छत्रपती संभाजीनगर Doctor Girl Suicide Case : महिला डॉक्टर पत्नीला आत्महत्येस प्रवृत्त करणाऱ्या डॉक्टर पतीला पोलिसांनी बेड्या ठोकल्या आहेत. पतीच्या छळाला कंटाळून लग्नानंतर अवघ्या 5 महिन्यात डॉ प्रतीक्षा गवारे यांनी गळफास घेऊन आत्महत्या केल्याची घटना उघडकीस आली होती. याप्रकरणी अखेर त्यांचा पती प्रीतम गवारेला सिडको पोलिसांनी आता ताब्यात घेतलय. तो रशियात एमबीबीएस शिकलेला असल्यानं त्याच्याकडं विजा होता. रशियाला पळून जाण्याच्या तयारीत असतानाच शहरालगत असलेल्या पडेगावमधून त्याला पोलिसांनी ताब्यात घेतलंय. 24 ऑगस्ट रोजी डॉक्टर प्रतीक्षा गवारे यांनी आठ पानांची सुसाईड नोट लिहून आत्महत्या केली.
पतीच्या छळाला कंटाळून केली आत्महत्या : छत्रपती संभाजी नगर शहरातील बजरंग चौक परिसरात राहणाऱ्या एका 26 वर्षीय विवाहित डॉक्टर तरुणीनं गळफास घेऊन आत्महत्या केल्याची घटना समोर आली. लग्नानंतर अवघ्या चार महिन्यातच पतीच्या त्रासाला कंटाळून या पत्नीनं गळफास घेतलाय. प्रतीक्षा प्रीतम गवारे असं या विवाहितेचं नाव आहे. पती हा वारंवार चरित्रावर संशय घेत होता, शिवाय माहेरुन हुंड्याचे पैसे आणि फर्निचरसाठी पैसे आणण्याचा तगादा लावत होता. त्यामुळे कंटाळलेल्या या डॉक्टर पत्नीनं आपलं आयुष्य संपवलं. महत्त्वाचं म्हणजे मृत्यूपूर्वी पतीला फोन करुन घरी बोलावलं मात्र तो येण्यापूर्वीच तिनं गळफास घेतलेला होता. याप्रकरणी सिडको पोलीस ठाण्यात आकस्मित मृत्यूची नोंद करण्यात आली.
पती झाला होता पसार : डॉ पती - पत्नीमध्ये भांडण वाढलं होतं, आत्महत्या करण्यापूर्वी डॉ प्रतीक्षा हिनं पती डॉ प्रीतम यांना जवळपास वीस वेळा मोबाईलवर संपर्क केला. त्यांचं व्हॉट्स अ‍ॅपवर बोलणं सुरू होतं, अशी माहिती पोलिसांनी दिली आहे. सुसाईड नोटमध्ये "मी एकनिष्ठ आहे, मला घट्ट मिठी मारुन चितेवर ठेव," अशी भावनिक साद घातली. आत्महत्या केल्यावर पती प्रीतमनं पत्नी डॉ प्रतिक्षाला एमजीएम रुग्णालयात दाखल केले आणि तिथून तो पसार झाला. त्यानंतर तो तीन दिवस कन्नड तालुक्यातील करंजखेडा या गावी जाऊन शेतात लपून बसला. त्यानं रशिया इथं शिक्षण घेतलेलं असल्यानं त्याच्याकडं तिथला विजा होता. त्यामुळे तो तिकडं पळून जाण्याचा तयारीत होता. खबऱ्याद्वारे माहिती मिळताच पोलिसांनी पाडेगाव इथं छापा मारुन डॉ प्रीतमला अटक केली.
हेही वाचा :
- मुंबईत आयएएस अधिकाऱ्याच्या मुलीची आत्महत्या, आत्महत्येपूर्वी लिहिली सुसाईट नोट - IAS officer daughter suicide
- "लग्न केलं नाहीस तर घरच्यांना सोडणार नाही"; तरुणाच्या जाचाला कंटाळून 15 वर्षीय मुलीनं संपवलं जीवन, दहा जणांवर गुन्हा दाखल - Minor Girl Suicide Nashik
- एकतर्फी प्रेमातून छळ केल्यानं १६ वर्षीय मुलीची आत्महत्या, नागरिकांनी केला 'रास्ता रोको' - jatwada girl suicide
