मेष ते मीन राशींसाठी कसा राहील ऑक्टोबरचा दुसरा आठवडा; वाचा साप्ताहिक राशीभविष्य - Weekly Horoscope

ऑक्टोबर महिन्याची सुरुवात झाली आहे. मेष ते मीन राशींसाठी नेमका कसा असणार आहे ऑक्टोबरचा दुसरा आठवडा, जाणून घेण्यासाठी वाचा साप्ताहिक राशीभविष्य.

• मेष : आठवड्याच्या सुरूवातीस आपणास जीवनाशी संबंधित एखादी अडचण दूर होत असल्याचं जाणवेल. आपणास वरिष्ठ आणि कनिष्ठांचे सहकार्य मिळेल. आपल्याकडं योग्य समर्थन असेल. प्रकृतीत सुधारणा होईल. सुखद क्षणांचा आनंद मिळेल. हा आठवडा परीक्षा आणि स्पर्धेच्या तयारीत असणाऱ्या विद्यार्थ्यांसाठी शुभ फलदायी असून त्यांना यश प्राप्ती होईल. व्यापाऱ्यांना आठवड्याच्या पूर्वार्धात अनुकूल परिणाम मिळून चांगला लाभ होईल. आठवड्याच्या अखेरपर्यंत आपणास एखादी चांगली बातमी मिळेल, जी आपल्या आनंदास कारणीभूत ठरेल. युवकांचा बहुतांश वेळ मनोरंजन आणि आनंदात व्यतीत होईल. आठवड्याच्या उत्तरार्धात आपल्या व्यवसायात प्रगती करण्याची संधी मिळेल. रोजगाराच्या प्रतीक्षेत असणाऱ्यांना नवीन संधी मिळून ते स्थैर्य प्राप्त करतील. दांपत्य जीवन सुखद होईल. प्रेमसंबंध प्रगल्भ होतील. प्रेमिकेशी आपले नाते दृढ होईल. आपण तिच्या सहवासात सुखद क्षण घालवाल.

• वृषभ : या आठवड्यात आपणास विनाकारण विवाद होण्यापासून दूर राहावं लागेल. आठवड्याच्या सुरूवातीस कार्यक्षेत्री आपले विरोधक सक्रिय होण्याची शक्यता आहे. ते आपलं लक्ष विचलित करण्याचा प्रयत्न करू शकतात. त्यामुळं अतिरिक्त परिश्रम आणि प्रयत्न करावे लागतील. प्रणयी जीवनात गैरसमज होण्याची संभावना आहे. हे गैरसमज दूर करण्यासाठी वाद न घालता संवाद साधावा, अन्यथा गोष्टी अधिक चिघळू शकतात. आठवड्याच्या मध्यास घराची दुरुस्ती किंवा आवश्यक सामानाच्या खरेदीत अपेक्षेहून जास्त पैसा खर्च होऊ शकतो. जमीन - जुमल्याशी संबंधित वादांचे समाधान कोर्टाच्या बाहेर करणं हिताचे राहिल. व्यापारात आर्थिक देवाण-घेवाण करताना विशेष सावध राहावं लागेल. ह्या आठवड्यात आपणास आपल्या आरोग्याची काळजी सुद्धा घ्यावी लागेल. उत्तरार्धात आपण ऋतुजन्य विकारांना बळी पडू शकता.

• मिथुन : हा आठवडा आपल्यासाठी सुख, समृद्धी, यश घेऊन येत आहे. आठवड्याच्या सुरूवातीस परीक्षा आणि स्पर्धेची तयारी करत असलेल्या विद्यार्थ्यांना चांगली बातमी ऐकण्याची संधी मिळू शकते. आपण जर अनेक दिवसांपासून इच्छित ठिकाणी बदली किंवा पदोन्नतीची अपेक्षा बाळगून असाल तर, या आठवड्यात आपली हि इच्छा पूर्ण होऊ शकते. बेरोजगारांना रोजगाराची चांगली संधी मिळेल. कामाबरोबरच आहाराकडं विशेष लक्ष द्यावं, अन्यथा पोटाशी संबंधीत विकार होण्याची संभावना आहे. आठवड्याच्या उत्तरार्धात एखाद्या प्रतिष्ठित व्यक्तीच्या मदतीने पैतृक संपत्तीशी संबंधित विवादात समाधान होऊन आपणास दिलासा मिळेल. आपलं वैवाहिक जीवन सुखद होण्यासाठी आपल्या जोडीदाराच्या भावना जपून त्यांच्या सहवासात काही वेळ घालवावा. प्रणयी जीवनात निर्माण होणारे गैरसमज एखाद्या महिला मित्राच्या मदतीनं दूर कराव्यात.

