ETV Bharat / state

नाशिककरांना आजही 'मुलगी' नकोशी; जन्मदराचं प्रमाण घटलं, गर्भलिंग निदान चाचण्यांचं प्रमाण वाढलं

नाशिक मधील मुलींच्या जन्माचं प्रमाण घटत असल्याचं चित्र आहे. मुलींच्या संख्येत दर 1 हजार मुलांपेक्षा घसरण होत असल्याची बाब चिंतेचा विषय ठरत आहे.

author img

By ETV Bharat Marathi Team

Published : 3 hours ago

Nashik city birth rate
मुलींच्या जन्मदराचं प्रमाण घटलं (Source - File Photo)

नाशिक : एकीकडे राज्य सरकार 'लाडकी बहीण योजना' राबवून महिलांच्या बाबतीत कल्याणकारी भूमिका घेताना दिसत आहे. मात्र, दुसरीकडे सुरू असलेल्या गर्भपातामुळं नाशिक शहरात दर 1 हजार पुरुषांमागं मुली जन्माचं प्रमाण सरासरी 798 पर्यंत घटल्याचं समोर आलंय. त्यामुळं महानगरपालिकेतील वैद्यकीय विभागात वर्षानुवर्ष एकाच खुर्चीवर असलेले काही अधिकारी गर्भलिंग निदानाला चालना देत असल्याची चर्चा आहे. हे प्रकार थांबवण्यासाठी मोठी मोहीम हाती घेण्याची गरज व्यक्त केली जात आहे.

मुला-मुलींच्या जन्मदरात मोठी तफावत : 'स्मार्ट सिटी' म्हणून नावलौकिक मिळविलेल्या नाशिक शहरातील वैद्यकीय सेवेचा दर्जा उंचावत असतानाच गर्भपाताच्या घटना उघडकीस आल्यानं खळबळ उडाली आहे. याबाबत जिल्हा शासकीय रुग्णालयात रॅकेट सुरू असल्याचं उघडकीस आल्यानंतर आरोग्य यंत्रणेचे वाभाडे निघाले होते. त्यानंतर आदिवासी भागात कारमध्ये अवैध गर्भलिंग निदान केलं जात असल्याचंही उघड झालं होतं. नुकतंच महात्मा नगर परिसरातील एका हॉस्पिटलमध्ये अवैध गर्भपात केंद्र सुरू असल्याचं समोर आलं, मात्र आरोग्य विभागाकडून त्यावर कोणतीही मोठी कारवाई करण्यात आली नाही. अशातच जानेवारी ते ऑगस्ट 2024 या 8 महिन्यांत शहरातील रुग्णालयांमधील मुला-मुलींच्या जन्मदरात मोठी तफावत दिसून येत आहे.

महापालिकेकडे आकडेवारी उपलब्ध नाही : नाशिक महापालिकेच्या रुग्णालयात मुला-मुलींमधील प्रसूतीच्या प्रमाणात 100 ते 150 एवढी मोठी तफावत असून, धक्कादायक बाब म्हणजे शहरातील खासगी रुग्णालयाची आकडेवारी महापालिकेकडे उपलब्ध नाही, त्यामुळं गर्भलिंगनिदान चाचण्याबाबत प्रश्न उपस्थित केला जात आहे.

गेल्या सहा वर्षाचा मुलींचा जन्मदर

वर्ष जन्मदर

  • 2019 - 920
  • 2020 - 912
  • 2021 - 911
  • 2022 - 885
  • 2023 - 915
  • ऑगस्ट 2024- 898

एक लाखांचं बक्षीस : अवैध गर्भलिंग निदान करणाऱ्या सोनोग्राफी केंद्राची माहिती देणाऱ्याला शासनाकडून एक लाख रुपये बक्षीस देण्यात येतं. तसंच माहिती देणाऱ्याचं नाव गोपनीय ठेवण्यात येतं. त्यामुळे भीती न बाळगता गर्भलिंग निदान करणाऱ्या संशयित केंद्राची माहिती द्यावी, असं आवाहन मुख्य वैद्यकीय अधिकारी डॉ. तानाजी चव्हाण यांनी केलंय.

