"चित्रा वाघ यांनी माफी मागितली नाहीतर, अब्रू नुकसानीचा दावा करणार" : अभिनेता राज नयानीचा इशारा - Raj Nayani warns

Raj Nayani warns : शिवसेना उद्धव ठाकरे गटाच्या वतीनं लोकसभा निवडणूकीसाठी एक जाहीरात बनवली आहे. यामध्ये अभिनेता प्याराली उर्फ राज नयानी यांनी अभिनय केला आहे. हा अभिनेता पॉर्नस्टार असल्याचा उल्लेख भाजपाच्या नेत्या चित्रा वाघ यांनी केला होता. आता अभिनेता राज नयांनी यांनी व्हिडिओच्या माध्यमातून निवेदन करत चित्रा वाघ माफी मागावी अन्यथा त्यांच्यावर अब्रु नुकसानीचा दावा न्यायालयात करणार असल्याचं म्हटलं आहे. पाहा व्हिडिओ...

मुंबई - Raj Nayani warns : लोकसभा निवडणुकीमध्ये विविध पक्षाकडून जोरदार जाहिरातीबाजी करण्यात येत आहे. या जाहिरातीच्या माध्यमातून विरोधकावर टीका करण्यात येत आहे. तसेच जाहिरातीत वेगवेगळ्या कलावंताना सामावून घेतलं जात आहे. दरम्यान, शिवसेना उद्धव बाळासाहेब ठाकरे पक्षाच्या “वॉर रुकवा दी ना पापा” या जाहिरातीवरून मोठा वाद निर्माण झाला आहे. गुरुवारी या जाहिरातीवरून चित्रा वाघ यांनी पत्रकार परिषद घेत यातील कलाकार पॉर्नस्टार असल्याचा आरोप केला आहे. यानंतर या जाहिरातीतील अभिनेता प्याराली उर्फ राज नयानी यांनी भाजपा नेत्या चित्रा वाघ यांनी पुढील दोन दिवसात जर माफी मागितली नाही तर त्यांच्यावर अब्रू नुकसानीचा दावा करणार असल्याचं म्हटलं आहे.

मी चरित्रवान कलावंत - प्याराली उर्फ राज नयानी

आज समाजमाध्यमावर व्हिडीओद्वारे चित्रा वाघ यांनी केलेल्या जाहिरातीवरून अभिनेता प्याराली उर्फ राज नयानी यांनी आपली भूमिका मांडली. यामध्ये आपण केलेल्या जाहिरातीवरून त्याने आक्षेप नोंदवला आहे. माझ्या चारित्र्यावर संशय घेतल्याचं तो म्हणाला. याबद्दल बोलताना अभिनेता राज नयानी म्हणाली की, चित्रा वाघ यांनी मी एक पॉर्नस्टार असल्याचे म्हटलं आहे. भाजपच्या नेत्या चित्रा वाघ या एक सुशिक्षित महिला आहेत. कलावंत जेव्हा एखाद्या सिनेमांत किंवा मालिकेत काम करतो तेव्हा त्याला त्या भूमिकेची जशी मागणी असते त्याप्रमाणे अभिनय करावा लागतो हे त्यांना माहीत असावे. आज त्यांनी माझ्या एका वेबसिरीजच्या भूमेकेतील फोटो दाखवून मी पॉर्न स्टार असल्याचा दावा केला. त्यांच्या या दाव्याची मी निंदा करतो आणि माझ्या अभिनयाला पॉर्न स्टारची उपमा दिल्याबद्दल मी आणि माझे कुटुंब खूप व्यतीत झालो आहोत, असे अभिनेता प्याराली उर्फ राज नयानी यांनी म्हटले आहे.

चित्रा वाघ (Press conference pics)

अन्यथा अब्रू नुकसानीचा दावा...

दरम्यान, अभिनेता प्याराली उर्फ राज नयानी यांचा एक व्हिडिओ समोर आला आहे या व्हिडिओतून त्यांनी नाराज व्यक्त केले आहे तसेच चित्रा वाघ यांनी आपल्यावरचे आरोप केले त्यामुळे आपणाला खूप दुःख झाले असल्याचंही तो म्हणाला. आपला जन्म मुंबईतील असून आपण सामान्य कुटुंबातून पुढे आलो असल्याचं नयानी आणि म्हटलं आहे. तसेच पुढील दोन दिवसात चित्रा वाघ यांनी माझी जाहीर माफी मागावी अन्यथा त्यांच्यावर मी अब्रूनुकसानीचा दावा कोर्टात दाखल करणार असल्याचंही नयानी यांनी म्हटलं आहे. चित्रा वाघ यांनी विनाकारण माझ्या प्रतिमेला मलीन करण्याचा प्रयत्न केला. त्यामुळे मला मनस्ताप सहन करावा लागत आहे. केवळ आपल्या राजकीय स्वार्थासाठी त्यांनी माझी प्रतिमा मलीन केली जात आहे असेही, अभिनेता राज नयानी यांनी म्हटलंय.

• " class="align-text-top noRightClick twitterSection" data="">

हेही वाचा -