• कर्क : या आठवड्यात कार्यक्षेत्री काही वाद संभवत असल्यानं आपणास आपलं मन, वाणी आणि व्यवहारावर नियंत्रण ठेवावं लागेल. आपण जर नोकरी बदलण्याचा विचार करत असाल तर ह्या आठवड्यात आपणास चांगली संधी मिळू शकते. सरकार आणि सत्तेशी संबंधित कोणत्याही गोष्टींचे निराकरण करताना आपणास वाणी, व्यवहारावर नियंत्रण ठेवावं लागेल. आठवड्याच्या उत्तरार्धात कामा निमित्त आपणास एखादा जवळचा किंवा लांबचा प्रवास करावा लागू शकतो. ह्या आठवड्यात विद्यार्थ्यांना अभ्यासावर लक्ष केंद्रित करावं लागेल. त्यांचं मन मौज-मजा करण्यात गुंतण्याची संभावना आहे. प्रणयी जीवनासाठी हा आठवडा फारसा अनुकूल नाही. आपणास आपल्या प्रेमिकेपासून दूर राहावं लागल्यानं आपलं मन व्यथित होऊ शकतं.

• सिंह : हा आठवडा आपल्यासाठी यश आणि सौभाग्य घेऊन येत आहे. आठवड्याच्या सुरूवातीस कारकीर्द आणि व्यापाराशी संबंधित प्रवास अपेक्षित यश प्राप्त करून देतील. नोकरी करणाऱ्यांना अतिरिक्त प्राप्तीचे स्रोत मिळून त्यांच्या सामाजिक मान-सन्मानात वाढ होईल. बाजारातून येणारा पैसा अनपेक्षितपणे मिळून व्यापार वृद्धीची आपली मनोकामना पूर्ण होईल. एखाद्या वरिष्ठ आणि प्रतिष्ठित व्यक्तीशी झालेली ओळख आपल्यासाठी भविष्यात लाभ मिळवून देण्यास कारणीभूत ठरेल. युवकांचा बहुतांश वेळ मस्ती करण्यात व्यतीत होईल. जमीन आणि घर यांच्या खरेदी-विक्रीची कामना सुद्धा पूर्ण होईल. ह्या आठवड्यात संततीशी संबंधित एखादी मोठी सिद्धी आपला आनंद आणि सन्मान वृद्धिंगत करण्यास कारणीभूत ठरेल. प्रेमसंबंध प्रगल्भ होतील. आपण आपल्या प्रेमिकेच्या सहवासात सुखद क्षणांचा आनंद घ्याल. दांपत्य जीवन सुद्धा सुखद होईल. जोडीदाराकडून आपणास एखादी भेटवस्तू मिळण्याची संभावना आहे. प्रकृती सामान्यच राहील.

• कन्या : हा आठवडा आपल्यासाठी मिश्र फलदायी आहे. आठवड्याच्या सुरूवातीस कार्यक्षेत्राशीसंबंधित काही समस्या आपल्या चिंतेचं मोठं कारण होऊ शकतं, परंतु आपणास आपलं लक्ष्य गाठण्यासाठी अतिरिक्त परिश्रम आणि प्रयत्न करावे लागतील. रोजगाराच्या शोधात असणाऱ्या व्यक्तींना अजून थोडी वाट पाहावी लागल्यानं थोडा त्रास होऊ शकतो. आठवड्याच्या मध्यास आपणास आपली प्रकृती आणि संबंधांवर विशेष लक्ष द्यावं लागेल. आपणास आर्थिक नुकसानीस सामोरे जावे लागू शकते. जमीन-घराशी संबंधित बाबी आपल्या चिंतेस कारणीभूत होऊ शकतात. ह्या आठवड्यात आपला वैवाहिक जोडीदार आपल्याशी वाद घालण्याची संभावना आहे. ह्या आठवड्यात व्यक्तिगत जीवन आणि प्रेम संबंधात येणाऱ्या समस्यांचं निराकरण करण्यासाठी संवाद साधावा. प्रेमिकेशी होत असलेले गैरसमज दूर करण्यासाठी मोकळेपणाने बोलणी करावीत.

