गॉल (श्रीलंका) Sri Lanka vs New Zealand 1st Test Live Streaming : श्रीलंका राष्ट्रीय क्रिकेट संघ विरुद्ध न्यूझीलंड राष्ट्रीय क्रिकेट संघ यांच्यातील दोन सामन्यांच्या कसोटी मालिकेला आज 18 सप्टेंबरपासून सुरुवात होणार आहे. या मालिकेतील पहिला सामना 18 ते 23 सप्टेंबर दरम्यान खेळवला जाणार आहे. तर दुसरा आणि शेवटचा कसोटी सामना 26 सप्टेंबरपासून खेळवली जाणार आहे. दोन्ही कसोटी सामने गॉले येथील गॉले इंटरनॅशनल स्टेडियमवर खेळवले जातील. श्रीलंकेचा संघ नुकताच इंग्लंड दौऱ्यावर गेला होता. जिथं श्रीलंकेला तीन कसोटी सामन्यांच्या मालिकेत 2-1 नं पराभवाला सामोरं जावं लागलं होतं. दुसरीकडे, न्यूझीलंडचा संघ नुकताच एका कसोटी सामन्यासाठी भारतात आला होता. मात्र पावसामुळं कसोटी सामना रद्द करण्यात आला. अशा परिस्थितीत दोन्ही संघांमध्ये रोमांचक कसोटी मालिका पाहायला मिळू शकते.
Touchdown in Sri Lanka 📍
— BLACKCAPS (@BLACKCAPS) September 14, 2024
The two Test series against @OfficialSLC starts Wednesday in Galle, LIVE in NZ on @skysportnz #SLvNZ 📷 = SLC pic.twitter.com/hdAEYJ7bHo
सहा दिवसांचा पहिला सामना : मालिकेतील पहिला कसोटी सामना अनोखा मानला जात आहे. कसोटी सामने 5 दिवस चालतात, पण श्रीलंका आणि न्यूझीलंड यांच्यातील पहिला कसोटी सामना 6 दिवस चालेल. हा कसोटी सामना गॉले इथं खेळवला जाणार आहे. वास्तविक, श्रीलंकेत राष्ट्रपतीपदाच्या निवडणुकीमुळं 21 सप्टेंबरला सामन्यात विश्रांतीचा दिवस असेल. श्रीलंकेच्या संघानं 2019 पासून न्यूझीलंडविरुद्ध एकही कसोटी जिंकलेली नाही आणि ती घरच्या मैदानावर जिंकण्याचा प्रयत्न करेल.
कसोटी मालिकेचं पूर्ण वेळापत्रक :
- श्रीलंका विरुद्ध न्यूझीलंड पहिला कसोटी सामना 18 ते 23 सप्टेंबर (गॉल आंतरराष्ट्रीय स्टेडियम, सकाळी 10 वाजता)
- श्रीलंका विरुद्ध न्यूझीलंड दुसरा कसोटी सामना 26 ते 30 सप्टेंबर (गॉल आंतरराष्ट्रीय स्टेडियम, सकाळी 10 वाजता)
- श्रीलंका विरुद्ध न्यूझीलंड पहिला कसोटी सामना भारतात लाईव्ह कसा आणि कुठं पाहायचा?
भारतातील श्रीलंका विरुद्ध न्यूझीलंड कसोटी मालिकेचं अधिकृत प्रसारण सोनी स्पोर्ट्स नेटवर्कवर आहे. अशा परिस्थितीत, चाहत्यांना श्रीलंका विरुद्ध न्यूझीलंड यांच्यातील पहिल्या कसोटी सामन्याचं थेट प्रक्षेपण Sony Ten 1 SD/HD वर पाहता येईल. याशिवाय फॅनकोड ॲप आणि वेबसाइटवर लाइव्ह स्ट्रीमिंग उपलब्ध असेल.
मालिकेसाठी दोन्ही संघ :
Set to host its 35th Test match - the historic Galle Stadium 📍
— BLACKCAPS (@BLACKCAPS) September 16, 2024
The two Test series against @OfficialSLC gets underway on Wednesday LIVE in NZ on @skysportnz #SLvNZ #CricketNation #cricket pic.twitter.com/YU0a559Eds
- श्रीलंका : धनंजय डी सिल्वा (कर्णधार), दिमुथ करुणारत्ने, पथुम निसांका, कुसल मेंडिस, अँजेलो मॅथ्यूज, दिनेश चंडिमल, कामिंदू मेंडिस, सदिरा समरविक्रम, ओशादा फर्नांडो, असिथा फर्नांडो, विश्व फर्नांडो, लाहिरू कुमार, लाहिरू कुमारी, रामेश कुमारी, रामेश कुमारी. जेफ्री वेंडरसे, मिलन रथनायके
- न्यूझीलंड : टीम साऊदी (कर्णधार), टॉम लॅथम (उपकर्णधार), टॉम ब्लंडेल (विकेटकीपर), मायकेल ब्रेसवेल, डेव्हन कॉनवे (विकेटकीपर), मॅट हेन्री, डॅरिल मिशेल, विल्यम ओ'रुर्क, एजाज पटेल, ग्लेन फिलिप्स, रचिन रवींद्र, मिचेल सँटनर, बेन सियर्स, केन विल्यमसन, विल यंग
हेही वाचा :
