मुंबई - Big B Praises Jaishankar : अमिताभ बच्चन यांनी परराष्ट्र मंत्री एस जयशंकर यांनी केलेल्या अलीकडील कमेंटबद्दल कौतुक केलं आहे. त्यांनी आपल्या बोलण्यातून प्रादेशिक तणावादरम्यान भारताच्या दयाळू दृष्टिकोनावर प्रकाश टाकला. जयशंकर यांना दिल्लीतील एका पुस्तक प्रकाशन कार्यक्रमात एक प्रश्न विचारण्यात आला होता. यामध्ये जयशंकर यांनी भारत भारतीय उपखंड आणि हिंदी महासागर प्रदेशात गुंडगिरी करत आहे का यासंदर्भात विचारलेल्या प्रश्नाला उत्तर दिले.
मोठ्या प्रमाणावर शेअर केलेल्या व्हिडीओ क्लिपमध्ये कैद केलेल्या जयशंकरच्या वक्तव्याने भारत आणि त्याचे शेजारी यांच्यातील परिवर्तनीय संबंध अधोरेखित केले आहेत. X वर एका युजरने शेअर केलेल्या व्हिडिओमध्ये, जयशंकर शेजारील देशांमध्ये संकटाच्या वेळी भारताने 4.5 अब्ज डॉलर्ससह केलल्या महत्त्वपूर्ण मदत योगदानाचा हवाला देऊन सांगितलं की, जर भारत त्यांच्यावर दादागिरी करत असता तर या देशांना संकटाच्यावेळी मदत केली नसती. कोरोनाच्या संकटातही आपण या शेजारच्या देशांना वॅक्सीन पुरवल्या. जयशंकर यांनी दिलेल्या उत्तराचं केवळ लोकांनीच कौतुक केलं नाही तर तर स्क्री आयकॉन अमिताभ बच्चन यांचेही लक्ष वेधून घेतले.
ट्विटरवर अमिताभ बच्चन यांनी जयशंकर यांच्या विधानाचे कौतुक केले आणि सोमवारी दुपारी एका ट्विटमध्ये लिहिले, "वाह!! वेल सेड सर". अशी प्रतिक्रिया देऊन बच्चन यांनी आपली सहमती दर्शवली. त्यांच्या या प्रतिकरियेनंतर अनेकांनी ट्विटरवर आनंद आणि समधान व्यक्त केले. तर काहींनी त्याच्या राजकारणातील संभाव्य प्रवेशाचा अंदाजही लावला. एका प्रत्युत्तरात जयशंकर देशाचे सर्वोत्तम मुत्सद्दी आणि परराष्ट्र व्यवहार मंत्री म्हणून कौतुक करण्यात आले आहे.
दरम्यान, रविवारी अमिताभ बच्चन आणि त्यांचे कुटुंबीय गुजरातमधील जामनगर येथे अंबानी कुटुंबाने आयोजित केलेल्या प्री-वेडिंग सेलिब्रेशनमध्ये सहभागी झाले होते. पत्नी जया बच्चन, मुलगा अभिषेक बच्चन, सून ऐश्वर्या राय आणि मुलगी श्वेता बच्चन यांच्यासोबत, अमिताभ यांनी त्यांच्या नातवंड आराध्या, अगस्त्य आणि नव्यासोबत उत्सवाचा आनंद लुटला. सोमवारी पहाटे मुंबईला परतण्यापूर्वी अमिताभ यांनी या कार्यक्रमातील त्यांचे अनुभव त्यांच्या ब्लॉगवर शेअर केले.
हेही वाचा -