• तूळ : या आठवड्याच्या सुरूवातीस कारकीर्द आणि व्यापाराशी संबंधित काही समस्या निर्माण होऊ शकतात. कामाचा भार सुद्धा वाढल्यानं आपणास त्रास होऊ शकतो. ह्या कार्यक्षेत्राशी संबंधित समस्यांबरोबरच आपल्या कुटुंबात देखील एखाद्या गोष्टीनं तणाव निर्माण होऊ शकतो. वैवाहिक जोडीदाराशी वाद झाल्यानं आपलं मन उदास राहू शकते. आठवड्याच्या उत्तरार्धात भागीदारी व्यवसाय करणाऱ्या व्यक्तींना अपेक्षित लाभ होईल. जे व्यापारी आपल्या व्यापाराची व्याप्ती वाढविण्याच्या विचारात आहेत, त्यांची मनोकामना पूर्ण होईल. एखादा मोठा निर्णय घेण्याच्या वेळी आपणास सर्व कुटुंबियांचे समर्थन मिळेल. आठवड्याच्या अखेरीस एखादी तीर्थयात्रा सुद्धा संभवते. प्रेमसंबंध प्रगल्भ होतील. आपण आणि आपली प्रेमिका ह्या दरम्यान उत्तम समन्वय साधला जाईल.

• वृश्चिक : हा आठवडा आपल्यासाठी मिश्र फलदायी आहे. आपणास समस्यांना न घाबरता धीटपणे सामोरे जावं लागेल. मग हि समस्या आपल्या व्यक्तिगत जीवनाशी संबंधित असो किंवा कार्यक्षेत्राशी. आपणास बुद्धी आणि विवेकपूर्वक सामोरे जाऊन त्याच्यावर मात करता येईल. जे विद्यार्थी परीक्षेची किंवा स्पर्धेची तयारी करत आहेत त्यांना अपेक्षित यश प्राप्तीसाठी कठोर परिश्रम करावं लागतील. आठवड्याच्या मध्यास आपले गुप्त शत्रू सक्रिय होण्याची संभावना असल्यानं आपणास अत्यंत सावध राहावं लागेल. आठवड्याच्या उत्तरार्धात आपल्या व्यापाराशी संबंधित एखादा दीर्घ पल्ल्याचा प्रवास करावा लागू शकतो. आर्थिक देवाण-घेवाण करताना आपणास सतर्क राहावं लागेल, अन्यथा आर्थिक नुकसान सोसावे लागू शकते. प्रणयी जीवनात थोडे लटके वाद होतील. वैवाहिक जीवन सुखद होईल.

• धनु : या आठवड्याची आपली सुरूवात एखाद्या सुखद आणि मनोरंजक प्रवासानं होईल. आठवड्याच्या सुरूवातीसच आपणास अपेक्षित पद प्राप्त होऊ शकते. आपण जर अनेक दिवसांपासून एखादा व्यवसाय सुरु करण्याचा किंवा असलेल्या व्यवसायाचा विस्तार करण्याचा विचार करत असलात तर या आठवड्यात आपली हि मनोकामना पूर्ण होऊ शकते. आपल्या मान-सन्मानात सुद्धा वाढ होईल. ह्या दरम्यान आपणास मुलांकडून सुद्धा एखादी आनंदाची बातमी मिळू शकते. झालेले गैरसमज दूर होऊन आत्मिक प्रेम वृद्धिंगत होईल. हा आठवडा प्रणयी जीवनासाठी सुद्धा अत्यंत शुभ फलदायी आहे. आपणास प्रेमिकेच्या सहवासात वेळ घालविण्याची संधी मिळेल. कुटुंबीय आपल्या प्रेमावर विवाहाचे शिक्कामोर्तब करू शकतात. दांपत्य जीवन सुखद होईल.

