मुंबई Why MS Dhoni Retain in 4 Crore : IPL 2025 च्या लिलावापूर्वी प्रत्येक संघानं रिटेन केलेल्या खेळाडूंची घोषणा केली. यात मोठी उलथापालथ पाहायला मिळाली आहे. ऋषभ पंत, श्रेयस अय्यर, केएल राहुल, इशान किशन यांसारखे मोठे खेळाडू आता आयपीएल 2024 मध्ये ज्या संघांसाठी खेळले होते, त्यांच्यासोबत नाहीत. या चौघांना त्यांच्या संघानं कायम ठेवलेलं नाही. तसंच एमएस धोनीसारख्या खेळाडूला कायम ठेवलेल्या यादीत 8 कोटी रुपयांपर्यंत नुकसान सहन करावं लागलं आहे. या यादीत जर कोणाला फायदा होताना दिसत असेल तर तो म्हणजे जसप्रीत बुमराह, विराट कोहली आणि हेनरिक क्लासेन.
कोलकाता आणि राजस्थाननं 6-6 खेळाडूंना केलं रिटेन : सर्व फ्रँचायझींनी गुरुवारी, 31 ऑक्टोबर रोजी IPL 2025 साठी त्यांच्या रिटेन केलेल्या खेळाडूंच्या याद्या जाहीर केल्या आहेत. कोलकाता नाईट रायडर्स आणि राजस्थान रॉयल्सनं सर्वाधिक 6-6 खेळाडूंना रिटेन केलं आहे. तर पंजाब किंग्जनं केवळ दोन खेळाडूंना आपल्या संघात कायम ठेवलं आहे. मात्र कायम ठेवताना केवळ कोणाला कायम केलं याचीच चर्चा होत नाही, तर किती रुपयांत कायम ठेवले याचीही चर्चा होत आहे. यावरुन त्यांच्या संघातील स्थानाचाही अंदाज लावता येईल.
Thala-ivar Forever! ♾️🔥#UngalAnbuden #WhistlePodu #Yellove 💛 @msdhoni pic.twitter.com/oLTqN2sjek
— Chennai Super Kings (@ChennaiIPL) October 31, 2024
धोनीला मिळतील फक्त 4 कोटी रुपये : महेंद्रसिंग धोनीला चेन्नई सुपर किंग्जनं गेल्या मोसमात 12 कोटी रुपयांमध्ये कायम ठेवलं होतं. या मोसमात त्याला अनकॅप्ड खेळाडू म्हणून कायम ठेवण्यात आलं आहे. अशाप्रकारे त्याला केवळ 4 कोटी रुपयांचं कंत्राट मिळालं. परिणामी त्याचं आठ कोटी रुपयांचं नुकसान झालं आहे. गेल्या मोसमात त्याला चेन्नई सुपर किंग्जकडून 12 कोटी रुपये मिळाले होते. मात्र IPL च्या नवीन नियमांनुसार अनकॅप्ड खेळाडूला जास्तीत जास्त 4 कोटी रुपये दिले जाऊ शकतात. हे अनकॅप्ड खेळाडू दोन प्रकारचे असतात. एक ते ज्यांनी एकही आंतरराष्ट्रीय सामना खेळलेला नाही आणि दुसरे ते ज्यांनी 5 वर्षांपूर्वी आंतरराष्ट्रीय क्रिकेटमधून निवृत्ती घेतली आहे.
Super 5️⃣quad REPRESENT! 🦁🔥#UngalAnbuden #WhistlePodu #Yellove pic.twitter.com/dIhMwAEqoG
— Chennai Super Kings (@ChennaiIPL) October 31, 2024
चार वर्षांपूर्वी घेतली निवृत्ती : भारतीय संघासाठी 3 आयसीसी ट्रॉफी जिंकणारा कर्णधार एमएस धोनी चार वर्षांपूर्वी निवृत्त झाला होता, त्यानं 15 ऑगस्ट 2020 रोजी आंतरराष्ट्रीय क्रिकेटमधून निवृत्ती घेतली होती. त्याच्या निवृत्तीला चार वर्षे पूर्ण झाली आहेत. त्यानं त्याचा शेवटचा आंतरराष्ट्रीय सामना न्यूझीलंड विरुद्ध वनडे विश्वचषक 2019 च्या उपांत्य फेरीत खेळला होता.
The Pack of Pride! 🦁
— Chennai Super Kings (@ChennaiIPL) October 31, 2024
🌟 Rutu
⚡ Pathirana
🧨 Dube
⚔️ Thalapathy
🚁 Thala #UngalAnbuden #WhistlePodu 🦁💛 pic.twitter.com/wltTZHqUQr
धोनीची IPL मधील कामगिरी : महेंद्रसिंग धोनी IPL मध्ये सर्वाधिक धावा करणाऱ्या फलंदाजांमध्ये सहाव्या क्रमांकावर आहे. त्यानं 2008 पासून खेळल्या गेलेल्या 264 सामन्यांच्या 229 डावांमध्ये 39.12 च्या सरासरीनं आणि 137.53 च्या स्ट्राइक रेटनं 5243 धावा केल्या आहेत. यात त्यानं 24 अर्धशतकं झळकावली आहेत. तर नाबाद 84 धावा ही त्याची लीगमधील सर्वोच्च धावसंख्या आहे. गेल्या मोसमात धोनीनं 161 धावा केल्या होत्या.
Superfans, here's your Diwali Parisu! 🎁💥
— Chennai Super Kings (@ChennaiIPL) October 31, 2024
An @anirudhofficial Musical ft. IPL Retentions 2025 🥳🎶
#UngalAnbuden #WhistlePodu 🦁💛 pic.twitter.com/FGTXm52v74
धोनीची IPL मधील कामगिरी :
- IPL 2024 - 161 धावा
- IPL 2023 - 104 धावा
- IPL 2022 - 232 धावा
- IPL 2021 - 114 धावा
- IPL 2020 - 200 धावा
- IPL 2019 - 416 धावा
- IPL 2018 - 455 धावा
- IPL 2017 - 290 धावा
- IPL 2016 - 284 धावा
- IPL 2015 - 372 धावा
- IPL 2014 - 371 धावा
- IPL 2013 - 461 धावा
- IPL 2012 - 358 धावा
- IPL 2011 - 392 धावा
- IPL 2010 - 287 धावा
- IPL 2009 - 332 धावा
- IPL 2008 - 414 धावा
हेही वाचा :
