मेळघाटात खासगी बसला अपघात, दहा प्रवासी गंभीर जखमी - Private bus Accident in Melghat

Private bus Accident in Melghat : मेळघाटात सेमाडोहजवळ खासगी बसला अपघात झाल्याची घटना घडली आहे. या घटनेत दहा प्रवासी गंभीर जखमी झाले आहेत.

अमरावती Private bus Accident in Melghat : मेळघाटात घातांक ते सेमाडोहदरम्यान धारणी-देडतलाईकडे जाणाऱ्या खासगी बसला अपघात झाला आहे. चालकाचं नियंत्रण सुटल्यामुळं बस पलटलीय. या अपघातात एकूण दहा प्रवासी जखमी झाले. यात कोणतीही जीवितहानी झालेली नाहीय.

घटांग ते सेमाडोह मार्गावर खळबळ : घटांग गावापासून सेमाडोहकडे जाताना एका खाजगी बस दुपारी साडेचारच्या सुमारास चालकाचं नियंत्रण सुटल्यामुळं पलटली. हा अपघात होताच घातांक ते सेमाडोह मार्गावर खळबळ उडाली. या मार्गावरून जाणाऱ्या इतर वाहनातील प्रवाशांनी थांबून पलटलेल्या बसमधील प्रवाशांना वाचविण्यासाठी धावपळ केली. या अपघातात अनेक प्रवासी गंभीर जखमी झाले असून सेमाडोह येथील प्राथमिक उपचार केंद्रात त्यांना दाखल करण्यात आलं आहे. गंभीर जखमी असणाऱ्या प्रवाशांना अचलपूर उपजिल्हा रुग्णालयात हलविण्यात आलं आहे.

'या' रुग्णांना हलवलं अचलपूरला : या अपघातात गंभीर जखमी झालेल्या अपघातात सोनाटी येथील रहिवासी शेख हरून (60), माकडा येथील रहिवासी राकेश पाटील (30), गोपी साबुलाल जामुनकर (50 ), सोमवालखेडा येथील रहिवासी सरस्वती बेठे (50), मनीषा डोंगरे (27), यांना सेमाडोह येथील रुग्णालयात उपचारासाठी दाखल करण्यात आलं आहे. अपघाताची माहिती मिळताच चिखलदरा पोलीस ठाण्याचे पथक घटनास्थळी दाखल झालं होतं.

'हे' वाचलंत का :