22 वर्षीय तरुणाचा न्यायालयीन कोठडीत असताना मृत्यू, स्थानिकांचा पोलीस ठाण्याला घेराव - Accused Death In Judicial Custody

Accused Death In Judicial Custody : मुंबईतील काळाचौकी पोलीस ठाण्यात तणावपूर्ण वातावरण आहे. स्थानिक नागरीकांनी पोलीस ठाण्याला घेराव घातला आहे. नेमकं काय घडलंय? वाचा सविस्तर...

मुंबई Accused Death In Judicial Custody : आर्थर रोड कारागृहात 22 वर्षीय तरुणाचा न्यायालयीन कोठडीत मृत्यू झाल्याची घटना समोर आलीय. न्यायालयीन कोठडीत असताना तरुणाचा मृत्यू झाल्यानं येथील वातावरण तापलं आहे. आरोपीला पॉक्सो प्रकरणात अटक करण्यात आली होती. आरिफ कुरेशी असं या आरोपी तरूणाचं नाव आहे.

पोलीस ठाण्याला स्थानिकांचा घेराव : न्यायालयीन कोठडीत असताना कुरेशीची प्रकृती बिघडल्यानं त्याला जे.जे रुग्णालयात दाखल करण्यात आलं होतं. उपचारादरम्यान दोन दिवसांतच कुरेशीचा मृत्यू झाला. आरोपी तरूणाच्या मृत्यूनंतर काळाचौकी पोलीस ठाण्याला संतप्त स्थानिकांनी घेराव घातला आहे.

याप्रकरणी एन.एम जोशी पोलीस ठाण्यात आकस्मित मृत्यूची नोंद करण्यात आली. तसंच पुढील तपास सुरू असल्याची माहिती एन.एम जोशी पोलीस ठाण्याच्या पोलीस निरीक्षक मेघना बुरांडे यांनी दिली. आर्थर रोड कारागृहात न्यायालयीन कोठडीत असताना आरोपी कुरेशीची प्रकृती बिघडल्यानं रविवारी त्याला जे.जे रुग्णालयात दाखल करण्यात आलं. त्यानंतर उपचारादरम्यान दोन दिवसांनी आज दुपारी मृत्यू त्याचा झाल्याची माहिती पोलिसांनी दिली.

हेही वाचा