• मकर : या आठवड्यात आपणास आपल्या लक्षवर लक्ष केंद्रित करावं लागेल. आपल्या जीवनातील समस्यांचं शांतिपूर्वक निराकरण करण्यासाठी प्रयत्न करावा लागेल. ज्यामुळं आपणास यश प्राप्त होऊ शकेल. कोणत्याही योजनेत आर्थिक गुंतवणूक करण्यापूर्वी तज्ञ व्यक्तीचा सल्ला घ्यावा. शुभचिंतकांचा सल्ला सुद्धा चांगलाच असेल. ह्या दरम्यान घराची दुरुस्ती किंवा आवश्यक वस्तूंची खरेदी करण्यात जास्त खर्च करावा लागू शकतो. त्याचा प्रभाव आपल्या अंदाजपत्रावर पडू शकतो. आठवड्याच्या उत्तरार्धात नोकरी करणाऱ्या महिलांना घर आणि कार्यक्षेत्रात समन्वय साधण्यात काही त्रास होऊ शकतो. वैवाहिक जीवन सुखद होईल. प्रणयी जीवनाचे प्रदर्शन कोणत्याही सामाजिक माध्यमावर किंवा इतर ठिकाणी करू नये.

• कुंभ : कारकीर्द आणि व्यवसायासाठी हा आठवडा आपणास शुभ फलदायी आहे. आपण जर व्यवसाय वृद्धीचा विचार करत असाल तर त्यात आपल्या मित्रांची मदत आपल्या कामी येऊन आपली मनोकामना पूर्ण होऊ शकते. नोकरी करणाऱ्यांसाठी सुद्धा हा आठवडा अनुकूल आहे. त्यांना प्राप्तीचे नवीन स्रोत मिळतील. परीक्षेची-स्पर्धेची तयारी करणाऱ्या विद्यार्थ्यांना चांगली बातमी मिळू शकते. आठवड्याच्या मध्यास घर-जमीन यांच्या खरेदी-विक्रीत माता-पित्यांचे पूर्ण सहकार्य आणि समर्थन मिळेल. दांपत्य जीवन सुखद होईल. हा आठवडा प्रेमीजनांसाठी सुद्धा शुभ फलदायी आहे. आपण जर एखाद्या व्यक्तीस आपले प्रेम व्यक्त करू इच्छित असाल तर तसे करण्यात आपणास यश प्राप्त होऊ शकते. ज्या व्यक्ती आधीपासूनच प्रणयी जीवन जगत आहेत त्यांना विवाहासाठी कुटुंबीयांची संमती मिळू शकते.

• मीन : हा आठवडा आपल्यासाठी यश आणि आनंद घेऊन येणारा आहे. रोजगाराच्या शोधात असणाऱ्या व्यक्तींना चांगली संधी आणि सरकारी योजनांचा लाभ मिळेल. आपण जर परदेशात जाऊन शिक्षण घेण्याचा किंवा नोकरी करण्याचा विचार करत असाल तर ह्या आठवड्यात आपली हि इच्छा पूर्ण होऊ शकते. आठवड्याच्या उत्तरार्धात जमीन-घर आणि पैतृक संपत्तीशी संबंधित वादांचं, समस्यांचं निराकरण होईल. ह्या आठवड्यात ऋतुजन्य आजार होण्याची शक्यता असल्यानं आपणास आपल्या प्रकृतीची काळजी घ्यावी लागेल. कोर्टातील खटल्यात निकाल आपल्या बाजूनं लागेल. व्यापारात आपणास इच्छित लाभ आणि प्रगती प्राप्त होईल. प्रेमसंबंध दृढ होतील. आपण प्रेमिकेच्या सहवासात सुखद क्षण घालवू शकाल. वैवाहिक जीवन सुखद होईल.

हेही वाचा -