नवी दिल्ली Paris Olympics 2024 : ऑलिम्पिकला खेळांचं महाकुंभ म्हटलं जातं. जिथं खेळाडू जागतिक मंचावर चमकण्यासाठी आपली सर्वोत्तम कामगिरी करतात. तथापि, या मंचावर सर्वांच्या पुढं गेलेला एक खेळाडू म्हणजे माजी अमेरिकन जलतरणपटू मायकेल फेल्प्स, ज्याच्या नावावर असा विक्रम आहे ज्याची कोणीही बरोबरी करु शकत नाही. तो म्हणजे त्यानं जिंकलेली 28 ऑलिम्पिक पदकं, यात 23 सुवर्ण, 3 रौप्य आणि 2 कांस्य पदकांचा समावेश आहे. जे फेल्प्सला इतिहासातील सर्वकालीन महान ऑलिम्पियन बनवतं.
महान ऑलिम्पियन मायकेल फेल्प्स : अमेरिकन जलतरणपटू मायकेल फेल्प्स हा सर्वकाळातील महान ऑलिम्पियन आहे. काही जण असा तर्क लावू शकतात की उसेन बोल्ट, कार्ल लुईस किंवा नादिया कोमानेसी हे देखील महान ऑलिम्पियन आहेत. पण पदकसंख्येच्या बाबतीत, मायकेल फेल्प्स हा स्पष्ट विजेता आहे.
एकट्यानं 162 हून अधिक देशांपेक्षा जिंकली सुवर्णपदकं : फेल्प्सच्या नावावर 23 सुवर्णांसह एकूण 28 पदकं आहेत. त्याची 23 सुवर्णपदकं त्याच्या जवळच्या प्रतिस्पर्ध्यांपेक्षा दुप्पट आहेत. तर जगातील 162 देशांनी ऑलिम्पिकमध्ये जिंकलेल्या सुवर्णपदकांपेक्षा त्याच्या सुवर्णपदकांची संख्या अधिक आहे. जसं भारतानं ऑलिम्पिकच्या इतिहासात आतापर्यंत एकूण 10 सुवर्णपदकं जिंकली आहेत, जी फेल्प्सनं जिंकलेल्या 23 सुवर्णपदकांपैकी निम्म्याहूनही कमी आहेत.
2000 मध्ये अपयशी ठरल्यानंतर 2004 च्या ऑलिम्पिकमध्ये केलं पुनरागमन : मायकेल फेल्प्सची ऑलिम्पिक कथा वयाच्या 15 व्या वर्षी सिडनी इथं झालेल्या 2000 च्या ऑलिम्पिकपासून सुरु झाली. यात त्याला एकही पदक जिंकता आले नाही. यात 200 मीटर बटरफ्लायमध्ये तो पाचव्या स्थानावर राहिला असला तरी 2004 मध्ये अथेन्सहून परतल्यानंतर पुढील 4 ऑलिम्पिक स्पर्धेत त्यानं ज्या पद्धतीनं कामगिरी केली, ती कोणाला करणे शक्य नाही.
मायकेल फेल्प्सची मालमत्ता किती : महान ॲथलीट फेल्प्सचं यश केवळ हेच नाही तर त्याच्या कामगिरीमुळं त्याला अनेक आर्थिक बक्षिसं मिळाली आहेत. फेल्प्सची एकूण संपत्ती अंदाजे 100 दशलक्ष डॉलर्स (सुमारे 837 कोटी रुपये) आहे. ज्यामुळं तो जगातील सर्वात श्रीमंत खेळाडूंपैकी एक बनतो.
हेही वाचा :
