मुंबई BMC Property Tax Issue : सन २०२३-२४ या आर्थिक वर्षाचा मालमत्ता करभरणा करण्याचा अंतिम देय दिनांक शनिवार २५ मे २०२४ आहे. या मुदतीत करभरणा न करणाऱ्या मालमत्ताधारकांच्या थकीत करावर दरमहा २ टक्के दंड आकारला जाईल असा निर्णय महानगरपालिका प्रशासनाने घेतला आहे. (BMC civilian Convenience Center) करभरणा करण्याचा अंतिम देय दिनांकापर्यंतचा कालावधी लक्षात घेता नागरिकांची कोणतीही गैरसोय होऊ नये, यासाठी महानगरपालिकेकडून गुरुवार, दिनांक २३ आणि शुक्रवार, दिनांक २४ मे २०२४ रोजी सकाळी ८ ते रात्री १० वाजेपर्यंत तसेच शनिवार, दिनांक २५ मे २०२४ रोजी सकाळी ८ ते मध्यरात्री १२ वाजेपर्यंत नागरी सुविधा केंद्रे सुरू ठेवण्याचा निर्णय घेण्यात आला आहे. (Property Tax Mumbai)
तर दरमहा 2 टक्के दंड : मुंबईकरांनी पालिका प्रशासनाने दिलेल्या मुदतीत आपल्या मालमत्ता कराची रक्कम भरावी आणि दंडात्मक आणि कायदेशीर कारवाई टाळावी, असं आवाहन पालिका प्रशासनाकडून मुंबईकरांना करण्यात आलं आहे. अंतिम देय दिनांक जवळ येऊनही अद्यापही करभरणा न केलेल्या मालमत्ताधारकांकडे तीन दिवसांचा कालावधी शिल्लक आहे. अशा मालमत्ताधारकांनी दिनांक २५ मे २०२४ रोजी मध्यरात्री १२ वाजेपर्यंत करभरणा न केल्यास त्यानंतर त्यांच्या थकीत करावर दरमहा २ टक्के दंड आकारण्यात येणार आहे.
'या' इमारतींच्या कार्यालयात कर भरण्याची सुविधा : प्रशासनाच्या माहितीनुसार, अंतिम देय कालावधीच्या काळात करभरणा करताना नागरिकांची गैरसोय होऊ नये, या उद्देशाने महानगरपालिका प्रशासनाकडून २४ वॉर्ड कार्यालयांसह मुख्यालय तसेच एल विभागातील तुंगा व्हिलेज, एस विभागातील कांजुरमार्ग (पूर्व) येथील लोढा संकुल इमारत आणि पी (पूर्व) विभागातील नवीन नागरी सुविधा केंद्रे गुरुवार, दिनांक २३ आणि शुक्रवार, दिनांक २४ मे २०२४ रोजी सकाळी ८ ते रात्री १० वाजेपर्यंत तसेच शनिवार, दिनांक २५ मे २०२४ रोजी सकाळी ८ ते मध्यरात्री १२ वाजेपर्यंत सुरू ठेवण्याचा निर्णय घेण्यात आला आहे. या कालावधीत मालमत्ता करासंबंधीत अडचणींच्या निराकरणासाठी सर्व विभागांमध्ये करनिर्धारण व संकलन खात्याचे अधिकारी आणि कर्मचारी उपस्थित असणार असल्याची माहिती पालिकेने दिली आहे.
हेही वाचा :
- शाहरुख खानला लागला उन्हाचा चटका, अहमदाबादच्या रुग्णालयात दाखल - SHAH RUKH KHANS HEALTH DETERIORATED
- चायनीजची ऑर्डर देऊन आलोय निघावं लागेल...; लठ्ठपणा दिनाच्या चर्चासत्रात राज ठाकरे यांचा टोला - World Obesity Day 2024
- विशाल अग्रवाल यांनी वडील म्हणून आपलं कर्तव्य पार पाडलं नाही, २४ तारखेपर्यंत पोलीस कोठडीत रवानगी - Asim Sarode Blames Vishal Agarwal
