेंबरमध्येच वकिलाचा तरुणीवर बलात्कार ; नोकरीच्या आमिषानं पीडितेला बोलावलं अन् लुटलं सर्वस्व, हाती टेकवले 1500 रुपये - Girl Alleges Rape In Court Chamber
- नववीत शिकणाऱ्या मुलीला लॉजवर नेऊन अत्याचार, पीडितेच्या कुटुंबीयांना आरोपीकडून धमक्या - Minor Girl Rape Case Beed
