मुंबई - मुंबईतील विधानसभा मतदारसंघ हा अतिशय चर्चेतला विधानसभा मतदारसंघ आहे. कारण येथे तिरंगी लढत होणार आहे. शिवसेना ठाकरे गटाकडून आदित्य ठाकरे यांच्याविरोधात शिंदे गटाचे खासदार मिलिंद देवरा तर मनसेकडून संदीप देशपांडे हे निवडणुकीच्या रिंगणात आहेत. त्यामुळे येथे तिरंगी लढत होणार असून, चुरशीचा सामना होऊ शकतो. त्यामुळे विजयी कोण होणार? वरळीकर कोणाच्या बाजूने कौल देणार? याकडे सर्वांचे लक्ष लागले असताना मागील आमदारकीच्या काळात मी अनेक वरळीत काम केलीत. त्यामुळे यावेळी नक्कीच माझ्यावरती विश्वास टाकून माझ्या बाजूने कौल देतील, असा विश्वास आदित्य ठाकरे यांनी "ईटीव्ही भारत"ला दिलेल्या विशेष मुलाखतीत सांगितलंय.
कौटुंबिक निवडणूक नाही : माहीम मतदारसंघातून तुमचे बंधू अमित ठाकरे निवडणूक लढवत आहेत, तर दुसरीकडे वरुण सरदेसाई हे वांद्र्यातून निवडणूक लढवत आहेत, यांना शुभेच्छा काय द्याल, असा प्रश्न आदित्य ठाकरे यांना विचारला असता ते म्हणाले, हे बघा ही आमची निवडणूक म्हणून आम्ही लढवतोय. त्यामध्ये कोणतेही कौटुंबिक नातं आणत नाही. आम्ही जनतेसाठी निवडणुकीला सामोरे जातोय. त्यामुळे नक्कीच राज्यात पुन्हा एकदा महाविकास आघाडीचे सरकार येईल, असे आदित्य ठाकरे म्हणालेत. तसेच शिवसेना फुटीनंतर ही पहिली निवडणूक असली तरी मतांचे विभाजन कुठेही होणार नाही, त्याची काही भीती वाटत नसल्याचं आदित्य ठाकरे म्हणालेत.
महायुतीच्या काळात घोटाळा : महाविकास आघाडीच्या अडीच वर्षांंच्या सरकारच्या काळात अनेक योजना आणल्या, अनेक प्रकल्पांची काम केलीत. विकासकामं केली असून, पूर्ण काळात सरकारने चांगलं काम केलंय. परंतु आमचे सरकार पडल्यानंतर महायुतीच्या सरकारच्या काळात या सरकारने अनेक घोटाळे आणि भ्रष्टाचार केलेले आहेत. मुंबईत जे प्रोजेक्ट होते, त्यामध्ये घोटाळा झालाय. राज्यातील उद्योगधंदे हे लोक बाहेर घेऊन गेलेले आहेत. त्यामुळे नक्कीच जनता यांना कंटाळली आहे आणि पुन्हा एकदा महाविकास आघाडीचे सरकार राज्यात येईल, असेही आदित्य ठाकरे म्हणालेत.
हेही वाचा
