चंद्रपूर Leopard Gives Birth Three Cubs : नागभीड तालुक्यातील बाळापूर (खुर्द) इंथ डिमदेव सेलोटे यांच्या पडक्या गोठ्यात एका बिबट मादीनं तीन पिलांना जन्म दिलाय. यामुळं एकच खळबळ उडाली आहे. गेल्या पंधरा दिवसापासून या गावात अनेकदा या बिबट्या मादीनं हैदोस घातला होता. रात्रीच्या वेळी अनेकांच्या लहान गायी, बकऱ्या, आणि लहान वासरावर हल्ला करून त्यांना ठार मारलं होतं. यामुळं गावात दहशतीचं वातावरण पसरलं होतं.
अशी मिळाली माहिती: गावातील लोकेश ठवरे, काशिनाथ तरोने,दिलीप सोनकर, शंकर वाटकर यांची जनावरं या मादी बिपट्याच्या हल्ल्यात ठार झाले आहेत. वेळोवेळी गावचे सरपंच कमलाकर ठवरे यांनी याची माहिती वनविभागाला दिली होती. सोमवारी सकाळी गावातील एका व्यक्तीनं डिमदेव सलोटे यांच्या पडक्या गोठ्यातून बिबट्याला बाहेर पडताना पाहिलं. भयभीत होवून त्यानं ही माहिती गावकऱ्यांना दिली. गावकऱ्यांनी त्याठिकाणी जाऊन पाहिलं असता बिबट्याची तीन पिल्लं आढळून आली. विशेष बाब म्हणजे इथून काही अंतरावरच जिल्हा परिषदेची शाळा आहे. याची माहिती सरपंच कमलाकर ठवरे यांनी वनविभागाला दिली. बिबट मादी पुन्हा त्या ठिकाणी येऊन आपल्या पिल्लांना घेऊन जाणार असल्यानं वनविभागाकडून कडेकोड बंदोबस्त करण्यात आला आहे. यामुळं गावात एकाच वेळी उत्सुकता आणि दहशतीचं वातावरण पसरलं आहे.
सदर घटनेची माहिती मिळताच वनविभागाचे कर्मचारी घटनास्थळी पोहोचले. बिबट मादीचे पिल्लू हे पाच ते सहा दिवसाचे आहेत आणि ते सुखरूप आहेत. ज्या ठिकाणी पिलांना जन्म दिला त्या ठिकाणी बंदोबस्त करण्यात आलेला आहे. अशी माहिती वनपरीक्षेत्र अधिकारी सुनील हजारे यांनी दिली.
गावातील एका व्यक्तीला बिबट्या दिसताच या घटनेची माहिती वनविभागाला दिली. गावातील अनेकांची जनावरे या बिबट्याने मारली असून यापुढे अशा घटना घडणार नाहीत, यासाठी वनविभागाने लवकरात लवकर या श्वापदांचा बंदोबस्त करावा, अशी गावकऱ्यांची मागणी आहे.
हेही वाचा
