पॅरिस ऑलिम्पिकचा बारावा दिवस; अविनाश साबळे पदक मिळवत रचणार इतिहास? - Paris Olympics 2024

7 August India Olympics Schedule : पॅरिस ऑलिम्पिक 2024 चा 11 वा दिवस भारतासाठी चांगला होता,. नीरज चोप्रा भालाफेक स्पर्धेच्या अंतिम फेरीसाठी पात्र ठरला. तर भारतीय महिला कुस्तीपटू विनेश फोगटनेही दमदार कामगिरी करत विजय मिळवला. आता आम्ही तुम्हाला भारताच्या 12 व्या दिवसाचं संपूर्ण वेळापत्रक सांगणार आहोत.

नवी दिल्ली Paris Olympics 2024 : पॅरिस ऑलिम्पिक 2024 च्या 11 व्या दिवशी भारताचा दिवस चांगला होता. मंगळवारी भारताचा गोल्डन बॉय नीरज चोप्राने भालाफेक स्पर्धेच्या अंतिम फेरीत प्रवेश केला. तर विनेश फोगाटने महिलांच्या 50 किलो गटाच्या उपांत्य फेरीत धडक मारली आहे. आता 12व्या दिवशी भारताच्या साऱ्या नजरा वेटलिफ्टर मीराबाई चानू, अविनाश साबळे आणि महिला टेबल टेनिस संघावर असणार आहेत.

🇮🇳 Result Update: Men’s 3000m Steeplechase Round 1 Heat 2👇

Sable Bhau qualifies for the final round at #ParisOlympics2024.😎🥳

The 2023 Asian Games Gold medalist completed the 3000 Metre steeplechase run in 8:15.43 for a 5th place finish in Heat 2.

He will compete in the… pic.twitter.com/pmznHp6WzS

— SAI Media (@Media_SAI) August 5, 2024

7 ऑगस्ट रोजी भारतीय खेळाडूंचे होणारे सामने

गोल्फ - पॅरिस ऑलिम्पिकमध्ये भारत आपल्या 12व्या दिवसाची सुरुवात गोल्फने करणार आहे. गोल्फमध्ये अदिती अशोक आणि दीक्षा डागर महिलांच्या वैयक्तिक स्ट्रोक प्ले फेरी-1 स्पर्धेत दिसणार आहेत. या दोन महिला गोल्फपटूंकडून भारताला चांगल्या कामगिरीची अपेक्षा असेल.

• महिला एकेरी फेरी-1 (अदिती अशोक आणि दीक्षा डागर) - दुपारी 12.30 वाजता

टेबल टेनिस - महिलांच्या टेबल टेनिस सांघिक स्पर्धेत भारतीय संघ उपांत्यपूर्व फेरीत पाहायला मिळणार आहे. अर्चना कामथ, मनिका बत्रा आणि श्रीजा अकुला भारतीय संघात आपली सर्वोत्तम कामगिरी करताना दिसतील. भारतीय संघाने राऊंड ऑफ 16 मध्ये रोमानियन संघाचा पराभव केला होता.

• महिला संघ उपांत्यपूर्व फेरी (अर्चना कामथ, मनिका बत्रा आणि श्रीजा अकुला) - दुपारी 1:30 वाजता

ॲथलेटिक्स - ऑलिम्पिकच्या 12व्या दिवशी भारताचे सूरज पवार आणि प्रियांका गोस्वामी मॅरेथॉन शर्यतीच्या वॉक रिले मिश्रित भाग घेताना दिसतील. याशिवाय, भारताची ज्योती याराजी महिलांच्या 100 मीटर अडथळा शर्यतीच्या पहिल्या फेरीत सहभागी होणार आहे. प्रवीण चित्रवेल आणि अब्दुल्ला नारंगोलिंतेविदा पुरुषांच्या तिहेरी उडी पात्रतेमध्ये सहभागी होतील. याशिवाय सर्वेश अनिल कुशारे दिसणार आहे. तो पुरुषांच्या उंच उडी पात्रता स्पर्धेत दिसणार आहे. यासह अविनाश मुकुंद साबळे पुरुषांच्या 3000 मीटर स्टीपलचेस स्पर्धेच्या अंतिम फेरीत दिसणार आहे. भारताला त्याच्याकडून पदकाच्या आशा असतील.

• मॅरेथॉन शर्यत वॉक रिले मिश्र स्पर्धा (सूरज पवार आणि प्रियंका गोस्वामी) - सकाळी 11:00 वाजता
• महिलांची 100 मीटर अडथळा फेरी 1 (ज्योती याराजी) - दुपारी 1:45 वाजता
• पुरुषांची तिहेरी उडी पात्रता (प्रवीण चित्रवेल आणि अब्दुल्ला नारंगोलिंतेविडा) - रात्री 10:45 वाजता
• पुरुषांची उंच उडी पात्रता (सर्वेश अनिल कुशारे) - दुपारी 1:35 वाजता
• पुरुषांची 3000 मीटर स्टीपलचेस फायनल (अविनाश साबळे) - दुपारी 1:10 वाजता

कुस्ती - भारतासाठी कुस्तीमध्ये महिलांच्या 53 किलो गटाच्या प्री-क्वार्टर फायनलमध्ये अंतिम पंघाल तुर्कीच्या झेनेप येटगिलसोबत खेळताना दिसणार आहे. हे सामने प्री-क्वार्टर फायनलपासून सेमीफायनलपर्यंत रंगणार आहेत.

• महिला फ्रीस्टाइल 53 किलो प्री-क्वार्टर फायनल (अंतिम पंघाल) - दुपारी 2:30 वाजता

वेटलिफ्टिंग - टोकियो ऑलिम्पिकची रौप्यपदक विजेती मीराबाई चानू भारतासाठी 12व्या दिवशी वेटलिफ्टिंगमध्ये दिसणार आहे. चानूकडून पुन्हा एकदा देशासाठी पदक निश्चित करण्याची भारताची अपेक्षा असेल. मीराबाई चानू महिलांच्या 49 किलो गटात दिसणार आहे. हा सामना पदकांचा सामना असणार आहे. त्याची अलीकडची कामगिरी चांगलीच झाली आहे. या

• महिलांची 49 किलो स्पर्धा (मीराबाई चानू)- रात्री 11 वाजता

हेही वाचा