पुणे Pooja Khedkar Case : पुणे जिल्ह्यात परिविक्षाधीन सहाय्यक जिल्हाधिकारी राहिलेल्या पूजा खेडकर यांच्या बाबत एकएक धक्कादायक माहिती समोर येऊ लागली आहे. सुरुवातीला अपंग असलेलं सर्टिफिकेट दाखवून यूपीएससीच्या परीक्षेत उत्तीर्ण, त्यानंतर तब्बल सहा वेळा मेडिकल टेस्टला गैरहजर आणि मग बलाढ्य संपत्ती असताना नॉन क्रिमीलेयर दिलेलं प्रमाणपत्र अशी माहिती समोर आली असताना आता पूजा खेडकर यांच्या बाबत अनेक प्रकरणे समोर येऊ लागली आहेत. त्यांची युपीएससी वादाच्या भोवऱ्यात सापडली आहे. असं असताना आता याबाबत राष्ट्रवादी काँग्रेस शरद पवार गटाच्या नेत्या खासदार सुप्रिया सुळे यांनी आपलं मत व्यक्त करत या प्रकरणाची पारदर्शक पद्धतीनं चौकशी करण्यात यावी, अशी मागणी केली आहे.
लोकशाहीत सर्वांना बोलायचा अधिकार : खासदार सुप्रिया सुळे आज पुणे दौऱ्यावर होत्या. यावेळी झालेल्या पत्रकार परिषदेत त्यांनी आपलं मत व्यक्त केलं आहे. आज अजित पवार यांच्या पक्षाच्यावतीनं बारामतीत सभा आयोजित करण्यात आली होती. यात अजित पवार यांनी केलेल्या भाषणाबाबत सुप्रिया सुळे यांना विचारलं असता त्या म्हणाल्या की, लोकशाहीत सर्वांना बोलायचा अधिकार आहे. त्यांची स्टेटमेंट देखील छान आहे; पण भाजपाचे दोन खासदार संविधान बदलणार असं बोललं होते. तसेच शपथ घेताना भाजपाचे लोकं चुकीचे बोलले आणि भाजपाचे लोक आम्ही संविधान बदलणार असं बोलत आहे, असं यावेळी सुळे म्हणाल्या.
आरक्षणावर संसदेत बोलले पाहिजे - सुळे : यावेळी सुप्रिया सुळे यांना आरक्षण बैठकीबाबत विचारलं असता त्या म्हणाल्या की, सर्व पक्षीय बैठकीला पवार गेले नाहीत. मी आरक्षणावर मागील 10 वर्षांपासून बोलत आहे. आरक्षणावर कुठे बोलले पाहिजे तर ते संसदेत. आधी मोदी सरकारने 10 वर्षांत अनेक आरक्षण बिल आणले त्यावर मी बोलले. राज्य सरकारकडे प्रस्ताव नव्हता म्हणून बैठकीला गेलो नाही. तसेच त्यांनी आमंत्रण कोणाला दिलं माहिती नाही. मुख्यमंत्री यांनी एक फोन करावा. त्यांनी मला फोन केला तर मी जाईल. तसेच सर्व आरक्षणावर बैठक लावली पाहिजे, असंही मत यावेळी सुळे यांनी मांडलं.
हेही वाचा:
- पंतप्रधान नरेंद्र मोदींना किती स्तराची असते सुरक्षा? कोण करतं संरक्षण? दररोज 'इतके' कोटी सुरक्षेवर होतात खर्च - PM Narendra Modi Security
- सिंचन घोटाळ्याला क्लीन चीट देणे हाच घोटाळा, फडणवीस यांचा पगार कापणार का-संजय राऊत - Sanjay Raut News today
- आंध्र प्रदेशचे मुख्यमंत्री चंद्राबाबू नायडू एकनाथ शिंदेंच्या भेटीला; भेटीमागचं नेमकं कारण काय? - Chandrababu Meets Eknath Shinde