हेही वाचा

  1. बीएएमएस वैद्यकीय अधिकारी भरती प्रक्रियेत घोळ? उमेदवारांची औरंगाबाद खंडपीठात धाव
  2. प्रेमात ठार! भेटायला का आलीस म्हणत तरुणीनं मित्राच्या प्रेयसीची केली हत्या
  3. नवरात्रीच्या उपवासाला केळी खाताय? मग 'हा' व्हिडिओ बघाच, विक्रेत्यानं रस्त्यावरील पाणी...

नाशिक : एकीकडे राज्य सरकार 'लाडकी बहीण योजना' राबवून महिलांच्या बाबतीत कल्याणकारी भूमिका घेताना दिसत आहे. मात्र, दुसरीकडे सुरू असलेल्या गर्भपातामुळं नाशिक शहरात दर 1 हजार पुरुषांमागं मुली जन्माचं प्रमाण सरासरी 798 पर्यंत घटल्याचं समोर आलंय. त्यामुळं महानगरपालिकेतील वैद्यकीय विभागात वर्षानुवर्ष एकाच खुर्चीवर असलेले काही अधिकारी गर्भलिंग निदानाला चालना देत असल्याची चर्चा आहे. हे प्रकार थांबवण्यासाठी मोठी मोहीम हाती घेण्याची गरज व्यक्त केली जात आहे.

मुला-मुलींच्या जन्मदरात मोठी तफावत : 'स्मार्ट सिटी' म्हणून नावलौकिक मिळविलेल्या नाशिक शहरातील वैद्यकीय सेवेचा दर्जा उंचावत असतानाच गर्भपाताच्या घटना उघडकीस आल्यानं खळबळ उडाली आहे. याबाबत जिल्हा शासकीय रुग्णालयात रॅकेट सुरू असल्याचं उघडकीस आल्यानंतर आरोग्य यंत्रणेचे वाभाडे निघाले होते. त्यानंतर आदिवासी भागात कारमध्ये अवैध गर्भलिंग निदान केलं जात असल्याचंही उघड झालं होतं. नुकतंच महात्मा नगर परिसरातील एका हॉस्पिटलमध्ये अवैध गर्भपात केंद्र सुरू असल्याचं समोर आलं, मात्र आरोग्य विभागाकडून त्यावर कोणतीही मोठी कारवाई करण्यात आली नाही. अशातच जानेवारी ते ऑगस्ट 2024 या 8 महिन्यांत शहरातील रुग्णालयांमधील मुला-मुलींच्या जन्मदरात मोठी तफावत दिसून येत आहे.

महापालिकेकडे आकडेवारी उपलब्ध नाही : नाशिक महापालिकेच्या रुग्णालयात मुला-मुलींमधील प्रसूतीच्या प्रमाणात 100 ते 150 एवढी मोठी तफावत असून, धक्कादायक बाब म्हणजे शहरातील खासगी रुग्णालयाची आकडेवारी महापालिकेकडे उपलब्ध नाही, त्यामुळं गर्भलिंगनिदान चाचण्याबाबत प्रश्न उपस्थित केला जात आहे.

गेल्या सहा वर्षाचा मुलींचा जन्मदर

वर्ष जन्मदर

  • 2019 - 920
  • 2020 - 912
  • 2021 - 911
  • 2022 - 885
  • 2023 - 915
  • ऑगस्ट 2024- 898

एक लाखांचं बक्षीस : अवैध गर्भलिंग निदान करणाऱ्या सोनोग्राफी केंद्राची माहिती देणाऱ्याला शासनाकडून एक लाख रुपये बक्षीस देण्यात येतं. तसंच माहिती देणाऱ्याचं नाव गोपनीय ठेवण्यात येतं. त्यामुळे भीती न बाळगता गर्भलिंग निदान करणाऱ्या संशयित केंद्राची माहिती द्यावी, असं आवाहन मुख्य वैद्यकीय अधिकारी डॉ. तानाजी चव्हाण यांनी केलंय.

हेही वाचा

  1. बीएएमएस वैद्यकीय अधिकारी भरती प्रक्रियेत घोळ? उमेदवारांची औरंगाबाद खंडपीठात धाव
  2. प्रेमात ठार! भेटायला का आलीस म्हणत तरुणीनं मित्राच्या प्रेयसीची केली हत्या
  3. नवरात्रीच्या उपवासाला केळी खाताय? मग 'हा' व्हिडिओ बघाच, विक्रेत्यानं रस्त्यावरील पाणी...
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.