मुंबई - Father's Day 2024 : बॉलिवूड अभिनेता वरुण धवननं 'फादर्स डे'च्या निमित्तानं आपल्या मुलीबरोबरचा पहिला फोटो शेअर केला आहे. रविवारी 'फादर्स डे'च्या दिवशी वरुणनं आपल्या मुलीची एक छोटीशी झलक इंस्टाग्रामवर शेअर करून त्याच्या चाहत्यांना भेट दिली आहे. वरुण आणि त्याची पत्नी नताशा दलाल यांनी या महिन्याच्या सुरुवातीला त्यांच्या पहिल्या मुलाचे स्वागत केलं आहे. शेअर केलेल्या फोटोमध्ये वरुणची मुलगी त्याचे बोट धरून आहे. त्यानं अद्याप आपल्या मुलीचा चेहरा उघड केलेला नाही. दुसऱ्या फोटोत वरुणनं कुत्र्याचा पंजा हातात धरला आहे. फोटो शेअर करताना वरुणनं पोस्टवर कॅप्शनमध्ये लिहिलं, "फादर्स डेच्या शुभेच्छा, माझ्या वडिलांनी मला शिकवले की हा दिवस साजरा करण्याचा सर्वोत्तम मार्ग म्हणजे बाहेर जाऊन माझ्या कुटुंबासाठी काम करणे, म्हणून मी तेच करत आहे. मुलीचा बाप होणं यापेक्षा मोठा आनंद असू शकत नाही."
वरुण धवननं शेअर केलेल्या फोटोवर स्टार्सनं दिली प्रतिक्रिया : या पोस्टवर प्रतिक्रिया देताना जान्हवी कपूर आणि झोया अख्तर यांनी हार्ट इमोजी शेअर केले आहेत. दुसरीकडे परिणीती चोप्रानं कमेंटमध्ये लिहिलं की, "गर्ल डैड्ड वीडी, तू मोठा झाला रे." तसेच अभिनेता मनीष पॉलनं यावर लिहिलं, "सर्वोत्तम, सर्वोत्तम! मुली हे वरदान असते." या पोस्टवर चाहत्यांकडून अनेक प्रतिक्रिया येत आहेत. एका चाहत्यानं या पोस्टवर लिहिलं, "तू आधीच एक चांगला माणूस आहात, आता तुम्ही सर्वोत्तम मुलीचे वडील देखील सिद्ध व्हाल. फादर्स डेच्या शुभेच्छा, हिरो!." दुसऱ्या एकानं लिहिलं, "अरे तुमची मुलगी या जगातील सर्वात भाग्यवान मुलगी आहे, आमची छोटी राजकुमारी." आणखी एका चाहत्यानं लिहिलं, "खूप सुंदर फोटो आहे."
वरुण धवननं चाहत्यांचे मानले आभार : वरुण आणि नताशाच्या मुलीचा जन्म 3 जूनला झाला. वरुणनं इंस्टाग्रामवर एक क्यूट व्हिडिओ शेअर केला होता. व्हिडिओ पोस्टवर त्यानं असं लिहिलं होत की, "बेबी धवन प्राउड पॅरेंट्स आणि वरुण, प्राउड फैमिली." या व्हिडिओच्या कॅप्शनमध्ये त्यानं लिहिलं होत की, 'आमची मुलगी आली आहे' शुभेच्छा दिल्याबद्दल धन्यवाद. हरे राम हरे राम, राम राम हरे हरे कृष्ण." या पोस्टवर बॉलिवूडमधील स्टार्सनं कमेंट्स करून त्यांना शुभेच्छा दिल्या होत्या. दरम्यान वरुणच्या वर्कफ्रंटबद्दल बोलायचं झालं तर तो पुढं 'स्त्री 2' , 'बेबी जॉन', 'एक्कीस' आणि 'सनी संस्कारी की तुलसी कुमारी' या चित्रपटांमध्ये दिसणार आहे.
हेही वाचा :
- अल्लू अर्जुन ते अनन्या पांडे या सेलिब्रिटींनी वडिलांना दिल्या 'फादर्स डे'निमित्त शुभेच्छा - Happy Fathers Day 2024
- 'फादर्स डे'निमित्त सर्वोत्तम पाच हृदयस्पर्शी चित्रपट वडिलांबरोबर पाहा - FATHERS DAY 2024
- सलमान खानला जीवे मारण्याच्या कटाबाबत उल्लेख केल्याप्रकरणी यूट्यूब चॅनलच्या इन्फ्लुएंसरला राजस्थानहून अटक - Salman Khan
