मुंबई Sachin Tendulkar : भारतीय संघाचा महान फलंदाज सचिन तेंडुलकर हा क्रिकेट खेळातील आजवरचा सर्वोत्तम फलंदाज मानला जातो. कसोटी आणि एकदिवसीय क्रिकेटमधील जवळपास सर्वच फलंदाजी विक्रम त्याच्या नावावर आहेत. याशिवाय तो आंतरराष्ट्रीय क्रिकेटमध्ये सर्वाधिक धावा करणारा खेळाडू आहे. सचिननं आंतरराष्ट्रीय क्रिकेटमध्ये 100 शतकं ठोकली आहेत. पण त्याचं पहिले शतक आजपासून 34 वर्षांपूर्वी 1990 मध्ये इंग्लंडविरुद्ध ओल्ड ट्रॅफर्ड इथं झालं होतं. त्यावेळी सचिनचं वय अवघे 17 वर्षे 112 दिवस होते. जेव्हा सचिननं आपलं पहिलं आंतरराष्ट्रीय शतक झळकावलं, तेव्हा तो क्रिकेटच्या सर्वात लांब फॉरमॅटमध्ये शतक झळकावणारा तिसरा सर्वात तरुण खेळाडू बनला होता.
#OnThisDay in 1990, the legendary Sachin Tendulkar scored his maiden international 💯 against England at Old Trafford 🙌
— BCCI (@BCCI) August 14, 2024
He hit that magnificent knock at the age of 17 👏👏@sachin_rt | #TeamIndia pic.twitter.com/hzEY4Ed92B
सचिनच्या खेळीमुळं भारताचा पराभव टळला : मास्टर ब्लास्टरनं ओल्ड ट्रॅफर्ड कसोटीच्या चौथ्या आणि शेवटच्या डावात केवळ 189 चेंडूत 119 धावा केल्या होत्या. सचिनची ही खेळी देखील खास होती. कारण त्यामुळं भारतीय संघाला सामना ड्रॉ करण्यात मदत झाली. या सामन्याबद्दल बोलायचं झालं तर, ओल्ड ट्रॅफर्ड कसोटीत इंग्लंडनं नाणेफेक जिंकली आणि यजमान संघानं प्रथम फलंदाजी करण्याचा निर्णय घेतला. त्यानं पहिल्या डावात 519 धावा केल्या आणि त्यानंतर भारताला 432 धावांत गुंडाळलं आणि यजमानांना 87 धावांची आघाडी मिळवून दिली. इंग्लंडनं आपला दुसरा डाव 320/4 वर घोषित केला आणि भारताला 408 धावांचं लक्ष्य दिलं. शेवटी सचिनच्या खेळीमुळं सामना अनिर्णित राहिला आणि भारत मोठ्या पराभवापासून वाचला. सचिननं पहिल्या डावातही 68 धावांची दमदार इनिंग खेळली होती.
A SACHIN TENDULKAR MASTERCLASS!
— Mufaddal Vohra (@mufaddal_vohra) August 14, 2024
- On this day 34 years ago, teenager Sachin scored 68 & 119 in a Test match in England. He was just 17 years old, the GOAT stepped up for India. pic.twitter.com/UjCMPyFuPx
सचिनची एकदिवसीय आणि कसोटी कारकिर्द : 'क्रिकेटचा देव' सचिन तेंडुलकरनं क्रिकेटच्या सर्वात लांब फॉरमॅटमध्ये सर्वाधिक धावा केल्या आहेत. त्यानं 200 कसोटी सामन्यांच्या 329 डावांमध्ये 15 हजार 921 धावा केल्या आहेत. ज्यात 51 शतकं, 6 द्विशतकं आणि 68 अर्धशतकांचा समावेश आहे, या कोणत्याही खेळाडूनं केलेल्या सर्वाधिक धावा आहेत. सचिनची कसोटींमध्ये सरासरी 53.79 आहे आणि त्याची सर्वोत्तम धावसंख्या 248 आहे. एकदिवसीय क्रिकेटमध्येही सर्वाधिक धावा करण्याच्या बाबतीत तेंडुलकर पहिल्या स्थानावर आहे. सचिननं एकदिवसीय क्रिकेटमधील 463 सामन्यांच्या 452 डावांमध्ये 49 शतकांसह 18 हजार 426 धावा केल्या आहेत. या काळात सचिनची सरासरी 44.83 होती आणि त्याची सर्वोत्तम धावसंख्या 200 होती. सचिननं 49 शतकं, एक द्विशतक आणि 96 अर्धशतकं केली आहेत. सचिननं सहा विश्वचषकांमध्ये भारताचं प्रतिनिधित्व केलं आणि 2011 विश्वचषक जिंकलेल्या संघाचा तो भाग होता.
हेही वाचा :
