पॅरिस 3 August India Olympics Schedul : पॅरिस ऑलिम्पिक 2024 चा सातवा दिवस भारतासाठी संमिश्र होता. पण भारतीय नेमबाज मनू भाकरनं महिलांच्या 25 मीटर पिस्तुल स्पर्धेत चमकदार कामगिरी करत अंतिम फेरीत प्रवेश केला. यासोबतच भारतीय हॉकी संघानंही दमदार खेळ दाखवत ऑस्ट्रेलियाचा पराभव केला. आज आठव्या दिवशी मनू भाकर आपल्या पदकांची हॅटट्रिक करण्याचा प्रयत्न करेल.
भारताचा स्टार बॅडमिंटनपटू लक्ष्य सेनची ऐतिहासिक कामगिरी : पॅरिस ऑलिम्पिकमध्ये लक्ष्य सेन बॅडमिंटन पुरुष एकेरीच्या सेमीफायनलमध्ये प्रवेश केला. तब्बल 128 वर्षाच्या इतिहासात ऑलिम्पिक सेमीफायनल गाठणारा पहिला भारतीय खेळाडू आहे.
25m Women's Rapid Pistol Qualification
— SAI Media (@Media_SAI) August 2, 2024
MANU MASTERCLASS!@realmanubhaker 's fantastic run of form at the #Paris2024Olympics continues with a score of 590 as she finishes 2nd, qualifying for the finals.
Esha Singh finished 18th with a score of 581 and failed to qualify for the… pic.twitter.com/rbCXNAUWdw
गोल्फ : भारतासाठी गोल्फ सामन्यांच्या तिसऱ्या फेरीत शुभंकर शर्मा आणि गगनजीत भुल्लर पुरुषांच्या वैयक्तिक स्टोक प्ले फेरी 3 मध्ये खेळतील. जागतिक क्रमवारीत 173 व्या क्रमांकावर असलेल्या शुभंकरनं 17 स्पर्धा खेळल्या आहेत. त्यापैकी 14 स्पर्धांमध्ये तो यशस्वी ठरला आहे, तर जागतिक क्रमवारीत 295 व्या क्रमांकावर असलेल्या गगनजीतनं गेल्या दोन वर्षांत केवळ स्पर्धांमध्ये दोन भाग घेतला आहे.
- पुरुषांची वैयक्तिक स्टोक प्ले फेरी 3 - (शुभंकर शर्मा आणि गगनजीत भुल्लर) - दुपारी 12:30 वा.
@mansukhmandviya @khadseraksha @akashvanisports @ddsportschannel @PIB_India @IndiaSports @YASMinistry
— SAI Media (@Media_SAI) July 31, 2024
नेमबाजी : भारताच्या आठव्या दिवसाची सुरुवात नेमबाजी इव्हेंटनं होईल. भारतासाठी नेमबाजीत मनू भाकर 25 मीटर पिस्तुल महिलांच्या अंतिम फेरीत पदक जिंकण्याच्या आशेनं प्रवेश करेल. यासोबतच पुरुषांच्या अंतिम सामन्यात स्कीट खेळण्यात येणार आहे. जर भारताचा अनंत या अंतिम फेरीसाठी पात्र ठरला तर तो भारतासाठी पदकाचा दावा करु शकतो. भारतासाठी महिलांच्या स्कीट पात्रतेच्या पहिल्या दिवशी रायजा ढिल्लन आणि माहेश्वरी चौहान दिसणार आहेत. स्कीट पुरुषांच्या पात्रतेच्या दुसऱ्या दिवशी भारताचा अनंत जीतसिंग नारुका खेळताना दिसणार आहे.
- स्कीट महिला पात्रता दिवस 1 (रायजा ढिल्लन आणि माहेश्वरी चौहान) - दुपारी 12:30 वाजता
- स्कीट पुरुष पात्रता दिवस 2 (अनंत जीत सिंग नारुका) - दुपारी 1 वाजता
- 25 मीटर पिस्तूल महिला अंतिम (मुन भाकर)- दुपारी 1 वाजता
- स्कीट पुरुषांची अंतिम फेरी - संध्याकाळी 7 वाजता
तिरंदाजी : महिलांच्या वैयक्तिक 1/8 एलिमिनेशन राऊंडमध्ये भारताची दीपिका कुमारी आणि जर्मनीची मिशेल क्रॉपेन यांची लढत होईल, तर भजन कौरचा सामना इंडोनेशियाच्या दयानंद कोइरुनिसाशी होईल. यानंतर, जर दोघांनी अंतिम फेरीत प्रवेश केला तर ते अंतिम सामन्यातही भारताकडून खेळताना दिसू शकतात.
- महिलांची वैयक्तिक फेरी 16 ते पदक सामने - दुपारी 1 पासून
- महिला वैयक्तिक 1/8 एलिमिनेशन फेरी (दीपिका कुमारी) - दुपारी 1:52 वाजता
- महिला वैयक्तिक 1/8 एलिमिनेशन फेरी (भजन कौर) - दुपारी 2:50 वाजता
Women's Individual Recurve 1/16 Elimination Round 🏹
— SAI Media (@Media_SAI) July 31, 2024
Deepika Kumari defeats Netherlands' Quinty Roeffen 6-2 to qualifiy for the 1/8 Elimination Round scheduled for August 3.
Let’s #Cheer4Bharat, let's cheer for Deepika!
Catch all the live action on DD Sports and Jio Cinema… pic.twitter.com/mXddwoIwhA
सेलिंग : ॲथलीट विष्णू सरवणन भारतासाठी पुरुषांच्या नौकानयन स्पर्धेत दिसणार आहे. नेत्रा कुमनन भारतासाठी महिला नौकानयन स्पर्धेत दिसणार आहे. पॅरिस ऑलिम्पिक 2024 च्या आठव्या दिवशी हे दोघंही रेस 5 आणि रेस 6 मध्ये सहभागी होतील.
- पुरुषांची सेलिंग शर्यत 5 आणि शर्यत 6 (विष्णू सरवणन) - दुपारी 3:45 वाजता
- महिला सेलिंग शर्यत 5 आणि शर्यत 6 (नेत्रा कुमनन) - संध्याकाळी 5:55 वा वाजता
बॉक्सिंग : भारताचा निशांत देव बॉक्सिंगमध्ये दिसणार आहे. पुरुषांच्या 71 किलो वजनी गटाच्या उपांत्यपूर्व फेरीत निशांत मेक्सिकोच्या अल्वारेझ मार्को अलोन्सो वर्देसोबत खेळताना दिसणार आहे. जर निशांतनं हा सामना जिंकला तर तो थेट उपांत्य फेरीत प्रवेश करेल आणि जर त्यानं उपांत्य फेरी गाठली तर भारताचं आणखी एक पदक निश्चित आहे.
- पुरुषांची 71 किलो उपांत्यपूर्व फेरी (निशांत देव) - रात्री 12:02 वाजता
हेही वाचा :
